المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 297:
واقفة في لكوزينة... حاطتو حداها فوق الكرسي... وجهو كلو بشكولاطة يعاون فيها تعمل كيكة صغيرة...
يونس: ماما علاه حطيتي سكر...
ياسمين: باه تجي حلوة كما ولدي لعسل (ونقرتلو على خشمو )
مسح عليه عاقد حواجبو يونس: ماما٥ وجعتيني علاه عليك....
ياسمين: ياروحي انا سامحني ماماتي (بستو على خشمو ) هاااه دوك تروح
يونس: نحبك ماماتي... هات نخلط معاك ندير خلوطة انا ثاني...
ياسمين: هههههه وش تعمل هاا...
يونس: ههه خلوطة ماما...
حضناتو عصراتو عندهاياسمين: ياروح امك انت...
بعدت عليه هزت تليفونها حطت بين كتافها تخلط وفي نفس الوقت تحكي...
ياسمين: نعم سلموش مكاش جديد على جميلة...
سلمى: اوووف وش راح نقلك طفلة راهي تسوفري وهي حالتها ماتعجبش...
ياسمين: علاه مافوتهاش سيزاريان طول...
سلمى: حتى يتعدل ضغط وسكر وقتها يقدرو يفوتها...
ياسمين: يعني ممكن ما تمنعش بنتها؟
سلمى: احتمال كبير...
ياسمين: ماشافتها خرجو عينيها مسكينة...
سلمى: خمسة سنين وهي تستنى تشوف صغيرها وفي لاخير محطوطة بين وبين...
ضربت يونس على يدو وقت دخلها في خلطة
ياسمين: ماما يكفي تخمج روحك وتخمجها...
سلمى: بحداك بوسيهولي...
ياسمين: يعيشك حبيبتي وتينيم وش عاملة...
سلمى: خلي لربي برك مهبلتني وخلاص... تسقسيني وحد لحوايج راسي يعود راح يطرشق... ابسط مثال بابا وين... علاه ماعنديش بابا كما سهى ورنيا...
ياسمين: ربي يرحمو هذا حال دنيا...
سلمى: ربي يرحمو...
ياسمين: مش راح يهديك ربي تقبلي بإلياس راه طاب وهو يجري وراك...
سلمى: ياك عارفة قراري مستحيل نزوج ونجيب راجل وانا عندي طفلة مستحيل...
ياسمين: راح يحطها في عينيه...
سلمى: لا مانقدرش سمونتي صعيبة لحكاية...
ياسمين: زيدي خمي مع روحك....
هزت مول الي فيه كيك دخلاتو للفور... ودارت تشوف في يونس الي غطس وسط الفرينة... فوتت يديها على رقبتها...
ياسمين: حبيبة من بعد ونحكو
حطت تلفون فوق طاولة وشافت معاه
ياسمين: يووووووونس
شاف معاها وانطلق عطى ريح لرجليه يضحك... دخل يجري لصالة ترمى على جداتو...
ياسمين: ارواح هنا توسخ صالة...
حضنت يونس مخبياتو وردة: اااااا خليلي ولدي انت...
ياسمين: يا ماما راهو مندلال بزاف عاد سايح... شوفي خمج فوتاي...
وردة: خليه على راحتو دوك نضفها انا...
ياسمين: مش على تنضيف دوك نضف...
(خرجلها لسانو يضحك عليها...) نقصهولك انا لسان هذاك...
يونس: هههه ماتخليكش ميمي...
وردة: ياعمري على ميمي وكما لعسل خارجة من فمو...
ياسمين: غلبتني يونس والله...
وردة: اقعدي انت ثاني كرشك ميترة لقدام وانت ماتتهديش خلاص...
ياسمين: نكمل برك كيكة باه نحطها للقهوة وخلاص...
شافت مع حمزة الي دخل وحط مفتاح فوق طابلة ووقف حداها...
حمزة: سلام
شافت معاه على جنب ردت بصوت خافت: وعليكم سلام...(راحت للكوزينة لحقها )
جمزة: راح تبقاي مغشة...
ياسمين: هاني ساكتة كشما حكيت؟
حمزة: سمونتي نعرف غششتك اما الله غالب مانقدرش نسحتها راهي يتيمة طفلة...
دارت ونفضت لمغارف الي كانت تغسل فيهم...
ياسمين: يتيمة قلتيلي اااه..
وانا قتلك مانحبش نشوفها عندك تفهم فيا... مانحملهاش ارب سيدي راح تهبلني ولا كيفاه...(حطت يديها على كرشها وجعتها )
حمزة: تكمل شهر هذا ونشوفلها خدمة خلاف عند معتز في لحانوت نتع لقش تاعو...
ياسمين: تروح لجهنم لحمراء كما تحب... مهم عندك لا يكفيني وش شفت منها ...
حمزة: وكانو زدتي فيها لااااا...
هبطو دموعها: علاااه تعيط عليا اااه ياو 5 ينين ساكتة ونقول بنت عمتو معليش... غابت مدة قلت تهنيت ماتو باباها رجعنا لنفس لحكاية... يتيمة على عيني وراصي... اما تجي تقولي راجلك مايكون غير ليا لااااا بزاااف...
حمزة: وانا درك مع شكون... ولادي امهم شكون يونس وإياد لا كتب ربي وكان من اهل دنيا... ولاد شكون ياك ولادنا هي ماتعنينيش وماتحركليش شعرة اياسمين...
تنهدت ومسحت على جبهتها: وانا هذا اخر كلام عندي والا خليني نرجع لدارنا...
حمزة: تهددي فيا يعني اممم... ياو لهنا تموتي مدام اسمك مكتوب على اسمي لهنا تموتي فهمتي... وتخلاط نتع نساء هءا مانحبوش... مدام عيني ماتشوف غيرك ووحدة ماتقنعني بخلافك خلاص لكلام...
ياسمين: نكرهك حمزة نكرهك...
حمزة: اكرهي الالة اكرهي مايجي إياد حتى تخرج روحي من دلالك...
ياسمين: هههههه تستاهل...
باسها على جبينها وخرج بعدما تهنى ورضاها... خرج قعد مع امو وحط بونس في حجرو يدغدغ فيه ويلعب... فاتح مع وردة حوار...
ياسمين: حمزة بعد لغداءنطلع لسبيطار عند جميلة ومن بعد نطل على بابا قالي كريم مريض شوي...
حمزة: انا ثاني نطلع نشوف ايمن...
وردة: ربي يفرج عليهم وريزقهم إن شاءلله...
حمزة و ياسمين : امين
(كملو تغداو وطلعو لسبيطار...)
ياسمين: حمزة نسقسيك...
حمزة: سقسي
ياسمين: وين وصلت حكاية معتز مع هذيك لمرا...
حمزة: مزال مصر يحب يديها... قالك انا نربي ولادها...
ياسمين: راح يقدر زعمة على ميؤولية نتع 3 ولاد...
حمزة: يدبر راسو باباه تبرا منو... غير من عمايلو كل مرة... نقلك حاجة دعاوي شر نتع لولايا الي كل مرة يشيخ بيهم خرجت فيه...
ياسمين: ربي يهديه وخلاص... مافهمتش لمن جاء كلكم ما شاء الله غير هو... حتى معتصم قرايتو والمسجد وخلاص....
حمزة: انت قلتاها ربي يهديه....
