المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 291:
حمزة: ياسمين ياك خلاصت لحكاية لتم...
ياسمين: مايهمنيش انا كيفاه تباتو تحت سقف واحد...
حمزة: يابنت يهديك ربي وش راح نعمل انا درك نسحتها... ولا نهج من دار ولا وش نعمل...
ياسمين: مايهمنيش شوف حل...
حمزة: ترضايلي نبات برا...
ياسمين: مانرضاش احمزة عمري نرضالك لهلاك...
حمزة: اصبري عمري معايا مابقاش وتولي عندي نسيك في الي فات الكل...
ياسمين: اممم بربي إن شاءلله...
حمزة: ماما قاتلنا ازربو في لعرس وش رايك...
ياسمين: كما تحب اصلا ماعدتش حابة نكبرو... امك مريضة خويا في لحبس وسلمى ولات ببنتها مكاين الي يعاوني ولا...
حمزة: ياك المهم تكوني معايا الباقي حوايج زايدة...
ياسمين: والله انت الي مصبرني على حالي...
حمزة: وش قولك نعملو لعقد سمانة جاية والعرس بعدو بيومين...
ياسمين: وانت تقدر تلحق تكري دار ونوجدوها ونفرشوها ونعملو عرس؟
حمزة: دار عندي نتع عمي فارغة راه في فرنسا قالي تقدر تقعد فيها حتى تفكر دار...
ياسمين: مليح مالا ساهلة نظفوها ونفرشوها من غير مانخرج فراش والحصلات هذوك...
حمزة: هيا مليح تفرزت مالا هك... خلي نفرح الوالدة... نعملو عشاء خفيف بينا ويجو يحنولك نهز مريتي نطير بيها وخلاص...
ياسمين: كما تحب
حمزة: نهبط نخبرهم ومن بعد نحكو...
ياسمين: اوكي انا نخليك تاعبة نحب نرقد وما نوصيش هذيك ما نحبهاش تقربلك لا نجي نبات عندكم اليوم...
حمزة: يابنت غير ارواحي نحطك في عينيا...
ياسمين: ههههه مابقاش...
قطعت تلفون حطيتو في جيبي وحطيت يدي راح نحل الباب... قابلني سي شبتب معتز... هبط راسو ودخل طول ترمى على سريرو... شفت معاه على جنب...
حمز.: مزالك تتلوهط برك لا خدمة لا زدمة...
معتز: لقيت لخدمة وقلت لا...
حمزة: وانت حملاتك بلاصة حتى تحكم خدمة... وزيد دراهمي مانيش ناسيهم تعرف تاكل تراب مايهمنيش فيك...
معتز: منين نجيبهملك انا درك... ياك تشوف في لحالة...
حمزة: الله يسهل كما قدرت تخمم تمد يدك للحرام... خمم كيفاه ترجعهم هذاك شقايا وتعبي... في جرتك حبست عرسي...
معتز: يرحمها ربي نشوف كيفاه...
حمزة: مابرد قلبك اسيدي... مافهمتش كيفاه تحط راسك وترقد في الليل...
معتز: والله كسرتلي راسي كا مرة نفس لغناية ياك قتلك دوك نرجعهملك يطولو ولا يقصرو...
حمزة: وجهك صحيح وتزيد تحل في فمك...
قفل عليه الباب وهبط... يسمع في حس لبنات في لكوزينة حمحم... طلت عليه سولا من الباب...
سولا: حمزة مرت صاحبك هنا اعمل حسابك...
حمزة: نطل على يما ونخرج...
سولا: جيب معاك سكر خلاصلنا...
حمزة: ربي يسهل...
هو راح يدخل لصالة والباب طبطب... دور حل الباب لقاه ايمن...
حمزة: اهلا رجلة لباس...
ايمن: لباس الحمدلله جيت نروح بتع دار وفي نفس الوقت نطل على خالتي وردة...
حمزة: اصبر نشوفلك مكان حتى واحد وادخل...
وقف ايمن قدام الباب قربحمزة للوكزينة سقساها شكون في صالة... ودخلو لعندها... سلم على راسها وقعد مقابلها...
ايمن: وش حوالك خالتي إن شاءلله احسن...
وردة: يعيشك نقول الحمدلله على كل حال...
ايمن: قلوبنا معاك بربي ترجعي احسن من قبل...
وردة: هذا الي نطلبوه من ربي... سامحني ولدي كشما غلطت معاك تعرف...
حط يدو عليها: مسامحة دنيا واخرة... مكان حتى شيء غلطي فيا معاه... تبقى مكاتيب دنيا...
هزو راسهم على حمزة الي دخل بسنيوة نتع قهوة...
ايمن: والله مانقدر شقيتي روحك...
حمزة: بلا تمسخير اشرب برك.... يما راني حكيت مع ياسمين على العرس...
وردة: ايه وش قاتلك
حمزة: منا هلى 10 ايام نعمل العرس... راح نسكن في دار عمي فوزي حتى وين يرجع وخلاص...
وردة: حكيت مع عمك على دار...
حمزة: هو الي قالي صينو مانتفكرهاش خلاص...
ايمن: هيا بالبراكة تحتاج حاجة رانا هنا...
حليمة: بالبراكة وليدي عندي مانزغرتلك
حمزة: يعيشك ليزوم... ربي يخليك لينا خالتي حليمة...
ايمن: هيايما عيطي لجميلة نروح هذاك هو...
حمزة: اقعد تعشى معانا علاه زارب...
ايمن: لا ربي يعيشك هذاك هو...
حليمة: ربي يحفظك وليدي لعشاء واجد... خسارة نرموه هكاك... هيا وردة تبقي على خير وراني نطل عليك...
وردة: يطل عليكم الخير إن شاءلله ... يكثر خيركم حليمة اختي...
حليمة: من غير مزية ايا في امان الله...
خرجو مع بعضهم ايمن الي سبق لبرا هو وحمزة يحكو... حتى لحقو عليه حليمة وجميلة عاد روح... حمزة: الي رجع قعد مع امو حتى دخل باباه من صلاة... تناقش معاه في امور العرس وخبرو راح يحكي مع باباها ويخبرو... وكلع جابلو مفتاح دار نتع خوه... وهكذاك فاتت الايام بين توجاد نتع العرس وبين امهم... دار وجدت وتفرشت وديار لزوج يجرو ويطيحو مع توجاد كل واحد بالجهد الي عندو...
