لمكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 276:
فات الوقت فيسع ماحسش لروحو كيفاه مشى حتى لبحر... هبط يمشي على رمل وقعد مقابلو... يخمم وش عمل في بنت ناس علاه حتى حط روحو في موقف كما هذا... يشوف مع الموجات الي تضضرب في بعضها... حتى لبحر وحالو هايج كما عقلو وقلبو ثاني... جبد تلفون دخل لميسنجر يشوف في صورها الي بعتتهملو... عاود كل كلمة قالتهالو... تنهد ورجعو لجيبو باقي مركز لقدام حتى تعداو عليه جماعة يحكو... بقى يثبت معاهم وفي كل كلمة قالوها...
👤: لكان حاب حرڨة سريعة جيب معاك 80 مليون 5 سوايع تكون واصل...
👤: 80 مش بزااف هك...
👤: كفاه بزاف روحة مظمونة تركب تغمض عينك تلقى روحك وصلتي...
👤: هيا مريقلة ماقتليش كيفاه نقلعو خو...
دور راسو يشوف من جوانبو
👤: ماتخممش ساهلة نقلعو من وهران وقبل قبل لخرجة بنهار نعلمكونفهمك مليح ... توصل طول في اسبانيا واحد مايقلقك ولا يحكي معاك... انت اعمل حسابك واحد لا يعلم رانا نتبصاو ونروحو فيها الكل
👤: كونك هاني رجلة ماعندك علاه توصي.... انا نروح نفرز روحي ونعيطلك...
👤: تهلا وماتطولش عليا لبلايص بلحساب...
👤: غدوة يكون عندك بربي...
دور لحكاية في راسو... شاف سيد تحرك... وقف نفض رمل عليه وقبرلو طبطبلو على كتفو خلاه يدورلو...
معتز: سلام صحبة...
شاف معاه رافع حاجبو 👤: سلام...
معتز: سعتك تحكي مع jeune... معليه تفهمني اكثر...
👤: كما سمعت هذاك هو...
معتز: وصلة مضمونة اكيد؟
👤: 100٪ مضمونة عليك غير تحك جيبك...
معتز: مزال كاين بلاصة ولا نستنى مرة خلاف...
👤: جيب دراهمك وارواح اركب... لا حبيت مرة جاية تسنى 15 يوم اخرى
معتز: هيا تفاهمنا نفرز اموري ونجيك... تخليلي رقمك؟
👤: هلا كيفاه تلقاني...
هز من عندو رقم نتاعو... ورجع ماشي حط رقمها مقفول سب بلغات العالم كل... حكم طاكسي وهبط لدار ... حاط راسو مع طريق يخمم كيفاه يعمل باه يفكر دراهم ويحرڨ فرصة جاتو حتى ليديه... دخل لدار لقاهم الكل مجمولين في صالة... رمى سلام عليهم وقعد يحكي معاهم... شوي وإستأذن طالع لبيتو... اول ما دخل رمى تريكو تاعو على لارض... وحل لخزانة راح يجبد سيرفات جتى يقابلو كوفر نتع حمزة... حط يدو راح يحلو حتى تحل الباب دخل منو حمزة... يحكي في تلفون ترمى طول على سرير... شاف نعاه ومسح وجهو استغفر لبس عليه وخرج قفل الباب خلاه يحكي براحتو... وهبط لبرا قعد قدام الباب عاود حط رقمها صونا مرة وزوج وثلاثة... مدة حتى هزت عليه صوتها مبحاح من لبكاء...
معتز: ملاك...
ملاك: اممم...
معتز: سامحيني برتقالتي خليت الامور توصل لهنا...
ملاك: لا رد....
معتز: وش عمل فيك باباك ضربك؟
ملاك: عمل الي ماتتخيلوش انت...
معتز: سامحيني ياروحي ماكنتش حاطها توصل لهنا...
ملاك: خلاص معتز انا غلطت وانت غلطت وراني خلصت بما فيه الكفاية ... تحرز عليا ماما الي وقفت بيني وبين بابا والا راك لقيتني مي*تة وهي الي جابتلي تلفون بتخبية... معتز يكفيني حتى لهنا ماعندها وين راح توصل علاقتنا... ومستحيل تجي تطلبني ومتاكدة من هذا شيء...فمن احسن نسهلوها لبعضنا وكل واحد يروح لحالو... ماستناتش يردلها وغلقت تلفون
بعدو من وذنو شاف معاه مسح على وجهو واستغفر... حط شابو على راسو وطلع للقهوة...
