المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 288:
حمزة يحكي....
طلعت حوست عليها لفوق في مكتبها مالقيتهاش... هزيت تلفون طلبتها قاتلي بالي راهي لتحت في لاستعجالات... مشغولة شوي.... هبطت للفواي هزيت قهوة ورحت لعندها شفتها واقفة مع واحد وتحكي معاه وهي تغلي عمري شفتها في لحالة هذي... قربت وقفت وراها... نسمع فيها وش تحكي وهو علاه مهبط راسو...
ياسمين: اختك اي قالت بالي انت عملت فيها هك وقت لقيتها واقفة مع جاركم يا سي لفح*ل... وطلبت مانقولش لشرطة لانو خايفة على باباها حرام والله حرام الي عملتو في اختك مزالها صغيرة... تشوهلها وجها كما هك اه... بالك تحط في راسك نفوتها كاين لقانون يحمي كما عدتي انت حاميها حرميها... موجعكش قلبك عليها حتى شوي وانت داخل عليها بلموس اااه... عمرها 14 سنة اعبد ربي وهف يلمكم رجال اخر زمان...(ماقدرتش نبقى واقف وهي تغلي كما هك وزدت خفت طفل هذاك يحطها في راسو قربتلها ووقفت قدامهم لزوج )
جمزة: خير وش كاين...
مسحت على رقبتها بتوتر: مكان حتى شيء كنت نحكي مع سيد نفهم فيه وش يعمل مع اختو...
حمزة: سمعت كل كلمة قلتيها...(شفت معاه ورفعت فيه حاجبي...) راح تخليه يروح نرمال ولا كيفاه...
ياسمين: انا خدمتي وفات مع تقرير الي حطيتو درك بينو وبين شرطة انا خاطيني...
###: غلطت الله غالب ماكنتش في وعي...
ياسمين: معليه خلص باه منا وهك تكون في وعيك...
تحرك طفل من بحدانا بعدما سمع مالايرضيه... حكمت يديها نهدي فيها حاس بيها علاه طرشقت في وجه هءا طفل... لانو هي ثاني فوتت نفس شي مع خوها...
حمزة: راهو راح وانت علاه مزالك ترعشي وحدك اممم...
ياسمين: نكذب عليك والله كون جاء واحد اخر ضربها صاحبها جارها مانعرف انا كنت مانحكيش معاه خلاص اما (هبطو دموعها يجرو تمسح فيهم )
حمزة: ياسمين خلاص فاهمك وكل مرة نقلك خوك الي عملو فيك خلصو وغالي ثاني...
ياسمين: مهما يكون يبقى خويا ماحبيتلوش نهاية هذي 5 سنين حبس وغرامة كلى القدامو ووراه...
حمزة: يخرج إن شاءلله ويعوضهم... بربي مايكون غير الخير...
ياسمين: إن شاءلله... وانت علاه جيت ماتقولش اليوم ماما تعمل كيماوي... ياخااااه راني نسيت خلاص...
حمزة: اممم راهي مع سولا لفوق...
ياسمين: تعبت مسكينة مابقاش بزاااف... طبيبها قال راح تتحسن...
حمزة: هذاك وش نحوسو...
ياسمين: هااا.. ام هبطو نروح نسلم عليهم...
مشينا انا وهي حكمت يدين امي بستها وطلعت بست جبهتها...
وردة: ربي يحفظك وليدي...
وياسمين نفس شيء باستها على جبينها... حكمت يديها مخليتها عندها نحس حنانة دنيا الكل فيها...
ياسمين: سامحيني ماما لتيت مع لخدمة ماقدرتش نجي...
هزيت ىاسي بعدما كنت مركز معاها وش تحكي... على صوت اميمة الي لصقت فيا تسلم تحكي...
اميمة: ميزو صباح الخير توحشتك...(من صدمة شفت مع ياسمين طول الي لقيتها تشوف معانا... بعدتها عليا)
حمزة: اميمة وش جابك لهنا ياك قتلك مابقتيش تدوري منا...
