ميرا بدموع مصطنعه : ا انا مكنتش حباكي تعرفي بالطريقه ديه بس انا تعبانه اوي ومحتاجه جوزي يكون معايا لانه من حقي زي ما هو من حقك بالظبط ...
رقيه بدموع وشرود : ا انتي ميرا
ميرا بخبث : ايوه انا ياحبيبتي فاكراني؟!
رمت رقيه الفون علي السرير وهي بتبص قدامها بشرود ودموعها علي خدها ...
مش قادره تستوعب اللي سمعته !
-اتمني تكون فقره النكد خلصت عشان مش عارف انام برا
لفت رقيه رأسها لباسم اللي كان واقف علي باب الأوضه وباين علي وشه التعب وقامت وقفت وهي بتقرب منه بصمت مريب ..
باسم بخوف وتوتر : ا ايه ياحبيبتي بتقربي كده ليه انتي جعانه شيفاني فرخه مشويه ولا ايه ؟!
رقيه بهدوء وشرود : ليه ؟
باسم باستغراب : هو ايه اللي ليه ياحبيبتي ؟!
رقيه بدموع : ليه ياباسم ؟ ليه اتجوزت عليا
باسم بصدمه : اتجوزت عليكي ايه ؟ ده حلم صح
رقيه : احلي مني في ايه هي ؟ علي فكره بقي ا انا لما أولد كنت هعمل رجيم عشان اخس ،و ولو علي وشي اللي باين عليه الإرهاق فده بسبب اني مش بنام كويس من التعب و ولما أولد هعالج الحبوب والهالات السوداء اللي تحت عيني ، ا انت اتجوزتها عشان هي احلي مني ؟
باسم باستغراب: ريجيم ايه وجواز ايه انا مش فاهم حاجه انتي واعيه ولا نايمه وبتمشي وانتي نايمه ولا ايه انا مش فاهم ؟؟
رقيه بهدوء وهي بتتنهد : طب وابنك اللي في بطني ؟ هان عليك تتجوز علي أمه وتكتب عليه يتولد واحنا منفصلين !
باسم بجنون : وننفصل ليه انا مش فاهم حاجه !
رقيه وهي بتصرخ في وشه ولاول مره في حياتها : اتجوزت عليا لييييه ؟ زهقت مني ، كرهتني عشان انا بعمل تصرفات عبيطه ... اتجوزتها عشان بتعمل اكل احسن من أكلي بتهتم بهدومك ومش بتبوظها زي مانا ببوظلك هدومك ..اجمل مني وبتهتم بنفسها ومش بتلبس لبس كله اطفال ..طب ليه ؟ ليه مصارحتنيش ليه ده انا كنت ممكن اعمل اي حاجه عشانك ياباسم كنت ممكن اتغير واكون ست عاقله ومسؤوله واتعلم الطبخ والغسيل والبس احسن لبس كنت ممكن اغير كل حاجه عشانك عشان بحبك ..ليه ياباسم ؟
باسم بقلق وهو بيحاوط وشها: حبيبتي اهدي طيب ..
رقيه وهي بتزق أيده بجنون : متقوليش اهدددددي متقوليش اهدي
باسم بعصبيه : انا متجوزتش عليكي انتي مش لاقيه حاجه تعمليها جايه تخترعي اي خناقه وخلاص
رقيه بزعيق : بس ديه مش خناقه والسلام ده حقيقه مراتك حبيبتك لسه مكلماني عشان هي تعبانه ومحتاجه جوزها وحبيبها يكون جنبها ..
أنت تقرأ
اسكريبتات متنوعه بقلمي / إيمان شلبي
Mystery / Thrillerمجموعه اسكريبتات رومانسي ،كوميدي،حزين ،بقلم ايمان شلبي هنا هتعيش معانا لو كنت حابب تعيط عليك وعلي اسكريبت باب الذكريات 🥲 عايز تضحك عليك وعلي اسكريبت احببت مجهوله 😂عايز محن وفقع مراره هتلاقي كتشير اوي😂عايز كله في اسكريبت واحد عليك وعلي ظننته خالي...
