المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 286:
جميلة تحكي...
فات عليا نهار كامل وانا في لكوزينة... نحب نضيع الوقت... خصوصي بعدما نشعني ايمن على لبستي حسيت روحي وحدي...صعيبة انك توالف بدار اخرى حتى والي زوجت بيه تعرفو وتحبو...ايمن حنين وصعيب في نفس الوقت ماولفتش على غشو....وانا ثاني زايدتلها بدلال شوي اما هذا يبقى حقي...نحب نشوف اهتمامو بيا...حتى ماما حليمة من فاقت وهي بسطر في كرشها... طفيت على تيزانة فرغتها في كاس وحطيتها في سنيوة صغيرة مع دواء متع سطر... هزيتهم وديتهم ليها لقيتها راقدة حطيتهم حداها وخرجت قفلت من ورايا لباب... رجعت للكوزينة رفعت شعري لفوق وحطيت فولار فوقها... وجدت حوايج نتع بيتزا... وكملت غسلت لماعن... رفعت عينيا لساعة عندي ساعة من عيطلو على لقضيان وهكذاك مزال ماجاء.... تفجعت وقت حط دقنو على كتفي محضني... تبسمت ورجعت ملامح وجهي لباردة... وبعدت عليه مانحبش نزيد نرخس اكثر من هك...
جميلة: جيت؟
ايمن: اممم جيت ...
هبطت هزيت لقضيان حطيت طماطم تتغسل والباقي خبيت في بلاصتو....
شهقت وقت جبدني حصرني مع لفريجيدار حطيت يدي على صدرو نبعد فيه: ايمن شبيك اليوم...
ايمن: شبيها جميلتي مزالها متغشة مني...
دورت وجهي ودموعي طاحو... عقد حواجبو دورلي وجهي يشوف معاه...
ايمن: علاه لبكاء كما هك... ياك حكاية نتع صباح فاتت وانت لدرك مزالك مغششة مني اممم... ياك انا راجل ومن حقي نغير عليك لا...
جميلة: انت حقرتني ايمن كما عدت وحدي هنا... جبتني باه تحقرني مش حرام عليك...
ايمن: وانا نقدر نعملها جميلتي اممم... يا صغرونتي علاه لفشوش هذا الكل... قتلك بدلي وش لابسة تحبي تلبسي حاجة مفضوحة هاي بيتنا مانقلكش لا...
جميلة: بصح راني غير مع امك علاه تعمل هك...
ايمن: ماتجيش تدوري قدامها وصدرك على برا... وزيد نغير على مرتي... وانت عاملة فيها مغشة وقالبة علينا وجهك...
جميلة: بعد ايمن مزالني مغشة منك...
ايمن: مانبعدش حتى تقوليلي نحبك...
جميلة: مانقولش ايمن بعد كون تدخل ماما...
ايمن: وتدخل ياك مرتي...
جميلة: صااار درك مرتك مش عيب اما جميلة تلبس حاجة مفضوحة عيب...
ايمن: لسانك طوال فراشتي لازم نقص منو...
جميلة: هههه ماتقدرش...
تنهد متبسم ايمن: واخير ضحكت فراشني... مانحبش نشوفك تبكي جميلتي اوكي...
حركتلو راسها ورجعت مع خدمتها
هز حبة زيتون ياكل فيها ايمن: جميلتي ندير قهوة لروحي مزالك لاتيا ولا تعمليلي...
جميلة: اكيد نعملك (قرب باسها من رقبتها بلخف وحكم بلاصتو... تبسمت على هبالو كل دقيقة بوجه من زي مسحت يديها وحطتلو قهوة تطيب ...)
هز راسو من تلفون وقت حطت قدامو القهوة...
ايمن: يعيش مريتي....
جبدت لكرسي وقعدت مقابلاتو حاطة يديها على خدها تشوف معاه...
ايمن: امم نسمع فيك...
جميلة: ههه كيفاه عرفتي نحب نحكي حاجة...
شرب من القهوة ايمن: باينة من قعدتك وتيهتك..
جميلة: ايموني حبي انت نحب نروح لدارنا نبات...
هز حاجبو يشوف معاها: نديك لداركم وي لمبات لا انسي...
جميلة: علاااه...
ايمن: ياك تفاهمنا من قبل مكانش مبات برا... نحب مرتي تبات حدايا اوكي حبي من غير مانتناقشو فيه موضوع هذا ونتعاركو... ماصدقت رضيتي علينا درك...
جميلة: توحشتهم ايموني حبيبي انت...
ايمن: وانا مانغيضكش تخليني وحدي...
جميلة: معاك ماما حليمة...
ايمن: صااار هك تقدري تقعدي من غير عادي... وانا نقول تحبني ...
حميلة: نحبك ونموت فيك اما حابة نقعد في دارنا شوي ...
ايمن: جميلتي مش ريحة لحراق راح تبيتينا بلا عشاء اليوم...
قفزت تجري طفات على نار ودارت شافت معاه مكمشة عينيها: مكان حتى ريحة نتع حراق غير باه تلفني برك....
وقف حضنها حط خشمو في رقبتها يشم في ريحتها...
ايمن: راكي ادماني جميلتي من غير ما تغيبي على دار والله رجعت فيها روح بوجودك ...
جميلة: معليه حبيبي غير نقعد معاهم للعشاء ونروح نبات عندك...
ايمن: باهي الالة تامري وقتاه رايحة غدوة؟
جميلة: ايه غدوة...
ايمن: باهي فراشتي... تحبي نتعاونو في بيتزا راني جعت وانت عاملة عليا بلعاني تحبي تق*تليني بشر...
جميلة: بعيد شر على روحي.... وانت تعرف طيب ؟
ايمن: ههههه نمشي روحي... منين كانت تغيب حلومة ندبر راسي
جميلة:اواااه نخاف نفسدوها ونبقاو كلنا بلا عشاء.... وش قولك تعمل سلاطة راهي واجدة غير تحطها في صحن اممم...
ايمن: مريقلة سلاطة عليا... انا نروح نطل على حلومة وش حوالها ونجي نتعاونو اوكي،...
طلعت على صوابع رجليها متشعبطة في تريكو تاعو ... باستو وهبطت تضحك متبسمة: ماطولش حبي... وتاكد منها لا شربت دواذ ولا مزال....
ايمن: اااه يا جميلة وش عملتي فيا باهي حبي نطل علبها ونجي ...
