💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 247:
حل الباب دخل حط حوايجهم الي جابوهم معاهم...حطهم قدام الباب يرحب بيهم...
سفيان: دار اركم تفضلو...
على صوتو خرجت سعيدة عوجت فمها...
سعيدة: على سلامتكم...
فطومة: الله يسلمك (قربت سلمت عليها هي وسناء ....)
سفيان: يما فطومة حوايج نحطهملكم في بيت ضياف...
سعيدة: هز ولدي هز وليت حمال في اخر عمرك...
شافت معاها سناء وقىبت لسفيان هزت من عندو كابة: نقدر نحطهم وحدي من غير ماتعب روحك خويا...
شاف مع امو ودار شاف مع سناءسفيان: مكان حتى تعب ختي... يما ماقصدهاش الي قالتو...
حكمت في يد مرت ولدها مسكتتها تعرفها لسانها طويل فطومة: اخاااه مكان حتى مشكل...
دخلت سناء للبيت حطت لحوايج وفطومة وسعيدة دخلو لصالة... اما سفيان فادخل لبيتهم... وقف مدة فوت يديه زوج على وجهو وتنهد قعد على حافة السرير تاعب... ومزال مايجيه تعب من صباح ما تكيفيش يحاول انو يوالف... طلع راسو شاف مع لخزانة... ضرب على رجليه ووقف حلها... جبد شيء الي قاتلو عليه...حطهم كل في كابة صغيرة... وحطها حدا سرير بدل تريكو تاعو ورماه على لارض... تبسم على جنب كون جات لهنا راهي عاركاتو... تعدى عليه وترمى على سرير ... من غير مايحس غفى...فاق مخلوع وقت سمع الباب يطبطب حك عينيه ووقف يلوح في خطواتو حل لباب...
سناء: سامحني فيقتك... اما جمانة من مدة تطلب فيك وانت ماتهزش قلت نجي نفيقك...
حركلها راسو سفيان: يعطيك صحة ختي دوك نطلبها...
رجع لبلاصتو مسح على رقبت هز تلفون عاودلها...
سفيان: سلام عيطتي...
جوجيتا: ايه من مدة وانا نعيط...
سفيان: خير كشما كاين؟ كشما صرا
جوجيتا: لا ماصرا حتى شيء... غير طولتي حتجت حوايج...
سفيان: اممم اني جاي (قص عليها )
وقف لبس فاست تاعو وخرج هاز كابة فات على صالة...
سفيان: اني خارج كشما تحبي نجيبلك تطيبي...
سعيدة: يبقي ستر انا هو الي نطيب؟
سفيان: يماااا
سناء: ماتقلقش روحك انا دوك نشوف الي كاين ونديرو
سفيان: تعبناك معانا...
فطومة: مكان حتى تعب... انت الي يعطيك صحة مستقبلنا في دارك...
سفيان: دار بنتكم تشرفوني في اي وقت...
حاطة يديها على فمها وتمتم (دار بنتكم الخالي، ة المخ، لية )
سناء: قلتي حاجة خالتي...
تبسمتلها فوق قلبها: ماقلت والو...
شاف معاهم وخرج حط لحوايج من لوراء وطلع في طموبيل... كلها نص ساعة ووصل بحدا سبيطار... طلع لعندها طبطب الباب قبل مايدخل لكان جابو معاها وحدة تعمل حسابها... سمع صوت سلمى وقت قاتلو ادخل...
سفيان: سلام عليكم
سلمى وجوجيتا: وعليكم سلام...
وقفت سلمى تحكي: انا نخليكم من بعد نرجع اوكي...
جوجيتا: ربي يحفظك حبيبتي...
تبسمتلها وخرجت قفلت لباب وراها...
حطلها لحوايج فوق سرير من غير مايشوف معاها يحكي: تحبي تبدلي درك؟
جوجيتا: سوفي مزالك مغشش مني...
سفيان: مش وقت لهدرة هذي درك...
جوجيتا: بصح الي صرا غلطة وناس كل تغلط...
سفيان: مش وقتها قتلك... تحبي نعاونك ولا نقول لسلمى تعاونك ؟
حركتلو راسها جوجيتا: لا انت
قرب جبد لحوايج قومها شوي مساعدها نحالها الي كانت لبساتو ولبسها حوايج خرين... وهذوك رجعهم في لكابة...
جوجيتا: يعطيك الصحة تعبتك
من غير مايشوف معاها: واجبي
هبطت دمعتها جوجيتا: حبيبي والله مانقدر على غشك يكفي الي راني فيه...
سفيان: كون خممتي في شيء هذا قبل...
جوجيتا: يعني راح نبقاو هك؟
سكت عليها ماجاوبهاش...
جوجيتا: اعطيني نمشط شعري...
هز لبروس وقربهالها حكمتها عليه تحاول تمشط اما ماقدرتش نحهالها ودار وراها دارو كما يعرف لمهولها وحط بروس بحداها هز كابة وخرج...
