المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 293:
ياسمين تحكي...
من فقت صباح وانا قلبي مقبوض... خايفة بطريقة مش نرمال خايفة من المسؤولية خايفة من زمان خايفة من كل شيء...دخلت لدوش غسلت الحنة الي عملوهالي لبارح... ورجعت لبيتي كانت تسنيم فاقت هبطت نبوس في هدوك ليديات صغار... هبطت لرقبتها نشم في ريحتها الي تسطي... تفزعت وقت دخلت نينا كنزة وسلمى يزغرطو...
ياسمين: باسم الله طفلة تتخلع وشبيكم هك تقول لا ملايكة معاكم في دار...
سلمى: بعدي بعدي خليني نبوس بنتي توحشتها انا قطوستي...
ياسمين: هيا ليلة وحدة رقدتها بعيدة عليك راح تاكلينا علاها..
كنزة: كيفاه صبحتي بنتي رقدتي مليح..
ياسمين: حمدالله شوفو لحنة كفاه طلعت غامقة...
كنزة: صحة لبنتي صحا...
سلمى: علبالك قداه ساعة...
ياسمين: قداه؟
كنزة: ظهر قريب يأذن...
ياسمين: اهاااا مكانش منها يااااادوك تجي coiffeuse.... ااااا سلمى حرام عليك علاه مافيقتنيش...
شلمى: علاه نفيقك الامور البرا الكل مفروزة كل حاجة في بلاصتها... نتع ديكور ماغلبوش خلاص حاجة خفيفة برك... Dj جات من صباح حطت حوايجها الكل في بلاصتهم وروحت... لغداء طاب... لبنات الكل معانا والله ماخلونا انت فاتي ماعرفتهاش كيفاه سيرت الامور على شعرة...
كنزة: الحق كل شيء مسهل بنتي ماتخافي ماوالو...
هبطت راسها على كلمت بنتي... تفكرت امها دموعها هبطو بالوقت... قربت حداها سلمى هي وكنزة ...
سلمى: علاه لبكاء درك اممم... اليوم عرسك تفرحي مش تبكي...
كنزة: مش مبيح ليك لبكاء...
مسحت دموعها: تمنيت ماما تكون حية تحضر عرسي... كيفي كيف لبنات الكل...
كنزة: امك ربي يرحمها ويوسع علاها... وانا هنا في مقامها يزي بنتي من لبكاء...
ياسمين: ربي بخليك ليا يارب...
سلمى: هيا بلا نداب ونوضي اعملي دوشك عودها جات coiffeuse...
وهذاك الي كان دخلت عملت دوش تفرهدت بيه لميت شعري بالمنشفة... ورجعت لبيتي لقيت لغداء دقتومنو شوي... ولتيت مع البنات كل مرة داخلة عليا وحدة... مافقتش بالوقت كيفاه فات ولا عدى غير وقت قالت طفلة الي خدمتلي المكياج... تقدري تلبسي ولا نلبسك...
ياسمين: درك نعيط لسلمى من غير ماتعبي روحك...
خرجت قندورتي تقيلة... وعيطت لسلمى عاونتني وهي توصف في لحالة البرا هذي لبست هذي عملت عجوزتك مسكينة باين عليها المرض... عماتهم مش عاجبهم الحال... مهم ما كملنا لا صرعتني...
ياسمين: درك تخرجوني نحني...
سلمى: ايه دوك نعيط الي راح تخرجك معايا ونجيب شمعات ونجي...
خرجوني على زغاريت قعدوني على كرسي لعروسة الي هي انا هههه... وقربت امو حلت الحنة وحطتلي دائرات صغار فوقهم لويزة... رفعتلي طرحة وسلمت عليا... حسيت بفرحة ماتتوصفش انا عروسة حمزة وامو هي الي حناتلي بعدما رفضتني...حطتلي حبة دراجي في فمي وتبسمت معايا ولباقي رماتو على الي كانو قاعدين... صح عرس ضيق والعباد مش بزاااف الا انو فرحانة بيه على لخر... هزت ذهب الي جابتهولي توري فيه للقاعدين... شوي ورجعت لبيتي وين عاودت بدلتلي مكياجي ولبست كاراكو عاصمي... خرجت شطحت معاهم بردت قلبي صورت مع الي جاو الكل.... مع لبنات الي يخدمو معايا جوجيتا سولا جميلة مرت ايمن عايلتو الكل لتم زهينا عملنا جو مش نرمال... حطولي تعشيت مع الي يخدمو معايا ضحك عامل حالة والي عاملة رحها تقري فيا والي تضحك والي تنصح نساوني صح في ستراس العرس.... حمزة هبلني بلعياط ماحبش يركح وانا نصبر فيه عيا يصبر... رجعت للبيت نحيت طالون... شفت مع طفلة الي تماكي قاعدة تكونكتي... هزيت تلفون نعيطلو شوي وعاودلي...
حمزة: هااا عروسة راح تهبليني نهار اليوم...
ياسمين: هههعهه وش عملت انا...
حمزة: علاه اااه علاه بديتي بعد تسمطي عليا...
ياسمين: والله مافرغت عرس في دار يتعب وزيد مابقاش الوقت...
حمزة: ايه من مدة نعيطلك باه نقلك اني جاي...
ياسمين: اخاااه مزال مالبستش لغوب...
حمزة: ههههه دبر راسك... راهي 21:45 هذاك هو ماجيت ماقسينا لا طارت ماشطحنا شوي نجيبو ل 23:00 نرمال...
ياسمين: باهي دوك نزرب روحي والله غير فجعتني....
حمزة: هههههه مزال الحال على لفجعة...
ياسمين: يهديك ربي
حمزة: ههههه اني جاي صحا....
قطعت تلفون نرجف يعني مابقاش ونكون عندو... عيطت لجوجيتا قتلها تعاوني مسكينة سلمى غلبتها معايا....
