لمكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 280:
فات هذاك اليوم وفاتت من وراه ايام... واقفة ياسمين قدام طبيب تقرا في اخر تقرير الي يقرر مصير ام راجلها ... و وردة الي قاعدة على لكرسي حدا البيرو وجها شاحب من كثر سطر والخوف الي مسيطر عليها... تشوف مع تعابير وجوهم...
طلعت راسها على يدين حمزة الي تحطت على كتفها...ونظرات بوجمعة الي قاعدة مقابلها يستنى وقتاه ينطقو ويرحموهم... نزلت دمعة سخونة تكوي على طول خدها... هبطت راسها مش قادرة تتحكم فيهم... حرك حمزة راسو لياسمين يحب يفهم... تبسمت تبسيمة باهتة من غير روح ورجعت وقفت بحداه...
طبيب: مدام علاه الخوف هذا الكل... ياك تعرفي العلم تطور وكل حاجة ليها حل...
حمزة: حكيم حالتها تأكدت؟
ط: وش راح نقلك نعرف مريضة تاعي قوية وبزاااف ثاني...قعدتها تسمع في كلامي درك وتستنى في نتيجة نفهم منو انو مراة مكافحة وقادرة تتخطها محنة هذي... والمرض ابتلاء من عند ربي سبحانو لازم نتقبلوه...
بوجمعة: سبحانو نفهم من عندك انو عندها سرطان...
ط: للاسف عندها...
وقتها شهقت وعينيها تفتحو دموعها زادو طاحو قربت ياسمين ليها تحنات على ركايبها حكمتلها يديها تمسح عليهم...
ياسمين: ماما ياك تفاهمنا مابقتيش تبكي... شوفي كلنامعاك وزيد مرضك في مرحلتو لاولى... راح تتخطايه وتوقفي على رجليك وترجعيلنا كما قبل ولا احسن(هزت يديها مسحتلها دموعها وقفت تشوف مع طبيب الي كمل يحكي )...
ط: كما قالت لحكيمة ياسمين... فاتو عليا الآلاف كما حكايتك.. وبزاااف منهم رتاحو بفضل ربي سبحانو اولا وثانيا بفضل العزيمة نتعهم... معليك غير تحطي ثيقتك في ربي سبحانو... العملية ساهلة ماتخوفش لانو الورم صغييير بزاف نستأصلو ثديك الايمن... ونقومو بتحليل الورم ان كان يقدر ينتشر ولا لا... وهك نطمنو اكثر...
حمزة: مكانش خطورة عليها ياك؟
ط: مكان حتى خطورة... تعودنا على هك عمليات... راح تبدا كيمياوي من بعد ما نشوف نتيجةمع دواء راح تعيش حياتها عادي جدا ... وإن شاء الله خير... والحكيمة ياسمين راح تفهمكم اكثر... وموعد العملية هي تخبركم بيه...
وقفت شادة في يدين ياسمين كلمة ماقدرت تنطقها... تبلع في دموعها غصتها حاصلة... شافت مع يدين بوجمعة الي جكمت في يديها ساندها... خرجو وهبطو ركب بوجمعة ووردة في طموبيل... وهو وقف حط يدو في جيبو مدور وجهو... مش قادر يحكي معاها...
حمزة: يعطيك الصحة...
ياسمين: راح تبقى متغششة هك حمزة ... قتلك وعاودتلك الف مرة... تحتمت عليا مانقلكش وعدتهم وقت يكون وقت مناسب نقلك... وهذزك الايام مكانش الوقت المناسب الي نخبرك فيه...
حمزة: وانا حذرتك الف مرة قبل حاجة ماتخبيها عليا صح؟ علاه ماتخديش راي علاه راسك خشين... كل مرة نفس لحكاية
ياسمين: يعني غلطة هذي راح تكلفني خسارتك حمزززة... يكفيني بعادك هليا لايام هذا الكل... ماعدتش نحتاج عرس ماعدت نحتاج شيء غير انك تكون معايا...
حمزة: حاليا مش وقت الهدرة هذي لازم نوصلهم لدار... تشوفي فيها تاعبة... من بعد نعيطلك
ياسمين: نعرف اما ماعدتش قادرة نتحمل بعدك وجفاك حمزة... راك نفس الي نتنفسو... كل مرة تقلي من بعد نحكو وماتحكيش معايا...
مسح على رقبتو يتنهد حمزة: تعرفي بالي نحبك امااا...
ياسمين: اششست ماتكملش... ربي يسترك اخر مرة ماعداش نعاودها....
شاف معاها مطول شوفة حمزة: ايا من بعد ياسمين ...(وخلاها واقفة وحدها لافة دراعها على روحها...طلعت حتى هي لطموبيلها حطت راسها على فلون تضرب عليها...حطت بلوثوث في وذنها...حطت رقمها واستنات تهز )
سلمى: بقرة وينك هذا الكل...
ياسمين: سلمى وينك نحتاجك...
سلمى: وشبيه صوتك غير الخير اااه...
