خرج باسم وهو حاطط أيده علي قلبه من الرعب ...
وقف مكانه بصدمه وهو فاتح بوقه لما شاف رقيه واقفه تتنطط قدام التليفزيون وبتسقف زي الاطفال لما شافت توم وجيري شغال !
رقيه بفرحه : تعالي ياباسم تعالي اتفرج معايا علي توم وجيري
باسم بذهول : يعني وقعتي قلبي بين رجلي وفزعتيني عشان توم وجيري ؟!
رقيه وهي بتبصله ببراءه: اه طبعا ده توم وجيري !
باسم بزعيق : انتي مجنونه هو انا متجوز طفله ولا ايه ؟! ده الاطفال مش بتعمل زيك
رقيه : أنا عملت ايه لكل ده يعني ؟
باسم بضيق : لا ولا حاجه حضريلي طفح عشان اشوف شغلي لما اشوف بوظتيلي قميص ايه المره ديه ..
رقيه بتوتر : ل لا ا انا يعني مبوظتش حاجه واحده
باسم باستغراب : غريبه يعني ؟
رقيه : م ماهو يعني ا اصل انا هقولك بص بص ادخل افتح الدولاب وانت هتعرف ..
باسم وهو بيبصلها بشك : استر يارب عملتي مصيبه ايه ...
رقيه : هتنبهر
دخل باسم وهو خايف ...
رقيه وهي بتلف حوالين نفسها : يارب يارب عديها علي خير ماهو مكانش ينفع برضو احط كل القمصان الالوان والابيض مع بعض في الغساله ....
رقييييييييه
رقيه وهي بتبلع ريقها بخوف : سلم علي الشهداء اللي معاك
دقايق وجه باسم من الأوضه التانيه زي الطور الهايج وهو ماسك في أيده كل القمصان اللي اتحولت لألوان الطيف ....
رقيه وهي واقفه علي الكنبه : انا هفهمك خليك هادي وانا هفهمك كل حاجه
باسم وهو بياخد نفس عميق وبيجز علي أسنانه : انا هادي ،هادي خااالص سامعك
رقيه وهي بتبلع ريقها بخوف : ا اصل اصل انا يعني
باسم بزعيق: اصل ايه ؟! هتبرري تقوليلي ايه هتقولي انك غبيه ومتخلفه؟ صبرت كتير عليكي قولت معلش لسه في أول الجواز بكره تعقل وتتعلم بكره تبقي ست بيت اكيد مش قصدها تحرق الاكل ولا تبوظ الهدوم انما أنتي مش بتحسي مش بتتعلمي الناس تتعلم من غلطها انما أنتي تعملي الغلط بالعشرين مره وبرضو مش بتتعلمي ..البس ايه انا دلوقتي اروح الشغل ازاي انا ها قوليلي هروح ازاي
رقيه وهي بتبص علي القمصان بتفكير : بصراحه كده في قميص مكانش عاجبني لونه ومكنتش بحبه عليك لما اتغسل لونه عجبني اوي ممكن تروح بيه ايوه ايوه القميص الكحلي اللي في ايدك ده اللي بقي لونه ابيض في كحلي تصدق هتصدق أن شاء الله الابيض مع الكحلي عمل شغل عالي اوي ....
باسم بعصبيه وجنون : انتي بتهزررري؟!
رقيه وهي بتتنفض : لا والله مش بهزر وربنا شكله كده احلي
أنت تقرأ
اسكريبتات متنوعه بقلمي / إيمان شلبي
Mystery / Thrillerمجموعه اسكريبتات رومانسي ،كوميدي،حزين ،بقلم ايمان شلبي هنا هتعيش معانا لو كنت حابب تعيط عليك وعلي اسكريبت باب الذكريات 🥲 عايز تضحك عليك وعلي اسكريبت احببت مجهوله 😂عايز محن وفقع مراره هتلاقي كتشير اوي😂عايز كله في اسكريبت واحد عليك وعلي ظننته خالي...
