المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 275:
ايمن يحكي...
كملنا فطورنا وهي كل مرة تدلل عليا... فرحتي ماتتوصفش مراة بأتم للكلمة من معنى... حشمتها وظرافتها رزانتها كل حاجة فيها... عاونتها لمينا حوايجنا... ولغوب حطينها في كيس نتعها باه نردوها...هبطهم هما الاولين باه نخفف عليا حطيتهم في طموبيل...وطلعت لعندها وقفت متكي على لحيط نشوف معاها كفاه تعمل في خيمارها وتطوط في شفافها جابتلي ضحك ... تبسمت وقت دارتلي تسقسي فيا..
جميلة: معدول هك ساعة وانا نعدل فيه...
قربتلها فوتت صوابعي ندهللها في شعرات الي مخرجتهم من لقدام...
ايمن: هك احسن مافخمتش علاه مخرجتلي شوشة تاعك اممم...
جميلة: مش بلعاني غير شعري يهبط وحدو وانا مزال ماتعودتش على لخيمار...
ايمن: مع الوقت تتعودي (مديتلها يديا باه تحكمها ) هيا رحنا...(شبكت يديها من يدي واليد لخرى هازة صاك ) رجعنا لغوب الي كراتها وطلعنا طول لدار... انا حليت الباب ولقيت حليمة وخالتي زهرة في وجهي تقول كانو يعسو عليا... دخلونا بعدما حملوها بزغاريط...
حليمة: كل شيء مبروك مرحبا بيك في دارك ياميما...
جميلة: يبارك فيك ماما...
ايمن: مانبانش انا ولا كيفاه...
زهرة: هههه ارواح انا نبارك لوليدي...(حضناتو) مبروك لوليدي ان شاء الله نشوف ولادك...
ايمن: ههه قريبا تشوفيهم (وغمز لجميلة الي قريب دوخ ) راح تخلونا ندخلو ولا نباتو لهنا...
حليمة: اطلع ابابا لدارك لفوق... دوك نطلعلك لغداء...
ايمن: يعيشك حلومتي من غير ماطلعيه نهبطو نتغداو مع بعض...
جميلة: ايه نبدل ونهبط نعاونك...
حليمة: هذاك الي مزال عروسة مزالت الحنة ماتنحاتش تعاونيني... هذي والله لا تصرا...
ايمن: انا تاعب نطلع وانت تحبي تباتي واقفة لهنا ربي يسهل...
طلع وخلاها واقفة قرصتها عجوزتها
حليمة: الحقي راجلك وش تستني...
تبسمت معاها وطلعت لحقاتو... لقات باب البيت مفتوح غمضت عينيها وجبدت نفس كبير ودخلت برجليها ليمين... ماتحس غير بيدين جبدوها وحصروها مع الباب يحكي...
ايمن: مرحبا بيك في دارك حبي...
وقفت على روس صوابعها باستو على خدو وهربت وقفت تدور في عينيها على شمبر...
جميلة: احلى مما وريتهالي والله يعطيك صحة...
ايمن: يعيشك فراشتي تحبي تبدلي راني ستفتلك فاليزاتك كل وراء بعض...
تمد فوق سرير يشوف معاها كفاه تجبد في حوايجها... حط يدو على عينيه يحب يغفى... ماحسش حتى كيفاه غاص في نومة... جميلة الي بدلت قشها وعدلت شعرها عملت مكياج خفيف... دارت في هذيك البيت كل مرة تخبي حاجة في لخزانة... كملت الي تقدر عليه من بعد دارت شافت معاه كيفاه راقد تبسمت وقربت قعدت على حرف سرير تمسح على شعرو مرة تفوت يديها على شوافرو... وهو يكمش في عينيه...
جميلة: حبيبي فيق راه العصر قريب يأذن...
يحك في عينيه ايمن: ماتقوليهاش علاه مافيقتينيش وقت غفلت...
جميلة: فيقتك اكثر من مرة وما فقتش خليتك...
دور راسو على بلاطو نتع لغداء قاعد كما راه فوق طابل دنوي...
ايمن: فراشتي ماتقوليش ماتغديتيش...
وقفت تمشات للمرايا تعدل في شعرها جميلة: كليت شوي وماقدرتش...
ايمن: اممم كيفاه ماقدرتش...
جميلة: ماحلاتليش ناكل وحدي...
ضرب على بلاصة الي بحداه يحكي...
ايمن: ارواحي لهنا بحدايا...
جميلة: ههه علاه ماجيش...
كمش عينيه فيها: تجي ولا نجيك خيري...
جميلة: لا ههه نجي غير ماتتقلقش...
قربت بحداها قعدت جبدها ليه اكثر...
ايمن: صحيتي مرتي زينة...
جميلة: ايمن وقتاه تديني لدارنا...
ضحك عليها حتى شبع ايمن: يهديك ربي مزال ماقفلتيش 24 سا عندي خلاص قلقتيى...
جميلة: لا ماقلقتش اما جاتني صعيبة شوي....
ايمن: مع الاول برك من بعد توالفي...
جميلة: إن شاءلله... انا نهبط نهبط هذا لمكالة الكل بردت ونطلعلك قهوة...
ايمن: اممم وش قولك تخليها لوقت اخر
جميلة: علاه؟
ايمن: هههه ارواحي هنا نفهمك علاه...
