المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 246:
حمزة: ياسمييين علاه جات يما هذاك نهار... علاه انا مافيباليش؟
ياسمين: علاه راك تعيط حمزة... لعبد دايخ من نوم زايد تعيط...
مسح وجهو وناض خرج من لقهوة ماشي يحس في ذبان لزرق داير بيه...
حمزة: كما عادت لحكاية هك وعدتي تخبي عليا وش راح نتوقع ديري مرة خلاف...
تقعدت فوق لفراش حطت لمخدة فوق حجرها ياسمين: مافهمتش؟
حمزة: فاهمة وفاهمة مليح ثاني...
ياسمين: حبيبي من غير ماتكبر لحكاية... كفاه تحبني نجي نقلك امك جات وهي وبنت عمتك وبهدلوني عادي... ياك لحكاية صرات وفاتت وانا كبيرة مش صغيرة حتى كل حاجة تصرا بيني وبين امك نجي نبكيلك ونشكيلك ونخسرلك علاقتك مع والديك...
حمزة: كنت تعلميني على لاقل ماتخلينيش كما لطرش... ياك زعما مانخبو حتى حاجة على بعضنا لا...
ياسمين:بصح هذي حكاية تافهة مأترتش فيا حتى ولا قلقتني... علاه نكسرلك راسك بيها اسيدي... علاقتنا فوق كل هذي لحوايج تافهة... امك كما اي ام تحب ولدها يزوج وحدة صغيرة وزينة ومستوى الخ... انا كبيرة وزيني عادي بسيطة على روحي تشوف فيا مش مناسبة ليك... اكيد نعذرها مش نزيد نكبر لحكاية ونجي نشكيلك بدورك انت تروح تتحاشم معاها حرام عليا هذا شيء...
حمزة:اما انا حبيتك ليك انت لشخصك مش لحاجة خلاف... لكان زين راح يروح مع الوقت ولكان على لعمر لعبد مش ظامن روح لقداه يعيش...
وقف قدام كيوسك حمزة: دقيقة ندخل نشري ماتقطعيش (دخل شراء دخان كما العادة القلقة =ذخان وخرج بعدما شعلو وجبد منو نفس ) الو...
ياسمين: ذخاااان حمزة من وقتاه...
حمزة: ايه دخان اياسمين دخان علاه هذا ثاني حرام ولا كيفاااه...
ياسمين: حمزة الله يخليك لكان تحبني دخان لا...
حمزة: نحبك و### عليك... اما درك محتاج نكالمي راسي...
ياسمين: وتكالميه بدخان عاد... اصلا لحكاية مش مستاهلة تقلاق هذا الكل...
حمزة: تستاهل وراسك تستاهل... يما تجي لمرتي تتقابض معاها... وانا اخر من يعلم... ولا باباك ثاني..
ياسمين: وشبيه بابا غير الخير ثاني ...
حمزة: ياك طلبتك منو انا وشايب
ياسمين: إيه!!
حمزة : ماعجباتوش فكرة انو نزوجو وانا اقل منك... وقال يجي يشاورك...
ياسمين:خلعتني حسبت ماقبلش... ياك جاي يشاورني انت علاه مقلق...
حمزة: وكون يبدلك رايك وين نعرف انا... ولا يضغط عليك
ضحكت بصوت: ههههههه تحكي منك صح حمزة ولا... ياو نحبك لمن راح نخليك لأميمة هذيك...
حمزة: وش دخل اميمة مسكينة خاطيتنا...
ياسمين: صار معلبالكش...
حمزة: وش ماعلباليش ثاني...
ياسمين: حبي والله حابة نرقد الليل كامل فايقة مش وقت نقاش هذا الكل...
حمزة: انت مانجيبك لداري غير راسي يشيب...
ياسمين: ههههه زعما تشيب وترجع باشع ونبدل رأي نقلهم بطلت مانزوجش بيه...
حمزة: اعملي رايك اعملي مش كنت راح ترقدي... يالا وش تستني...
ياسمين: ماتقوليش متغشش صح...
حمزة: طيري ارتاحي ومن بعد لنا حديث اخر...
ياسمين: علبالك بالي نحبك...
حمزة: نعرف طيري برك...
ياسمين: ههههه راني طرت خلاص...
