المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 285:
سولا: ماما وش تحسي في روحك درك بعدما شربتي دواء...
وردة: لباس سولا ماتبقيشكل دقيقة تسقسي.... ارواحي اعدليلي لمخدة
وقفت عدلتلها لمخدة وقعدة على حرف سرير بجنبها مقابلتها...
سولا: تعرفي بالي نحبك ماما...
وردة: متاكدة من هذا شيء اما نحب بنتي تلهى بقرايتها... نحب بنتي تنجح وتفرحني... طبيب قال العملية ناجحة يعني ماعندك علاه تخافي... وزيد امك تعرفيها قوية مايقلقها شيء...
سولا: نعرف من دايما نقول عليك المراة الحديدية...
وردة: هههه اول مرة نسمعو....
سولا: ربي يخليك لينا يارب ومايحرمناش منك...
وردة: امين يارب... سولا بنتي كما تعرفي عرس خوك سمانة جاية... وانا تشوفي في حالتي... من بقيل سمعتهم بحكو بانلي متعاركين لانو خبات عليه مرضي... مانحبش نكون سبب يكفي اني وقفت في وجهو مرة مانحبش نعاودها...
سولا: ايه قاتلي ياسمين مايحكيش معاها عندو مدة...
وردة: احكي مع خوك وفهميه مايضلمش بنت ناس معاه...
سولا: معليه ماما دوك نروح نحكي معاه ومنو نفهم وش راح نعملو في حكاية العرس...
وردة: وطول لقرايتك مابقاش بزاف...
هزو عينيهم مع بوجمعة الي دخل يحكي...
بوجمعة: وش حوالها مريتي...
وردة: حمدالله على كل حال ...
سولا: انا نروح من بعد نرجع نخليكم تقعدو براحتكم...
وقفت خرجت وقفلت الباب من وراها... قابلها معتصم واقف كان يغسل في وجهو....
سولا: هذا وين تروح...
معتصم: راح تبداي بعد...
سولا: روح اقرا قرايتك الهدرة الي تصلح بيك...
معتصم: هم هذي...
شفت معاه شوفة قريب ناكلو خليتو وكملت لبيت نتع حمزة طبطبت ودخلت وقت سمحلي ندخل... لقيتو مهبط راسو ويحل في تلفون قديم...هز راسو يشوف معاياوهاود هبطو ...
حمزة: اهلا...
سولا: وبيك وش راك تعمل...
حمزة: قلقت قلت نحل تليفوني لقديم نشوف فيه... وانت علاه جيتي...
سولا: حابة نحكي معاك...
حمزة: خير في وش...
سولا: ياسمين...
حمزة: وشبيها ياسمين...
سولا: ميزو علاه متغشش منها هي ماغلطتش... ماما هي الي طلبت ماتقلكش... اما ياسمين قاتلها مانقدرش نخبي عليه بزااف... يعني من غير ماتكبر لحكاية...
حمزة: هذي حاجة بيني وبينها ربي يسترك اختي ماتدخليش بينا اوكي لا ليوم ولا نهار اخر...
سولا: كما تحب... والعرس وش نعملو فيه...
حمزة: مانعرف ماقررتش... انت الهاي بقرايتك مابقاش بزااف على لباك... والباقي حلو عندي...
سولا: اممم اوكي اما على الاقل خبرني باه نعرف نتصرف...
حمزة: ربي ورحمتو...
شاف معاها وقت خرجت وقفلت الباب... حط من يديه ورجع بجسمو لوراء... تنهد تنهيدة كبيرة مزالو حاير مش عارف وش يعمل لامور الكل جات مع بعضها.... فوت يدو على شعرو يحب يقلعو.... وهز تلفون يطلب فيها اما ماتهزش... رماه فوق سرير ووقف يطل من طاقة جبد دخات وحل زجاج شعل واحد يتكيف وعقلو شغال في الف حاجة ... دور راسو على تلفون الي صونا... تمشى ليه بخطوات تقال لقاها هي تبسم وهز عليها...
حمزة: سلام...
ياسمين: وعليكم سلام لباس؟
حمزة: حمدالله وانت؟
ياسمين: وقت سمعت صوتك تحسنت...
حمزة: علاه وشبيك...
ياسمين: لانو روحي عندك اكيد نتعب من غيرك...
حمزة: كثرتلها صح؟
ياسمين: بزااااف حرمتني منك ايام... حتى انا راح نعاقبك حمزة على غيابك...
حمزة: حابة تكملي عليا؟
ياسمين: امممم...
حمزة: ياسمين لازم تفهميني اصلا بقيتي غير انت الحاجة لمليحة في حياتي...
ياسمين: من غير ماتشرحلي نعرف...
حمزة: حمدالله الي راكي عارفة....
ياسمين: عارفة وراس حبي عارفة...
حمزة: ياسمين حاب نقلك حاجة...
ياسمين: ايه هاني نسمع فيك...
حمزة: العرس...(سكت ماقدرش ينطقها جاتو صعيبة...)
ياسمين: حاب تاجلو صح؟
حمزة:(لارد)
ياسمين: علاه سكت ماتقولش راح تقطع العلاقة بينا وتفسخ الخطبة...
حمزة: شوف هذيك الهدرة هبلتي انت...
ياسمين: حمزة فهمني وشبيه العرس..
حمزة: قلت اذا تقبلي ناجلوه... تعرفي مرض ماما وزيد مشكل في سيولة حسبت مخبي دراهم حتى نلقى روحي غالط في حسابي...
تنهدت تحكي: قريب حبس قلبي حرام عليك
حمزة: لدرجة هذي خايفة تخسريني...
ياسمين: مستحيل نخسرك بعدما لقيتك مستحيل...
حمزة: روحي انت تعبتك معايا...
ياسمين: مهم معايا مايهمش حتى انا نتعبك ما تخافش...
حمزة: صااار....
ياسمين: اممم والله....
