المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 263:
صباح جديد مع احداث جديدة...
قاعدة شابكة صوابع يديها تشوف مع نساء الي قاعدين... وحدة تستنى باه تشوف جنس المولود ولخرى تداوي باه تجيب ولاد كل وحدة وحالتها وحكايتها... هميتلها مريم في وذنها...
مريم: وقتاه دالتنا طولنا علىsalon de beauté...
جميلة: مابقاش تخرج الي دخلت درك وندخل انا...
مريم اوكي إن شاءلله ماتطولش...
جميلة: هااه خرجت احكمي هذو عندك ندخل...
مريم: ربي يسهل...
دخلت قعدت مقابلة طبيبة... ترجف وحدها مش فاهمة علاه... هزت طبيبة عينيها فيها...
ط: تفضلي وش عندك...
جميلة: نحب نعمل شهادة...
ط: اوكي اطلعي في طاولة دوك نجيك...
طلعت كما قاتلها فحصتها ورجعت للمكت تعها فهمتها مليح في نوع الغشاء وكيفاه تتصرف طمنتها انو راح تفوت سلمات... وقعتلها على شهادة وخرجت...
مريم: خلاص؟
جميلة: ايه حشومة كبيرة...
مريم: عادي درناها كل هك احسن...
جميلة: ايه وانا ماقلت شيء... رحنا؟
مريم: ايه ديجا فات الحال...
هبطو من عند طبيبة حكمو طاكسي طول salon دخلو لزوج بعدما استقبلوهم ... فوتوهم طول بحكم عاملين موعد... مرة مع وجهم ومرة مع ظفارهم هذا حرقوس...مهم فات نص نهار كامل وهما من حاجة لحاجة.. حتى شعرها ثاني قامو بيه مع حبو ينقصو شوي فيه اما ماخلاتهمش خافت من ايمن الي يوصي ويعاود... كملو شغلاتهم عيطو لمصطفى جاهم روح بيهم... واول ما دخلت جميلة وتنطلق حملت زاغريت... وامها تسبع وتعاود عليها... دخلت لبيتها فرحانة لحمها كلو شوك... فرحة لعروسة وحدها... نحات حوايجها ولبست حاجة خفيفة نتع دار لمت شعرها بفولارة... وتكات في بلاصتها تحب ترتاح... حتى تفكرت حكاية الماشطة نسات ما فكرتهاش... وتخرج تجري لسهى تعيط عليها...
جميلة: سهااااااااا وينك...
طلت عليها سهى من تحت مطلعة راسها ورابطة حزامها بطبلية نتع لكوزينة: واش غير الخير علاه راك تعيطي...
جميلة: اطلعي ازربي نحتاجك...
سهى: اللهم طولك ياروح... مانزوجي حتى زوج كيلو الي ربيتهم تقضي عليهم...(وصلت بحداها دخلت وراها للبيت ) وش غير الخير...
جميلة: يابنت نسيت ماعيطش للماشطة لا تنساني غدوة...
سهى: اني عيطلها صباح وقتلها حتى انا جايتها صباح... وزدت اكدت عليها باه تجيك...
حطت يديها على صدرها تتنهد: اوووف رحمة ربي والله تخلعت... وفقيرات وكاميرا ثاني نعيطولهم ولا علبالهم
سهى: مخلوعة وحدك ياو كلهم تابعين بعض يجو مع بعضهم...ماتخميش خلاص فيها لحكاية...(شافت معاها مضيقة عينيها حكتلها وجها تقلب فيه ) والله خدمولك خدمة روعة يعطيهم صحة وجهك رجع يشعل..
جميلة: يعيشك حبي عينيك شابين... إن شاءلله تفوت سهرة نتع اليوم على خير...
سهى: يابنت معاك سهى وماتفوتش مليحة...
جميلة: نحبك تصورياي كل شيء اوكي... والحنة ماما حلتها ولا مزال...
سهى: ايه داروها من قبيل وحطوها على جنب ترتاح...
جميلة: هيا مليح... انا نرتاح شوي قبل لا يحطو لقهوة...
سهى: انت اصلا ماتهبطيش حتى لبعد لعشاء وش تحتاجي نجيبهولك للبيت...
جميلة: يعيشلي سوسو نردهالك في عرسك...
يهى: ايه باينة مع سي ايمونك دوك تعوضيها ياسر وشوي....
جميلة: ياااااا من صباح ماشفتش تلفون يكون عيط الف مرة...
سهى: ههههههه اليوم راح يك*لب عليك...
جميلة: اصلا اليوم سهرية تاعو والحنة مانظنش يفرغ كامل يحك راسو خاصة بعدما تبدل برنامج وصحابو حبو يديرولو عرس...
سهى: وش خص كون جاء لعرس بحظانا رانا طلينا عليهم شخنا شوي
جميلة: تشيخي خلاص... هيا هيا حبي اخرجي جيبيلي معاك كاس حليب ... والله ويسمع زوجك الماصون وتشوفي كيفاه تشيخي
سهى: اييه الالة من حقك تدللي نجيبلك علاه لا ... اما والله غير سهرية نتع رجال وحدها في قوسطو مش نرمال...
جميلة: ياسس عندك الحق ...
خرجت سهى تضحك وهي هزت تلفونها تشوف مالقات حتى مكالمة... عيطتلو اكثر من مرة اما ماهزش... بعتتلو ميساج وحطت يديها فوق عينيها ما فاقتش حتى كيفاه رقدت من تعب...
