اسكريبتات متنوعه بقلمي / إيمان شلبي

احببتها بقلبي ( البارت الاول )

عايز البنت  اللي هناك ديه ..

- ب بس يباشا يعني البنت ديه وغلبانه و

-انت فهمت ايه ياحيوان انت انا عايزها في شغل

-ااااه ط طب حاضر ثواني وهجبها لحضرتك

قال جملته وطلع يجري وهو بيقرب من بنت  كانت واقفه تمسح الطربيزه اللي في الكافيه وباين علي وشها التعب وهي بتمسح العرق اللي اتكون علي جبينها ...

-وعد سيبي اللي في ايدك وتعالي معايا بسرعه

وعد وهي بتبصله باستغراب : انت مش شايفيني بشتغل ياصلاح في ايه

صلاح وهو بيشدها من ايديها بلهفه : تشتغلي ايه بس تعالي الباشا الكبير عايزك ..

وعد وهي ماشيه معاه باستغراب : باشا مين استني يابني أن...

صلاح وهو بيقاطعها لما وصل قدام الراجل اللي طلبها

-وعد اهي يباشا

وعد وهي بتزق أيده بعصبيه: ممكن افهم في ايه ليه بتجرني زي البهيمه كده ومين ده كمان ؟!

صلاح وهو بيبلع ريقه بتوتر : ا اسكتي ده ال آااا

الراجل وهو بيشاورله بأيده أنه يسكت وبيقوم يقف قدام وعد وهو بيعدل جاكت البدله بتاعته : ممدوح العربي

وعد برفعه حاجب  وهي بتربع ايديها الاتنين ببرود : ايوه برضو مين ؟

الراجل وهو بيشاور لصلاح أنه يمشي : طب امشي انت ياصلاح واتفضلي يا انسه وعد

وعد باستغراب : اتفضل فين؟

ممدوح وهو بيتنهد : حابب اتكلم معاكي في موضوع

وعد برفعه حاجب: معايا انا؟!

ممدوح : ايه رأيك لو تاخدي مليون جنيه

وعد وهي فاتحه بوقها بصدمه : هه !!

ممدوح وهو بيحط أيده في جيبه وبيبتسم بخبث: مليون دلوقتي ومليون لو عملتي اللي هقولك عليه

وعد وهي بتبلع ريقها : م م مقابل ايه ؟!

ممدوح بغموض : تتجوزي ابني

وعد بسخريه : اتجوز ابنك؟ اشمعني انا وبعدين هو ننوس بابي ومامي مستنيك تدورله علي عروسه !

ممدوح بحزن مصطنع: وهيدور ازاي وهو مش بيشوف

وعد بصدمه : مش بيشوف ؟؟

ممدوح : ايوه

وعد وهي مربعه ايديها الاتنين وبتسأل بسخريه: وانا ايه اللي يجبرني اتجوز واحد أعمي مش بيشوف !

ممدوح : الاتنين مليون جنيه

وعد : يعني انت عايزني اتجوزه لفتره معينه وبعدين نتطلق!

ممدوح بابتسامه غامضه : بالظبببط

وعد : وليه كل ده ؟

ممدوح : عشان جده واللي هو بابايا تعبان وأيامه معدوده في الدنيا ورافض يتنازل عن أملاكه ليا