المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 295:
حاكمة تلفون بكتفها تحكي وتنحي في طالون...
سولا: يابنت راه زوج وراقد مع مرتو وانت ابقاي تغلي وحدك...
اميمة: بنت ### انا نحلم وهي تحقق...
سولا: اميمة راه مكتوب بسيف ولا... ياك خويا سحتك من دار لهنا ماعندكش كرامة ولا...
اميمة: مكانش كرامة في لحب...
سولا: هذا يسموه ذل اميمة مش حب خوسا قالك الف مرة مانحبش نشوفك تدوري بيا وش تحبي اكثر من هك...
أميمة: مانخليهاش تتهنى بيه وقولي اميمة قالت...
سولا: راك وليتي تخرطي على روحك انا تعبانة مهلوكة من العرس اخطي سماية خليني نبدل...
أميمة: تعيي كيفك كيف خوك...
سولا: معليه يعطيك صحة...
كوبات عليها ورماتو على سرير...جبدت بيجما لبستها... خرجت طلت على امها في بيتها...
سولا: ماما ندخل...
بوجمعة: ادخلي بنت ادخلي...
سولا: هااا شربتي دواك ولا نسيتيه...
وردة: شربت روحي ارتاحي انت تعبت اليوم وغدوة مزال نهار كبير...
سولا: جيت نطل عليك برك هيا تصبحو بخير...
خرجت قفلت عليهم الباب هبطت لتحت للكوزينة هزت قرعة ماء... سمعت صوت معتز يتعارك في تلفون مع وحدة... حركت راسها وطلعت لقات تلفونها يصوني... طلعت عينيها لسماء ونفخت... هزاتو تشوف معاه رقم رجعت رماتو شربت كاس ماء ودخلت في فراشها حلت لفيس راح تهبط ستوريات ... ورقم كل مرة يدخل
سولا: اووووف مايكرهش هذا ولا هذي ياخي حالة ياخي...(عاود صونا مرة اخرى هزت وبقات تسمع عقدت حواجبها صوت تعرفو دقات قلبها زادو )
أمير: سلام...
سولا: لارد
أمير: علبالي تسمعي فيا وعرفتيني،...
سولا: وانت منين جبت رقمي...
أمير: مديتيهولي انت ولا نسيت...
سولا: انا وق.. ااااا صار هك طلبت رقمي في ملف ماما... ماتحشمش تعمل عملة كما هك راك كبير...
أنير: علاه نحشم اااه مانظنش عملت حاجة عيب...
سولا: انا الي غالطة هزيت عليك...
امير: سلسبيييل
سولا: خير علاه تعيط...
أمير: يابنت ناس يهديك ربي راني نويت لحلال مانيش نتمسخر...
سولا: علاه انا بدات...
أمير: علاه انت انا ومعلباليش..
سولا: هيا ملليح وقت تعرف فهم روحك وانا مابقيتش تعيطلي انساه رقمي...
امير: محكاش معاك حمزة؟
سولا: حكى
أمير: وانت وشقولك...
سولا: لا
أمير: وش لا
سولا: مانيش مستعدة لحتى علاقة درك ياربي نلهى بقرايتي وبماما...
أمير: انا نعاونك في قرايتك... غير ارضي...
سولا: ههههه مافهمتش علاه لاصق فيا...
أمير: الله غالب تعجبيني...
سولا: اممم قلتلي نعجبك مليح...اما انا ماتعجبنيش ونتمى تقص عليا لحكاية هذي لانو مانيش في وقتها...
أمير: أميرتي ربي يحفظك خمي مع روحك اعطيني واعطي لروحك فرصة.
سولا: تسمى ماتفهمش انت... تحب نوصل لحكاية لحمزة...
أمير: خوك علبالو بالي نحب نزوج بيك ...
سولا: تصبح على خير...
أمير: سولا مش هك يقلولك...
سولا: اممم هك...
أميرة: فرصة وحدة متاكد راح نتفاهمو...
سولا: تصبح على خير (قطعت عليه وحطت تلفون على قلبها الي قريب راح يخرج )
وشبيا انا راح نهبل ولا... اواااه مستحيل نحب غير ايمن... اصلا باين يفوت في الوقت حلاب...
حطت راسها على لمخدة غمضت عينيها...هدتو كلها تتعاود ولا كما قال اميريتي خلاتها تتبسم وحدها بعدها غطات راسها تحاول ترقد....
