اسكريبتات متنوعه بقلمي / إيمان شلبي

اسكريبت( البارت الاول)

#اسكريبت
#إيمان_شلبي

تتجوز مراتي ..

اتنفض كريم من مكانه وهو بيقول بصدمه : انت بتقول ايه انت اتجننت !

زياد ببرود وهو بيدخن وبيحط رجل علي رجل : لا متجننتش انا بطلب منك طلب وافقت ،وافقت موافقتش هطلب من حد غيرك ...

كريم وهو بيشده من قميصه بغضب : انت عايز تجنني ،ازاي عايز تجوز مراتك لواحد تاني وهي متجوزاك ياغبي انت شارب ايه !!

زياد وهو بيشيل أيده من علي قميصه ببرود اكبر :رميت عليها اليمين وعايز ارجعها ..

كريم : محلل يعني ؟!

زياد : ايوه ،ها موافق ولا اشوف غيرك ..

كريم وهو بيبصله بقرف وجواه براكين تكاد تحرق الأرض واليابس : موافق ..
..................................................
جهزي نفسك النهارده  عشان كتب كتابك ..

مريم وهي بتتنفض من مكانها بصدمه : انت بتقول ايه ؟

زياد ببرود وهو بيقعد علي الكنبه وبيسند ظهره عليها : زي ما بقولك كتب كتابك النهارده علي  صاحبي ،يرضيكي نعيش مع بعض وانا مطلقك !

مريم ودموعها نازله علي خدها بكسره وضعف : انا مش عايزاك ،مش عايزه أرجعلك تاني ...

زياد وهو بيقوم وبيشدها من دراعها بغيظ وغضب: مش بمزاجك ياحبيبتي ،انا اشتريتك من أهلك فاكره ولا مش فاكره ،يعني انا حر اعمل اللي انا عايزه اطلقك وارجعك وقت ما احب ...

مريم بصراخ ودموع : انت ايه يا اخي شيطاااان ،انا بكررررهك يازياد بكررهك وبكره اهلي اللي سلموني لحيوان زيك ...

زياد وهو بيجز علي أسنانه بعنف وبيضغط علي أيده في محاوله منه لتهدئه أعصابه .....

ضغط علي دراعها وهو بيقول من بين سنانه : انا هعتبر نفسي مسمعتش حاجه يامريم وحالا تدخلي تغسلي وشك الجميل ده وتلبسي لبس نظيف عشان العريس  جاي وهو المأذون والشهود .وحسك عينك يامريم حد يحس انك مغصوبه علي الجواز ،اقسم بالله هدفنك حيه هنا سامعاني !

قال جملته الآخيره بنبره كلها تحذير وهو بيضغط علي دراعها اللي اصبح كله احمر من ضغطته القويه...

زياد بحده : سامعاااني

مريم وهي بتهز دماغها اكتر من مره : س سامعه سامعه سيب دراعي حرام عليك هيتخلع ...

زياد ساب دراعها ووقف يمسح دموعها بقوه وهو محاوط وشها اللي كله دموع بين ايديه: ميرضنيش يامراتي ياحبيبتي ...

زقت أيده بقرف وهي بتدخل اوضتها وبترزع الباب وراها بغضب ...

وقفت ورا الباب وهي بتتنفس بسرعه وخوف وهي حاطه ايديها علي قلبها ...

قعدت علي الارض وسندت ظهرها علي الباب وهي بتضم ركبتها لصدرها وبتعيط بحرقه ،جسمها كله بيتنفض ،بتحاول تكتم صوت دموعها عشان زياد ميسمعهاش ويدخل يمد أيده عليها كالعاده