المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 259:
عند لولاد...
سفيان: مانعرف علاه تكركرو فيا معاكم ### لمراة مريضة حتى عايلتها مروحة...
أيمن: هاي معاها خالتي سعيدة... وش راح يخصها...
حمزة: وانت من نيتك نتعشاو بلا بيك...
سفيان: والله يا خويا لحالة مرونة عندي في دار... ماعرفتش منين نجيبها...
معتز: شفتو علاه نقلكم مانزوجش غير من شيء هذا...
أيمن: انت بانتلي داير على نص نساء الكرة الارضية وتحل في فمك..
معتز: هما الي يطيحو فيا مش انا...
ايمن: او حرام اولدي حرام...
سفيان: هاو راح يبدا سيادة المفتي يفتي علينا...
حمزة: ههههه عندو لحق مكانش كما لحلال...
ايمن: على هذيك لعرس راح تديرو بعد شهر خفت طيح في محرمات هههههه
سفيان: زارب صحبة مهلبالوش وش جايو... يحسابها ليلة لعرس وخلاص...
ايمن: اسكت علينا انت خلينا نجربو كما جربت...
معتز: ياربي عافيني جربو وحدكم...
سغيان: هههههه والله عندك الحق...
حمزة: دوك نبعتلك بيكورة مع لمراة توصللها هدرتك...
سفيان: ياهوا يا ### مهبول واحد يحدي مراة تعرفها نساكم...
حمزة: خواااف ههههه...
سفيان: ايا خلونا نكنلو نتعشاو شربة ولات جليدة...(قربو بداو يتعشاو )
ايمن: لولاد ماتنساوش غدوة نجيب جهاز... راني معول عليكم...
حمزة: انا راني واجد هزيت ايام معاك باه نعاونك...
سفيان: انا واجد دايما غير نلقى الي يقعد مع لمراة برك...
ايمن: تلقى بربي ولا جيبها تقعد مع حليمة...
سفيان: حليمة ناقصة هي حتى نزيدها هم لمرأة...
ايمن: ربي يهديك وش راح تعمللها مسكينة...
معتز: تتريقل بربي... وانا اني نخرج بكري ونجيك...
ايمن: يعطيكم صحة ليزوم...
حمزة: وشمن صحة راهي مسلفة ومردودة ههههه....
كملو عشاهم بين لحكايات وضحك وكل واحد روح لدارو... فات حمزة على لكوزينة لقى اختو ترجع في لماكن تكى على الباب...
حمزة: ختيتو جيبيلي كاس ماء ودواء نتع راس... هاني بحدا ماما في البيت
سولا: دوك نجيب لخويا... بصح اميمة راهي معاها...
حمزة: وش راح نديرلها ربي يسهل عليها...
سولا: اطلع لبيتك خير...دوك نلحق عليك...
حمزة: والله لعبد في دارو ماعادش مرتاح...
سولا: مليه خويا تبقى بنت عمتنا...
حمزة: هذا شيء الي شفعلها والا والله كانت تخلصها غالية روحتها لياسمين...
سولا: ايه بلعقل برك خويا تطلع دوك نلحق عليك...
حركلها راسو وطلع في دروج عدى لدوش غسل طرافو وتوضى باه يصلي لعشاء الي فاتو... دخل فرش سجادة صلى واجبو وقعد يسبح دخلت سولا حطتلو دواء والماء وخرجت ماحبتش تقلقو... بعدها تحل الباب ودخلت اميمة من غير الحجاب...
اميمة: نقدر ندخل؟
حمزة: دخلتي وكملتي خلي الباب معاك مفتوح...
عاودت حلاتو بعدما كانت راح تقفلو...
اميمة: لدرجة هذي حمزة...
حمزة: وش تسحقي؟
اميمة: علاه راك تتعامل معايا هك...
وقف طوى سجادة وحطها فوق الكرسي... هز دواء شربو...
حمزة: كيفاه تحبي نتعامل معاك اميمة اممم...
قربتلو تحكي اميمة: مزالك متغشش مني حمزة... نحبك ماقدرتش نتقبل فكرة تزوج...
حك حاجبو يحكي: اممم مليح وانا نحب مرتي وراح نزوج... وانت نشوف فيك كما سولا لا اكثر ولا اقل... وحكاية روحتك ليها فوتها بحكم لقرابة... لو كان تعاوديها رجليك الي واقفة عليهم نحشهم... وهذيك البايرة كما قلتيلها ماليتلي عيني وبزيادة... ومن اليوم مانحبش نشوف وجهك في دار هذي على الاقل حتى نخرج انا منها لداري... وكون نفيق بيك درتيلها حتجة ياو لوكان قد هك (شاورلها على طرف من صبعو ) نخليك تشوفي وجه حمزة ثاني...
اميمة: اواااه هذي ماتكون غير معقرتلك... راهي عماتك عدت ماتفرقش بين صح والغالط...
حمزة: خلي تعقرلي ومن بعد انا قابل الي يجي منها كلو عسل... ودرك اخرجي عليا خلي نحكي مع مرتي...
شافت معاه مدة يابسة في بلاصتها حتى فيقها وقت عيط عليها...
جمزة: براااااا...
خرجت تعفس على الارض قريب تتقبها تلاقات يسولا الي بسمة مرسومة على وجها...
سولا: قتلك ماتخربيش فيه...
اميمة: ممكن خسرت معركة اما مزالت الحرب...
سولا: ممكن (وفاتتها ودخلت لبيتها...)
