المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 245:
وصل وين قاتلو يلقاه طبطب على لباب حتى تعب... مافتحلو حتى واحد... رجع لطموبيل حتى يقابلو واحد معاه مرأة هبطو من طموبيل كانو عاطينو بظهر ماقدرش يعرف شكون ... بقى متبعهم وين رايحين... حتى شافهم واقفين قدام لباب رجع بحداهم يحكي ...
عثمان: الياس
وقتها دار الياس الي تفتحو عينيه من دهشة يحكي...
الياس:بابا!!!(شافت معاه نورا داهشة )
تبسملو عثمان:ايه باباك...الله يبارك رجعتي راجل...
قرب سلم هليه وحضنو مش مأمن يشوف في باباه واقف قدامو...
الياس:ادخل بابا علاه واقفين حدا لباب...
تبسم وبسمل ودخل يشوف في دار...قعد على اول فوتاي قابلو...
الياس:بابا هذي نورا مرتي...
حركلو راسو:متشرفين...(شاف معاه وشاورلو يقعد ) توحشتك وتوحشت لمتنا... كرهت وانا نحوس عليكم من بلاصة لبلاصة...
الياس: ايه فوتنا فترة صعيبة بزاااف وقت رحتي ربي الي يعلم بينا...
عثمان: نعرف حكاتلي اختك...
نورا: اممم حكاتلك اختووو...
عثمان: علاه وش ماعجبكش في اختووو...
شافت معاه وقلبت عينيها تمتم وحدها...
الياس: اختي رافعة عليا قضية...
عثمان: بصح علاه حتى رفعت عليك قضية... الياس: مادرت شيء غير كتبت دار هذي بإسمي... وهي كانت حاطة فيها دراهم...
عثمان: رجلة تشوف فيها يا سي الياس اااه...
هبط راسو ماقدرش يرد عليه...
عثمان: هبط راسك كما لولية هكذاك... تسمى ليتم وزدت كملت عليها انت بعمايلك الكحلة....
طلعت رجل فوق رجل وحطت يديها عليهم نورا: جاي تحاسب فيه وانت نسيت روحك وش عملتي... غايب اكثر من 20 سنة وجاي منك بصح تعارك...
عض لسانو وحبك قبضت يدو عثمان: وانت وش دخلك في هدرت رجال ...هدرة بيني وبين راجلك وانت لسانك ياكل فيك ...وزيد اعدلي قعدتك وانت تحكي مع لعباد (دار لإلياس ) درك وين عرفت عمايلك جاية منين...مربية حية في دارك
شاف مع نورا حللها عينيه باه تسكتعوجت عليه فمها تحرك في رجليها... وهو كمل يحكي مع بابه الياس: وش راح نقلك بابا... نعرف روحي غلطت مكانش قصدي نعمل معاه هك هي الي كبرت لحكاية وعطاتها اكثر من حجمها
عثمان: تسرق دراهمها وتضربها كل يوم تبات مهانة عندك... مخلي زربوطة تتحكم فيك...
هبطت رجليها وحلت عينيها فيه: على شكون تحكي راكي في داري وجاي تتهجم علياااااا
ضرب طابلة بيديه خلاها ترجع لوراء مخلوعة...
عثمان: تلمي فمك ولا نلمهولك انا درك...
الياس: نوراااا احكمي بيتك...
نورا: عاجبك الي يعمل فيه باباك... كفاه تحبني نسكت في داري...
عثمان: منييين جات دارك اااه... سارقين نصها من طفلة منييين جات دارك...
نورا: هههه اكيد وش راح نتوقع جات بكات لعندك شوي خلاص...
مسح على وجهو راح يجهل عثمان: قسما بالله كون ماتخرجيش درك من وجهي... ماتلومينيش وماتقوليش كيفاه...
نورا: ماعندك ماتقضي انت الي جاي لداري مش لعكس تحب تتفضل مانمنعكش... انا ماعندي وين نروح هنا قاعدة...
الياس: نوراااا بركات نوضي لبيتك
وقفت شافت معاها قريب تسوطي عليه... تعفس على لارض عفسان...
عثمان: لا راجل ولدي... كما عدت هك طري علاه اختك تبلط فيها كما لبهيمة...
