💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 249:
يضرب بصوابعو على طاولة... حاط يدو على جبهتو ... هز راسو فيها
بوجمعة: وش مديك لطفلة
وردة: قتلك علاه رحت...
بوجمعة: تحبيني نصدقك ااااه... وش رحتي حكيتي مع طفلة...
رجعت عل لكرسي هازة حاجب وردة: هذي مزال مادخلتش وبداتني بلمشاكل... هههه وش راح نتوقع وحدة من غير اهل...
بوجمعة: وردة ماتنسيش روحك وتضلي تحكي على ناس اااه... عيب شيء هذا يخرج منك... راك كبيرة
وردة: وانت علاه راك تدافع علاها... طفلة ما نيش حابتخا ومش مقنعتني ولدي تليقلو وحدة خير منها...
بوجمعة: مافهمتش وش ماعجبكش فيها... طفلة متربية متخلقة ومتعلمة مستواها ما شاء الله... جات على لعمر هذا ماكان...
وردة: لعمر برك حتى زيها مايشبها لشيء...
بوجمعة: هذا الي مقلقك انت... طفل حابها وراح يزوج بيها هو مش انت لا...
وردة: عمى على بنت عمتو الله يبارك زين وشبوبية...
بوجمعة: شكون اميمة؟
وردة: ايه اميمة ماكرهتش تكون كنتي... حتى هي تحبو وميتة عليه...
بوجمعة: تحبي تزوجي اميمة طايشة لحمزة هبلتي انت ولا كفاه...
وردة: صغير مش طايشة... وهي تناسبو اكثر من علة الي جايبها لعمرو...
بوجمعة: هههههه هذا الي ناقص... اميمة مرت حمزة...
دخل حمزة عليهم نار شاعلة في عينيه:منك بصح يما... أميمة الي حاطها كما اختي تحبي تزوجيهالي...
وردة: علاه وش خصها وديجا مش اختك ماجبتكمش كرش وحدة....
حمزة: على هذي طفلة موسوسة منها وانا مش فاهم... مش تفاهمنا يما انا وانت ورضيتي نزوج بياسمين وش بدلك رايك... وردة: قبلت فوق قلبي ومزالني مش حابتها...
حمزة: تسمى تستغفلي فيا ولا كيفاه...(دار لباباه ) عاجبك شيء الي راه صاريلي...
بوجمعة: كالمي روحك ولدي ياك خلاص حكينا مع باباها لكان من مكتوبك واحد لا يفكهالك...
وردة: زاربين تقول راح يجيبو اليزابات تايلور...
حمزة:كل ماتتقبلاها اسرع كل ماحسن ليك وليا...يما مانحبش نعمل حاجة مش راضية عليها وفي نفس الوقت غير ياسمين مانفرطش فيها..
دورت عليه وجها ماشافتش معاه....مسح على وجهو خرج طلع لببتو وقفل لباب بلقوة رايح جاي كاره... ماعرفش منين يفضها لحكاية... دار على لباب الي طبطب وتحل دخلت سولا... عض على شفافو ورص على قبضت يدو متحكم في روحو...
سولا: خويا نحب نحكي معاك...
حمزة: وش تحكي معايا باك قتلك مانحبش نشوف وجهك...
قربتلو تشوف معاه: نعرف روحي غالطة وياسر ثاني اما والله ماكان قصدي اصلا مش انا الي بعثلها...
ضرب على راسو مرة وزوج: راح تهبلوني ولا كيفاه شكون الي عملها ثاني... سمعتك بوذني تحكي...
سولا: بصح مش انا والله ماانا... اميمة هي الي بعتتلو...
حمزة: وهي علاه تبعتلو كون انت ماكنتيش حاطة راجل في راسك وحكيتيلها عليه...
سولا: طيش خويا مابقيتش نعاود... غير انت ماتتغشش مني والله ماقدرت نعيش عادي وانت زعفان مني...
حمزة: سولا مانيش في وقتك روحي من وجهي ساعة هذي...
سولا: حنن قلبك عليا مش انا اختك وبنتك
حمزة: واختي تضربني في ظهري مع صاحبي...
سولا: خلاص ماعدتش نعاودها... راح نتوله بقرايتي وماعدتش نخمم في حتى حاجة الي تقلقك...
حمزة: ربي ورحمتو درك خليني راسي راح يتكسر...
سولا: اوكي... ومبروك عليك انت وياسمين طفلة مليحة بزاااف ربي يهنيك معاها...
قعد فوق سرير حمزة: يعيشك...
