ولإني باحبه بقيت راضية
اقبله على عيبه واعيش وياه
ولإنه مغفل مش عارف
إني بفوٍّتله عشان حبّاه !🖤
- كنت عارف انك هتيجي ..
اتنهدت وانا ببتسم نص ابتسامه بكل سخريه وبرفع راسي ابص في عيونه وانا بقول :
- ليه الثقه الزياده ديه ؟
- عشان عارف انك بتحبيني زي ما بح...
- كنت ،كنت بحبك يا يونس
- اومال جايه ليه ؟
في الحقيقه مكنتش عارفه اقول ايه ؟
هو انا جايه ليه ؟ عشان نرجع
اكيد لا يونس لو آخر راجل في الدنيا مش هرجعله ...
- أنا اللي جايه أسألك ايه اللي فكرك بيا ؟!
- يمكن لفيت كتير وملقتش حد يستحملني ويحبني غيرك
- أه يعني مش عشان بتحبني ؟!
مش عشان وحشتك مثلا ،ومش عشان مفتقد وجودي ..
انت راجع عشان ملقتش حد معاك
راجعلي عشان انت عارف اني طول عمري بديل واني طول عمري بسامح وبعدي وباجي علي كرامتي عشانك
راجع عشان انت اناني ....
- إيمان اسمعيني أن...
- لا اسمعني انت يا يونس ،اسمعني انت انا جيت هنا النهارده وانا عندي أمل واحد في الميه تكون اتغيرت
كان عندي امل اشوفك انسان ولو مره واحده في حياتك
... بس اللي في طبع مش بيغيره الإنسان الاناني اللي زيك عمره ما يتغير ،مش هتلاقي اللي يحبك يا يونس ،تعرف ليه ؟ عشان انت مش بتحب غير نفسك ،بتحب تاخد الحب والحنان والعطف من كل اللي حواليك بتحب تحس انك محور الكون وفي المقابل متردش الحب بالحب ...
وانا معاك عمري ما سألتني عامله ايه؟ مالك صوتك ماله، حاسه بأيه، نفسك في ايه ،عمري ما حسيت اني مهمه في حياتك ،كنت طول الوقت بتاخد مشاعري وتستنزفها ومتردهاش ولو بكلمه حلوه حتي ،طبعك قاسي بارد اناني نرجسي انت شخصيه نرجسيه يا يونس مش عايزه اشوف رقمك تاني أخرج من حياتي للابد .....
وفي الخلفيه صوت تامر عاشور
انت اخترت طريق ومشيته
بعت هوايا وقلبي نسيته
وأما خسرت في بعدي
راجعلي !
بتفكرني بحب زمان
هو انت بتكدب وتصدق
كان من أمتي بتعرف تعشق
ابعد عني خلاص وياريتك لو تتعود علي الحرمان ...
قولت كلامي وقومت ..
جريت من المكان قبل ما دموعي تخوني كالعاده
كنت جامده قاسيه في كلامي ولاول مره اكون كده
لكن هو يستحق ،يونس يستحق اكتر من كده ،هو اللي وصلني للحاله ديه ، هو اللي أناني ومبيحبش غير نفسه
هو اللي خلاني احبه خلاني أخرج مشاعر كانت مكبوته كانت متشاله ليه هو بس ،هو اللي خلاني كئيبه طول الوقت
بلعن الصدفه اللي جمعتني بيه لو مكنش ظهر في حياتي وحبيبته مكانش ده بقي حالي ....
كنت ماشيه في الشارع دموعي علي خدي ...
الدنيا غيمت وثواني والدنيا كانت بتشتي
اختلطت دموعي بالشتا
..كان صعبان عليا نفسي اوي ،صعبان عليا الحب اللي حبتهوله ،صعبان عليا مشاعري اللي اتهانت ،صعبان عليا قلبي المكسور قلبي اللي مش قادر يحب غيره
أنت تقرأ
اسكريبتات متنوعه بقلمي / إيمان شلبي
Mystery / Thrillerمجموعه اسكريبتات رومانسي ،كوميدي،حزين ،بقلم ايمان شلبي هنا هتعيش معانا لو كنت حابب تعيط عليك وعلي اسكريبت باب الذكريات 🥲 عايز تضحك عليك وعلي اسكريبت احببت مجهوله 😂عايز محن وفقع مراره هتلاقي كتشير اوي😂عايز كله في اسكريبت واحد عليك وعلي ظننته خالي...
