المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 271:
خلاص العرس معاريض كل واحد شد دارو... بعد يوم كامل تعب فضيلة الي ماحبتش تسكت من خرجت بنتها... باباها الي هرب مريم الي دموعها لاحبست تدور وتلم في لحوايج... حليمة وجيران الكل الي جابتهم معاها روحو بعد ما خلاص كل شيء...
عند سفيان...
حل الباب وشعل ضوء... هاز فاليز نتع جوجيتا حطها قدام الباب... ودار شاف معاها واقفة تنحي في جلابتها...
سفيان: صحة عرسك الالة... نتمنى تكوني من بلاصتك مانضتيش...
فاتت عليه متبسة حلت شعرها خلاتو على راحتو
جوجيتا: غير نشوف بعيني وانت ولادك قالو نركحو... تما عدا عرس تحفة ماحسيتش حتى كيفاه خلاص...كل حاجة بطبع...
سفيان: هلا صيودة نتع باباهم ياخدو راي... وش نوصيهم يعملو
قعدت على فوتاي تمسد على رجليها: يعطيك صحة راكم تتفاهم من درك عليا انت وياهم...
نفض روحو قدامها وحط راسو على حجرها: لازم غير وجدي روحك راح نعلن الحرب عليك هههه...
جوجيتا: صااار هك اسوفي...
هز يديها حطها فوق راسو: ديريلي شوي مساج لراسي نحس راح يتقسم...
شافت معاه و بدات تحركلو في راسو: راسك من مدة وانت تعاني منو... ودايما قالق الي يحكي معاك كلمة تشعل فيه زعمة وشبيك...
سفيان: مانعرف يوجع فيا لدرجة نحب نضربو على لحيط نكسرو... ماعدتش قادر نتحمل وجيعتو...
جوجيتا: ممكن من تعب الي فوتو مني انا في سبيطار... وزيد عرس صاحبك وتلمو عليك...
سفيان: ايه قادر...
قربت لوجهو تشم فيه وهزت حاجبها : ماتكيفتيش اليوم؟ ولا انا غالطة...
سفيان: اممم ماتكيفتش من الايام حاكم روحي عليه بسيف... وقطرة شراب ماحطيتهاش في فمي مش هذا الي كنت تحوسي عليه...
بعدتلو راسو من حجرها جوجيتا: مكانش منها احلف... سوفي مراكش تتمسخر بيا صح؟
عدل قعدتو ورجع راسو لوراء على فوتاي: علاه نكذب عليك...
جوجيتا: الحمدلله يارب إن شاءلله تكمل هك... بصح كيفاه حتى...
سفيان: هاو بدا وجاع راس... يابنت خليني راسي راح يتكسر ماتزديش عليا...
جوجيتا: هااا خلاص سكت ماتقلقش روحك برك... وش قولك نوجدلك دوش ارخي بيه عصابك... مابين ماكملتي ندرلك تيزانة بالبابونج اممم...
سفيان: فكرة مليحة تعملي فيا مزية... مابين ماوجدتي نعيط ليما نسقسي عليها اليوم خليتها تاعبة لدرجة ماقدرتش تجي لعرس ايمن...
وقفت هزت لحوايج الي نحاتهم: ايه مافهمتش وشبيها عندها مدة مش مليحة...
خلاتو يعيط على امو... دخلت لدوش وجدتلو لبينوار... عدات عليه عيطتلو يدخل حط تلفونو ماهزتش عليه... ودخل لدوش مدة من الوقت وخرج لابس غير سروال نتع سيرفات وهاز منشفة يمسح في شعرو... دخل عليها للكوزينة طل عليها...
سفيان: جعت اروح شوفيلنا حاجة تتاكل ....
دورت راسها شافت معاه وشهقت كمل لقاتو عريان في هذا البرد...
جوجيتا: وشبيك هذا هبلت حاب تمرض علاه خرجت عريان كما هك...
سفيان: طاحلي في الماء كرهت نجيب واحد خلاف وزيد دار سخونة شوفاج شاعل ...
عدات من غير ماتحي معاه جابتلو تريكو ولبستهولو...
جوجيتا: هذا يسموه تبركيل ابابا...
جبدها ليه متبسم: يعيشلي مرتي الي تخاف عليا...
جوجيتا: اكيد نخاف عليك راك نص ثاني...
سفيان: وروح درك ما تحطليش حاجة ناكلها ولا نضحي بيها هي ناكلها احسن...
بعدت عليها تضحك: دوك نقلي بيض مع جبن وزيتون... صبر بيهم روحك حتى لغدوة نضربلك فيها برككوس حار الله الله ... تظل خنونة سايحة...
سفيان: حرام عليك سخفتيني في نص ليالي...
جوجيتا: ياعمري انت سخفتك في الجنة... عيطت لماماك...
سفيان: عيطت وما هزتش... غدوة نهبطلها إن شاءالله...
جوجيتا: إن شاءلله... اشرب كاسك نتع تيزانة مابين ماوجدتلك تاكل...
هز الكاس شرب منو سفيان: يعيشلي روح... الي تخمم فيا...
جوجيتا: فرحتي بيك ما نمدها لحد... راك تهنيتي من هذاك سم الي يضرك ماينفعك...
سفيان: غير نبقى هك مانبدلش راي...
جوجيتا: اااا غير مكلاه...
سفيان: وانت وقتاه نشوفو جنس لولاد...
جوجيتا: بعد غدوة كونترول تاعي... ونشوفوهم في نفس الوقت...
سفيان: يارب يكونو ولاد لزوج...
جوجيتا: الي جابو ربي مليح...
سفيان: ايه اما نحب ولاد...
حركت راسها حطتلو صحن قدامو: مافهمتش وش لفرق كما طفل كنا طفلة...
سفيان: هههه لا غالطة طفلة بنت امها وطفل ولد باباه...
جوجيتا: اااا اناني ظهرت... امالا إن شاء الله يكونو بنات واربح من بعد...
بلع لقمة: ولاد كونك هانية...
