اسكريبتات متنوعه بقلمي / إيمان شلبي

باب الذكريات ( البارت التالت )

#باب_الذكريات
#البارت_التالت

جه تاني يوم الصبح ياسين صحي من النوم ،هو مكانش نايم من الاساس بيحاول طول الليل ينام لكن ش*بح الذكريات بيطارده ،كل ما يغمض عينيه يحس بطيف سيلا في الاوضه ..

قام أخد شاور ولبس هدومه اللي كانت عباره عن قميص اسود وبنطلون اسود ورفع شعره لفوق وكان شكله وسيم برغم حزنه اللي باين من عينيه ...

خرج من الاوضه وسمع صوت دوشه في المطبخ ،دخل براحه عشان ميفزعهاش ..

كانت واقفه في نص المطبخ حاطه ايد في وس*طها وايد تحت دقنها بتفكر تعمل فطار اي ..

مروه وهي بتكلم نفسها بتفكير : امممم اعمل فطار ايه ياتري اقلي بيض هو هيبقي مرهق شويه بس ما علينا ،واحط اكل من التلاجه واعمل كوبايتين شاي بلبن اللي يشربهم ياكل صوابعه وراهم من الندم أنه شرب الشاي بتاعي ..

احم احم

مروه بفزع : عااااااااا عفري*ت

ياسين وهو بيحاول يهديها : اهدي اهدي انا ياسين

مروه وهي بتزفر براحه : حرام عليك مش تعمل اي احم ولا دستور قلبي كان هيقف ..

ياسين وهو بيكتم ضحكته بصعوبه : معلش انا اسف

مروه بابتسامه واسعه : ولا يهمك ،احم انت نازل ولا ايه ؟

ياسين وهو بيهز رأسه : ايوه رايح اجيب سليم ..

مروه : اوك عقبال ما اكون عملت الفطار ونفطر كلنا سوا ..

ياسين وهو بيهز رأسه : تمام

وكان لسه هيمشي بس مروه ندهت عليه ...

ياسين ..

ياسين وهو بيلفلها : نعم يامروه

مروه بتوتر : ا ابقي هات معاك كورن فليكس

ياسين باستغراب : ليه؟

مروه : عرفت ان سليم بيحبه

ياسين بابتسامه حزينه : حاضر

ونزل يجيب سليم ورجع البيت ...

بعد مرور ربع ساعه

ياسين بغيظ : اقدر افهم انتي ازاي طلعتي بلبسك ده  للراجل؟

مروه بتوتر ودموع : ا انا اسفه بس افتكرته انت اللي علي الباب

ياسين بحده : تاني مره متفتحيش وانتي بالمنظر ده انتي مش متجوزه سوسن ياهانم ..

مروه وهي بتهز رأسها بخوف ودموعها نازله علي عينيها : حاضر ..

قام مشي وسابها وهي انفجرت في العياط مش متخيله ابدا انها بعد الحب ده كله يعاملها با*لقسوه ديه ،مش قادرة تستحمل تشوفه قاسي معاها كده ،بالاحري مش قادره تتحمل تشوف حنينه ولمعه عينيه وحبه لغيرها ! هي هتمشي قررت انها تنهي الجوازه  ديه وتمشي ...