اسكريبتات متنوعه بقلمي / إيمان شلبي

السيده الاولي ( البارت الثاني )

#السيده_الاولي
#البارت_الثاني

جميله بخوف وتوتر : ا أن نت خاطفني ؟

سراج بسرعه ولهفه: لا لا صدقيني مخطفتكيش ..

جميله بدموع وخوف : ا انا عايزه امشي من هنا ارجوك

الشخص اللي كان واقف وراهم باستغراب : من تلك الفتاه ياسراج ؟

سراج بسرعه وتوتر : ت تلك زوجتي

الشخص باستغراب : زوجتتك !!!

سراج وهو بيمسك ايديها بين أيديه وقال بجمود : نعم سأوصلها الي القصر واعود علي الفور ..

حسناً

قال جملته ومشي وساب سراج وجميله اللي واقفه مصدومه من اللي حصل ،يعني معقوله سراج يعمل كده ،يمكن هو ميعرفهاش ولا شافها قبل كده ،بس هي شافته اكتر من مره ،خطفها ،كانت في كل مره تشوفه تحس احساس مختلف ،كانت تحس قلبها هيخرج من مكانه ،كانت تقف هيمانه بتبتسم في الخفا ،كانت تراقب تفاصيله كامله ،بدايه من عيونه الخضراء اللي محاوطها رموش كثيفه ،وجديته وكاريزمته ،خطف قلبها وعقلها كمان ،جلاله الملك جميله اتخطفت برغم وجود ناس كتيره حواليها إلا أن قلبها ملوش سلطان !...

سراج : ا انا

جميله وهي بتشد ايديها من أيده بعصبيه واحتقار: انت خاااين

سراج غمض عينه وضغط علي أيده الاتنين بعنف وهو بيقول بهدوء : اسمعيني الاول

جميله وهي بتزقه من قدامها بغضب : مش عايزه اسمع منك حاجه ياخاين ياحقيررر ...

قال جملتها وكانت لسه هتمشي بس سراج قبض علي ايديها وقال بهدوء وهو بيجز علي أسنانه  : رايحه فين في الوقت ده ،مش خايفه حراس الملك يشوفوكي!

جميله وهي بتبصله بشموخ وشجاعه: لا مش خايفه ،وسيب ايدي ياسراج ..

سراج وهو بيهز رأسه بنفي: مقدرش ياجلاله الملكه ...

جميله بغضب.: بقولك سيب ايدي حالا ..

سراج سررراج ...

ديه كانت جمله واحد من أصحاب سراج جاي نحيتهم وهو بينهج ..

سراج باستغراب : في أي ياجابر؟!

جابر وهو بيتنفس بسرعه وتعب : سراج في خبر اتنشر أن بنت جلاله الملك هربت ..

جميله كانت لسه هتتكلم بس سراج سبقها بسرعه : طب واحنا مالنا ؟!

جابر بتوتر : الجنرال ياسراج

سراج بتوتر : م ماله

جابر بخفوت : بيدور عليها ولو لقاها انت عارف أنه هيخطفها عشان يضغط علي الملك بالتنازل عن العرش وإلا هيقتلها ،واحنا مش هنسمحله لأننا ..

كان لسه هيكمل كلامه بس لاحظ وجود جميله اللي كانت واقفه تسمعه بترقب ....

جميله بفضول : انتوا ايه !!