المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 289:
سفيان...
صوت لولاد ثقبلي وذني... حاب نغفى حتى ربع ساعة وهما مادينها للعياط... حطيت لمخدة فوق راسي نقص في صوت لحس فضتلي راقد في صالون... حتى جات عند راسي تحرك فيا... بعدت لمخدة شفت معاها... مابقاش فيها حيل... تحت عينيها زرق وجها اصفر...
سفيان: مارقدوش؟
جوجيتا: لا مارقدوش غلبت انا ارواح هز معايا واحد فيهم...
سفيان: يارب سيدي وقتاه نرقدو كما لعباد وزيد مارحتش نخدم ليل كامل ساهر معاهم...
جوجيتا: هذي هي ضريبة... نوض برك ربي يسترك والله جنابي عادو يسطرو...
نفخ كاره تقعد: يارب صبرني لوقتاه الحالة هذي...
جوجيتا: اوووف وانا وين علبالي كون جيت نعرف ماتلقانيش بالحالة هذي...
وقف وراها للبيت وقف قدام سرير نتعهم كان لؤي رقد تنفس ودار شاف معاها فصعون فيهم رقد بصح ماعرفتش شكون فيهم....
جوجيتا: هههه لدرك مزال ماتفرقهمش... هز هيثم سفيان: والله لدرك يتخلطولي...
جوجيتا: الي رقد لؤي... والي في يدك هيتم...
هبط راسو لهيثم يحكي: متشرفين سي هيثم علاه لدرك مارقدتش ماتغلبش انت...
راحت هزت الكوش وقربتلو: محسوب دوك يفهمك...
سفيان: قلت بلاك نغيضو... احكمي ولدك عليا خلي نغفالي حتى نص ساعة...
جوجيتا: علاه عليك نبدلو واحكمو انت... راني غلبت بين دار وهما ومزال ندير لعشاء...
سفيان: دبر راسك ماعندي مانعملك راني راح نطيح زح خدمتي وهملتها في جرتكم...
جوجيتا: كيفاه في جرتنا ياك ولادك انت ثاني ولا جبتهم من ريح...
سفيان: وش قصدك من ريح يعني انا مشني راجل...
هزت طفل من عندو: وش دانا للهدرة هذي ماتهدرنيشهدرة ماهدرتهاش...
سفيان: كل مرة نفس لهدرة كل مرة نسكت بانتلي رخفتلك اااه ىاح تركبي فوق ظهري...
جوجيتا: سفيان من غير ماتكبر الموضوع وتبدا تعيط... مش حاب تحكمو روح ارقد وخلي لحكاية تحبس لهنا...
سفيان: شوفي نقلك حاجة شفعولك ولادك... والا والله مانفوتهالك اليوم...
حملت ركبت لكوش لهيثم وطلعت راسها فيه: هههه وش تحب تضربني اسوفي مثلا... باه تحسن عوني وتقول لمرأة في وسط ضغط يعلم بيه غير ربي... قاعد تخلقلي في لمشاكل... تاعب كلنا تاعبين وراني نسهر على زوج مش واحد... فا من غير ماتزيد فيها لحكاية...
سفيان: انا نروح نرقد وبلاكي تنوضيني كون مانضوش خليني نتخمد...
جوجيتا: ايه ارقد سفيان ارقد...
شافت مع ولدها وشافت مع خيالو راح من بصح... هزت ترضع فيه ودموعها تسيح... ارهاق رضاعة تعب تحس في كل شيء خانقها... غفى واخيرا حطاتو في بلاصتو قدام خوه الي رقد قبلو... غطاتهم بحاجة خفيفة بما انو الحال سخن... شافت في لمرايا شعرها الي داخل بعضاه وجها الي مايتشافش لحوايج الي لابستهم مايشبهو لشيء.... رجعت لسرير تمدت شوي طير تعب مدة قصيرة وناضت مخلوعة تتفقد في لولاد لقاتهم مزالهم راقدين... نفخت وهزت شعرها عدات للكوزينة حلت لفريجيدار تشوف وش طيب... خرجت الخضرة... قطعتها وحطتها طيب غسلت لماعن الكل تراكمو من صباح... مسحت يديها عدات لصالة وين كان راقد هزت الماعون الي كان محطوط على طاولة شافت معاه وتنهدت دموعها تحصرو... كملت هزتهم وغسلتهم... ماحستش للوقت حتى سمعتهم يبكو نقصت لنار وراحتلهم تلقى سفيان هازهم يضحك فيهم... شاف معاها ورجع شاف مع ولادو...
سفيان: نظن جاعو...
قربتلو هزت لؤي وقعدت ترضع فبه من غير ماتحكي معاه...
سفيان: روح نعرف روحي غالط...
جوجيتا: حمدالله الي عرفتي...
سفيان: تعرفي كما تتغشي تولي تخلعي...
جوجيتا: بعدما زيدت وليت في غلبة مشغير كما نتغشش...
سفيان: تحبي نقول ليما تجي تعاونك فيهم...
جوجيتا: لمراة مريضة بالبراكينسون تقولي تجي تهزهم...
سفيان : والحل راح نبقاو هك...
جوجيتا: ولادنا بلا مزيتنا مسألة وقت وتفوت لازم صبر...
سفيان: ماتلوميش عليا جوجو راني لخدنة وهملتها نهار نحل وعشرة لا... ولادي نحبهم ونحطهم في عينيا... اما تعرفي يوصل لعبد وين يتعب...
جوجيتا: قلتهالك من قبل ونعاودها كلنا نتعبو... مش غير انت وقفتك معايا تكفيني نقسمو وقتنا اوووف مانعرف...
قربلها باسها من جبينها: سامحيني ياروحي مابقيتش نعيط عليك...
جوجيتا: كل مرة نفس الهدرة ماكانش تغيير...
سفيان: مع الوقت نتبدلو... تحبي نخرج نجيب لعشاء من برا ونعملو سهرية نحو بيها تعب...
ضحكت على طول صوتها: هههه سهرية مع لفلالس هدم ماشكيتش... لعشاء او قاعد يطيب من غير ماتشقي روحك...
سفيان: والحل درك كيفاه نعمل انا درك نبقى شايح...
هزت كتافها جوجيتا: تستاهل باه طرف جهد الي عندي تقضي عليه...
سفيان: اعملي رايك انت وولادك اعملي...
جوجيتا: ههههه تستاهل والله ... هاك لؤي وهات هيثم...
سفيان: بصحتكم لولاد ديتو بلاصتي...
جوجيتا: مش كانو صيودة قبل مايخلقو ولا بدلتي رايك...
قرب باسو من خشمو يلعب بصوابع يده: ولادي صيودة نتع باباهم... مستحيل نبدل راي....
جوجيتا: تحمل مالا من غير ماتشكي...