وردة: حمزة ولدي مش وقتها مش لهنا في بلاصة خدمة مرتك...
اميمة: اميمة طاطا مزال مش مرتو...
جبدتها سولا من يديها: ترصي هنا واسكتي حابة تجيبي اخرتك اليوم...
مسحت وجهي بفدة حاب نعطيها كف ندورلها بيه رقبتها... هبطت عيني على يدين ياسمين الي حكمت في يديا وهزتهالها توريلها فيها...
ياسمين: شوفي خاتم شكون لابس اممم...(وهزت يديها هي ) وانا لابس خاتم شكون... مزالك صغيرة ومخك مزال مش جامل... لكان حاطة في بالك راح تأثري فيا ونبطل في جرتك نووو غالطة لانو مشك حاجة كبيرة حتى نبطل في جرتها...
وردة: بنتي ماتقلقيش روحك راهي مزالها صغيرة... حمزة وصلني لطموبيل تعبت ماعدتش قادرة نوقف اكثر...
شفت مع اميمة محرش نظرتي فيها نتوعد وبديت نمشي في يما وقلت لياسمين تجي معايا... وصلتها وركبتها عدلتلها لكرسي.... وخليت ياسمين تعدللها في سبتة... تفاجئت وقت يما حكات معاها...
وردة: بنتي بما انو تحسنت خلينا نعملو لعرس من غير مانطولو...
ياسمين: والله يا ماما مش مهم العرس مهم صحتك...
وردة: خودي راي بنتي خلينا نديروه في اقرب وقت كل ماطولو كل ما تكثر المشاكل ولعباد تدخل بينكم...
ياسمين: سامحيني ماما لكان قلقتك بملامي مع هذيك البنت اما استفزتني وكان لازم نحطلها حد...
وردة: ماقصرتيش بنت هذيك انا الي حليتلها العين... مهم انت وحمزة تفاهمو على نهار نديرو فيه العرس...
بقيت نشوف معاهم وهما يتفاهمو حمدت ربي على يما الي رضات علينا واخيرا... رجعت عقدت حواجبي وقت جات سولا واميمة يركبو... عدلت قعدتي...
حمزة: سولا اهبطي وانت والي معاك احكمو طكسي لدار يالا...
سولا: خويا ا...
حمزة: يالااااا قلت مانعاودش هدرتي...
تالمون صوتي علا بزاااف حتى من ياسمين خافت هههه وقفلت الباب على يما عملتلي اشارة بيديها انو نحكو تلفون...حركتلها راسي وديماريت غاضتني سولا اما الله غالب كان لازم نتصرف هك... صح ياسمين سكتت لانو رزينة وعاقلة وتحسبها قبل... اما وهك ماتصلحش نخليها معايا وهي تتفرج...
وردة: يرضى عليك ولدي ماتدورش ببنت الناس انا نحكي معاها...
حمزة: كيفاه تحبيني نسكت يما شفتيها كيفاه تحكي مع طفلة... والله لوكان جات وحدة اخرى في بلاصة ياسمين الا ما ناضت الحرب...
وردة: نعرف وراس وليدي نعرف... انت وجد. لعرسك وخلي لباقي عليا...
مسح وجهو يستغر: هاني راح نفوتها اليوم اما وتغلط غلطة اخرى مانستعرف بحتى واحد...
وردة: إن شاءلله ماتغشش روحك وليدي كل شيء يفوت وكما تحب انت...
حمزة: مع لهم هذيك مانظمنش...
وردة: وقتاه عولت تعملو...
حمزة: وش هذاا....
وردة: لعرس...
حمزة: شهر جاي...
وردة: علاه هذا ياك امورك مريقلة... وعندكم اكثر من 5 شهر مخطوبين وزيد قلتي مانعملش عرس غير هيا برك...
حمزة: نحكي معاها ونشوف انت ماتحيريش روحك...
وردة: وأمير راه يحتاجك قالي قولو يفوتلي وانا نسيت مع المشكل الي صرا...
حمزة: خير ان شاء الله من بعد نعيطلو نتلقاو....
