💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 255:
دخلت خلاتو داخل وراها... وقفت تشوف معاه كفاه قفل الباب وراه... تبسمت وقت تكى عليهطوى يدو لصدرو... معوج راسو متبسم يشوف معاها... كفاه تضغط على صوابع يديها...
حمزة: سلطانتي...
هزت راسها داهشة ياسمين: هااا !!!...
قرب خطو حزة: واخيرا سلطانتي وليتي حلالي...
رجعت خصلة من شعرها وراء وذنها
ياسمين: هههه واخيرا انت ليا وحدي...
حمزة: حسيت اليوم وين خلقت...(وقف مقابلها ) اليوم تكتبلي عمر جديد...
ياسمين: إممم زعمة مش راح تندم وتفد مني...
كمش عينيه حمزة: وانا كفاه نمل من سلطانة قلبي (هز خصلة الي هابطة على وجها رجعها لوراء...حط يدو على خدها...هبط عينيه لشفافها الي ترعش وحدها )... خايفة؟
بلعت ريقها : منك؟
حمزة: هك بانلي
ياسمين: عمري نخاف منك... تشفى وقت قالك كون أماني كون خويا وبابا ولاحبيت ماما ههه... كنت قاصدة كل كلمة قلتها... لانو انت اماني صح...
هز يدها فوت صبعو على لخاتم بعدها باسها متبسم: اكبر فرحة عشتها هي معاك واليوم... عشقتك ولاموني على عشقك... فرحتي كملت بيك
ياسمين: وانا نحبك حمزة...انت احلى حاجة فاتت في حياتي انت تحدي بنسبة ليا...
حمزة: وتحدي هذا عندو شوية شروط بما انو وليتي مرتو شرعا...
هزت عينيها فيه: الي هما...
حمزة: اول حاجة الي يصرا بينا يبقى بينا مانحبش هدرتنا لبرا لا صحبتك لا اختك لا بوك...
ياسمين: اكيد من غير ما توصيني...
حمزة: نحب نعرف كل كبيرة وصغيرة تخصك... الخرجة ودخلة من غير لازم لا مكانش... قلقتي حابة تخرجي عيطيلي نخرجك... عايلتي خط احمر مانحبش تدخلي معاهم في مشاكل... لا للجنس اخر وهذي عليها زوج خطوط حمر...
ياسمين: حاضر اسيدي تامر حاجة خلاف...
حمزة: ههههه ماعرفتكش مطيعة هك... كانت مرتي متمردة وش صرالها اليوم...
قربتلو خطوة: لانها تحبك تحب ترضيك... اما اكيد في حدود ماتقلقش راحتي...
حمزة: راحتك هي راحتي اكيد... اما مزالت اخر حاجة نزيدها وخلاص لبستك نحبها محترمة... صدرك يبان ولا رجلك ولا نزرقهملك اوكي...
ياسمين: ههههه مغيار تاعي... حتى انا عندي شروط...
حمزة: مهم تعاندي هاتي الالة شروطك...
ياسمين: نفس شروط الي حطيتهم ليا ينطبقو عليك واكثرهم نساء حط تحتهم عشرة خطوط حمراء...
حمزة: ههههههه هاك طلعتي غيارة اكثر مني...
ياسمين: اكيد انت ملكي وحدي... حبيبي نهبطو طولنا من بعد نحكو حتى نكرهو عيب نخلوهم يستنونا...
هبط باسها على خدها بوسة مرصوصة: يالا سلطانتي...
تبسمت معاه وفاتاتو خرجت وهو خرج وراها رجعت قعدت معاهم... وهو رجع مع رجال... قعد على لفوتاي وغمز باباه يحكي... فهم حركلو راسو وحمحم...
بوجمة: سي عثمان بما انو قرينا الفاتحة... طفل حاب يعمل العرس بعد شهر...
( قربلو ايمن يهمس في وذنو: هاك ظهرتي زارب اكثر مني...
غمزو يضحك حمزة: هلا ولدي انت تزوج وانا نتفرج...اسكت علينا خلي نشوف راي نسيبي )
سكت عثمان مدة: بصح يالحاج بوجمعة الوقت مايكفيناش نجهزو طفلة في شهر تعرف عرس ليلة تخمامو عام...
حمزة: ايه خلي حنا نعملوه في شهر...
عثمان: ياولدي ماتصراش هذي...
بوجمعة: خلي يدبرو روسهم قالك نقدر نشوفهم وش يقدرو يعملو...
عثمان: مافهمتش علاه جيل هذا زارب لكل شيء... ربي يسهل الي فيه الخير ربي يكتبو...
بوجمعة: هيا بالبراكة علينا وعليكم...
عثمان: الله يبارك فيك...
بوجمهة: يالا لولاد نوضنا؟
سفيان وايمن: هذاك هو...
عثمان: كريم ولدي خبر نساء يعمل حسابهم...
