اسكريبتات متنوعه بقلمي / إيمان شلبي

البارت الرابع

اسكريبت
#الجزء_الرابع

سيليا بدموع : بابي هي مامي هت*موت ؟!

يونس بلهفه وقلق : متقوليش كده لا مامي هتكون كويسه أن شاء الله هتكون كويسه ...

سيليا بدموع : انا خايفه اوي يابابي انا بحب مامي اوي مش عايزاها ت*موت ..

يونس نزل علي ركبته الاتنين قدام سيليا وشدها لحضنه وقال بخفوت ودمعه نزلت من عيونه : مامي هتكون كويسه أن شاء الله ياحبيبتي ..

ماما بدموع وهي بترفع ايديها للسما وبتدعي ربنا : يارب قوملي بنتي بالسلامه يارب ...

خرج الدكتور وعلي وشه علامات الفرحه ..

يونس وهو بيقرب منه بلهفه: ها يادكتور طمني ؟

الدكتور بفرحه: المدام رجعتلها الذاكره ..

يونس بفرحه : انت بتتكلم جد

الدكتور : والله ده حتي بتسأل علي سيليا بنتها وبتسال علي باباها ومامتها..

اندفع الكل لاوضتي وأولهم يونس اللي كان حاسس ان روحه رجعتله من تاني ..

ايمان ..

قالها يونس بخفوت وهو واقف علي باب اوضتي ...

لفيت راسي وانا ببصله ،كانت نظراتي جامده خاليه من اي تعبير ،يمكن التعبير الوحيد اللي كان واضح هو الحيره !!

ليه يعمل كده فيا ،ليه ي*خوني ،انا كنت واثقه فيه اكتر من نفسي ،كنت بحبه اكتر من نفسي،كنت مراهنه عليه بحياتي مجنتش غير اني خسرت الرهان ومكتفاش اني خسرت الرهان ده حط*مني ،قط*ع قلبي ميه حته بكل قس*وه وبرود ...

سيليا جرت علي حضني وانا قومت خدتها في حضني ،كانت وحشاني بشكل ،طول ما كنت فاقده الذاكره وانا حاسه ان في حاجه نقصاني ،حساها بتنادي عليا كل يوم لكن مكنتش قادره افهم بس اخيرا فهمت وعرفت كل حاجه ،عرفت اني كنت مع واحد خاين وأناني ...

ماما بدموع وهي بتحضني : الف حمد وشكر ليك يارب الحمد لله الحمد لله

يونس بهدوء : حمدالله علي سلامتك يا ايمان

بصيتله وانا بقول ببرود : طلقني

ماما بتوتر : ا ايمان ياحبيبتي مش وقته الكلام ده ...

بصيت ليونس وانا بقوم من علي السرير بالرغم من الجروح اللي في وشي وج*سمي اللي متكسر من الوجع ..

قومت وقفت قدامه وانا بقول بتحدي وغيظ: طلقني يا يونس ...

يونس وهو بيبصلي بندم : انا اسف

هعمل ايه بأسف ؟!

قولتها بنبره صوت كلها وجع وق*هر وانا ببص في عيونه الرمادي اللي كنت ويعز عليا اقول كنت بحبها زي ما كنت بحبه ...