اسكريبتات متنوعه بقلمي / إيمان شلبي

عاجزه ولكن ( البارت الثالث)

#عاجزه_ولكن
#البارت_الثالث
- ملك
- لسه فاكر تزورني ؟!

قالتها بسخريه مريره وهي بتبص علي أعتاب الباب اللي كان واقف عليه زياد وحاطط وشه في الأرض بأحراج

- ممكن ادخل ؟!
- اتفضل

دخل وهو مازال حاطط وشه في الأرض وسحب كرسي وقعد قدامها وهي بتبصله بعتاب

اتنهد ورفع رأسه وهو بيقول بهدوء :
- العمليه بتاعتك اتحددت يوم الخميس اللي جاي

- نعم عمليه ايه؟!
- العمليه اللي هتخليكي تقدري تمشي تاني

ملك باستغراب :
- ازاي ؟ العمليه غاليه اوي

زياد وهو بيتنهد :
- اتصرفت

ملك باستهجان:
- اتصرفت في خمسه مليون جنيه !!

زياد :
- ايوه بيعت الأرض بتاعتنا اللي في الصعيد

ملك بحزن ودموع :

- ليه عملت كده دي بتاعه طنط فتحيه وعزيزه عليها عشان بتاعه باباها

زياد وهو بيبصلها بحزن اكبر :

- بس عمليتك اهم وخاصه ان انا السبب في اللي حصلك

ملك بعتاب:

- عشان كده بقالك اسبوعين من وقت ما حصل اللي حصل مجيتش حتي تتطمن عليا ؟؟!

اتنهدت تنهيده طويله وحط رأسه بين أيده وهو مش عارف يرد يقول ايه !

- زياد ا انت بتعيط ؟!

قالتها ملك بنبره صوت كلها وجع وهي سامعه صوت نفسه العالي في الاوضه وشهقاته اللي مكانش قادر يكتمها

- ز زياد بطل عياط ا انا عارفه أنه مكانش قصدك
زياد متعيطش عشان خاطري انا مسامحاك صدقني انا عارفه أنه مش ذنبك والله
د ده قدر ومكتوب ،ز زياد اوعي تضعف انا قويه بوجودك
ي يمكن انا وانت طول الوقت في خناق مستمر ب بس

بلعت ريقها وهي بتتنفس بسرعه وغمضت عينيها وقالت بهمس :

- ب بس بحبك

- لا 

قالها وهو بيتنفض من مكانه وملك بتبصله بذهول علي رده فعله الغير متوقعه علي الاطلاق

- زياد

قالتها بصوت يكاد يكون مسموع ودموعها علي خدها

زياد وهو بيقول قسوه :

- ا اقصد لا ا احنا اخوات ،اخوات وبس ياملك عن اذنك

قال جملته وكان لسه هيخرج من الأوضه بس وقف مكانه وعروقه اتجمدت وهي بتقول بعصبيه ودموع :

- كفايه كذب علي نفسك وعليا احنا مش اخوات ولا عمرنا هنكون اخوات
امك اسمها فتحيه وامي اسمها مديحه ابوك اسمه محمود وابويا اسمه صلاح