المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 258:
واقفة في لكوزينة من حاجة لحاجة... معاها حليمة وعمتها... يديها مرة في سلاطة ومرة في تطل على عمتها كفاه راهي تسقي في لكسكسي...
سولا: عمتي مايبردش منا يدخلو لولاد...
جهيدة: معتز من صباح يزرب فيا قالي غير وجدو لولاد جاعو...
حليمة: ايه هذاك هو الوقت الحال برد والعشاء إذن...
جهيدة: عيطي لوردة تحط يدها معانا... تشوف كشما ناقص...
سولا: لالا عموتي راهي تاعبة مسكينة... كل شيء جرات فبه وحدها...
عوجت جهيدة فمها محركة راسها: هذي فرحت بنها لبدري مايليقش هك... من دخلت عند ناس كلمة لا نطقتها...
حليمة: تكون غايضها وليدها رايح يزوج وتفرغ عليها بلاصتو... انا فوت مرحلة هذي ونعرفها...
تنهدت سولا عضت على شفتها: ربي يهنيه ان شاءلله
مسحت حليمة على ظهر سولا: إن شآء الله بنتي لعقوبة نفرح في عرسك...
حركتلها راسها من غير ماتحكي حابسة دموعها خرجت من الكوزينة قابلها معتصم شاورتلو يجيها...
معتصم: خير غولا...
سولا: من بعد نوريك شكون الغولا... مانقدرش نفوت لصالة عيطلي لحمزة...
معتصم: اني رايح نسيت ماقتلكش اميمة جات اي مع ماما في البيت...
سولا: اميمة؟؟؟!!! روح انت عيط لحمزة نكمل ونشوفها...
وقفت مهبطة راسها تستنى في حمزة... حتى جاها جبدلها شعرها...
سولا: اييي وجعتني حرام عليك...
حمزة: هههه نفحتلي بما اني اليوم عريس نعمل فيك راي...
سولا: عاد طيرلي زوج شعرات الي كانو...
حمزة: هههه فرطاسة قوليلي وجد لعشاء؟...
سولا: ايه على هذيك عيطلك.. ادخلي معايا ابدا حطلهم... وشوف معتز يعاونك...
حمزة: ياك عملتي حساب غير لولاد برك ماعرضت حتى واحد...
سولا: ايه علبالي...
حمزة: ماتنسيش تخلي عشاء مرت سوفي...
سولا: ايه خلاص وجدتو هو ثاني...
حمزة: اييه اختي كبرت ولات مراة يعولو عليها ناس...
هزت فيه حاجبها: باينة هذي عرس خويا مومو عينيا لازم نوقف...
حمزة: تمنيت ماما تفرح كما راك فرحانة انت...
سولا: مع الوقت تتقبل لحكاية وتفرح الخويا... وهيا معايا دروك تبرد الماكلة...
حمزة: هيا اسبقيني...
دخلت عطاتو سنية الاولى الي كانت في الاطباق نتع الماكلة... وزادت وجدتلو سنيوة اخرى فيها الخبز وسلاطة والفاكهة والامورات الاخرى... مسحت جبهتها وتلفتت على دخلت اميمة للكوزينة تحكي...
اميمة: هاني نشوف فيك فرحانة وتوكلي في ناس...
شافت مع عمتها وحليمة ومن بعد حلتلها عينيها جبدتها معاها لبرا
سولا: بانتلي هبلتي تحكي قدام الناس هك...
نفضتلها يديها اميمة: ماحكيت حتى حاجة تخليك تحكي معايا هك...(ربعت يديها لصدرها ) عمرك حطيتك راح تخونيني كما هك... فرحانة توجدي وتحطي وتشريلها في لحوايج... هذي هي صحبة يااا بنت خالي...
سولا: صحبة ههه اممم خليني نقلك حاجة صحبة يالالة تاعك وكلتني طراحة الموت وخلات خويا متغشش مني... وزيد الي خطب خويا مش نجري ونطيح معاه لا ناكل تراب على جالو... وانت مش مكتوبو من غير ماتعبي روحك وجيتك اليوم غالطة... ياك انتم الي بديتو بالعيب لامك جات ولا حتى بارك علاه جاية انت...
اميمة: جيت ندي حقي...
قربتلها قريب تدخل في وجها: وينا حق تحطي عليه يهديك ربي انت طفل يشوف فيك اختو لا اكثر... ماتخليش نظرتو ليك تتبدل...
اميمة: راح نشوفو شكون الي راح يبدل رايو... ياااا سولا كون مانديش خوك مانتسماش...
سولا: هههه سيد راه خاطب ومفتح وانت ابقي احلمي...
اميمة: راح نشوفو واشفاي عليه نهار هذا...
حمزة: على وش تشفى اممم...
أميمة: هاااا؟
حمزة: صواتكم راهي واصلة لعندنا... من بعد ليا هدرة خلاف معاكم...
سولا: خويا ارجع لضيافك ماتقلقش روحك...
وردة: ارجع لضيافك خليك معاهم...
قرب جيهتها حضنها بيد حمزة: حنانة تاعي فرحت شفتك وقفتي...
وردة: روح ولدي عند صحابك عيب تخليهم يستنو...
حركلها راسو ودخل... شافت هبا معاهم لزوج...
وردة: وانتم هبلتو تحكو على اموركم لهنا ولعباد تسمع؟
اميمة وهي تدمع: طاطا خاطية انا سولا هي...
سولا: شوف الكل. بة حتى عليا راح تمثلي...
وردة: اميمة ارجعي وين كنتي... وانت سولا كمل عليك شغل الي بقى مش وقت لهدرة لهنا...
شافت معاها سولا من فوق لتحت وراحت... اما اميمة وردة دخلو للبيت يحكو...
اميمة: كفاه نعمل راح نهبل... انت ولدك راه قاعد يزوج...
وردة: خطب برك مزال مازوجش...
اميمة: بصح راكي قلتيلي راح يزوج بعد شهر...
وردة: خليها على ربي ماتعرفيش وش يصرا...
اميمة: لحكاية ماعجبتنيش راح نتصرف من بعد نحكي معاه...
وردة: دبري راسك انا قتلك خليها للوقت وانت ادرى....
