💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 254:
واقفة مقابلة لمراية تتبسم ... تمسح على روب الي لابستها سلمى واقفة وراها تلبسلها في اكسسوارات...
سلمى: وهك تكوني واجدة...
دارتلها هزت يديها حطتها على قلبها ياسمين: شوفي كفاه عامل فيا...
سلمى: عادي اي وحدة في بلاصتك تحس وش تحسي درك...
جبدت نفس تحكي...
ياسمين: حاسة روحي راح ندوخ هههه...
سلمى: هههه حقك واخيرا شفتك عروسة... واحلى عروسة ثاني...
ياسمين: روبة البيضاء حاتني مليحة مابينتنيش سمينة...
سلمى: لا جاتك تحفة يعطيها صحة يعرف يختار...
قعدت تلبس في صباطها: هههه قالي باه نهرب بيك من لتم...
سلمى: حليلو ههه...
ياسمين: وانت مكاش خبر على محمد...
وقفت قدام لمراية عدلت ڨلوص...
سلمى: ماحضرش اخر جلسة تعرفي القاضي عطاني الخلع... اما حيرني وين غبر...
ياسمين: ممكن سافر برا...
سلمى: الله يسهل عليه... انا نتهلى في بنتي ونعيش كما كان الحال...
ياسمين: بنتنا حتى انا بنتي وانا الي نسميها باه يكون في علمك...
سلمى: ههه حاضر اللالة كما تحبي سميها اما اسم جديد... عندك تسميها مسعودة ولا تركية ولا مانعرف...
ياسمين: هههههه متهنية...
تحل الباب ودخلت فاتي في يديها حلوة تحكي...
فاتي: ياسو بانتلي جاو صوت كلاكصون عامل حالة...
وقفت مخلوعةياسمين: قولي والله...
سلمى: يابنت بلعقل على روحك يهديك ربي... وانت ماتعرفيش تقعد بلا ماكلة حتى ساعة...
فاتي: كرشي وانا حرة...
سلمى: على هذيك قاعدة كما البرميل...
دخلت شيماء تجري: لبنات قاتلكم نينا ارواحو استقبلو معايا ضياف،...
مسحت سلمى على شعرها تحكي: هيا فاتي من بعد نرجعو ياسمين...
شيماء: يااا اختي جيتي تهبلي...
ياسمين: يعيشلي قطوستي صغيرة...
شيماء: ياك غير خطبة اليوم برك مايدوكش...
ياسمين: علاه تسقسي...
هزت كتافها: نحب نبقى معاك اكثر...
ياسمين: يا قطوسة انت...
دخلو الكل قعدو نساء في صالة ورجال في البيت الي مقابلة...
كنزة: وش حوالكم وش صحة لباس...
العمة: لباس الحمدلله وش حوالك انت الحاجة...
كنزة: كما تعرفي حالة الكبر... رانا نفوتو في ليامات وخلاص...
حليمة: مزالت البراكة الحاجة...
كنزة: آلله يبارك في عمرك... شكون فيكم ام لعريس...
تبسمت وردة فوق قلبها: انا هي امو...
كنزة: متشرفين بنتي...
تبسمتلها محركة راسها...
نطقت سولا: وانا نكون اخت حمزة صغيرة...
كنزة: الله يبارك زينة بنتي مشاء الله...
سولا: يعيشك حاجة...
عمة: وينها لعروسة تعنا...
سلمى: دقيقة دوك نقلها تهبط...
دخلت عليهم ياسمين بعدما طلعتلها سلمى سلمت عليهم الكل وقعدت قدام وردة الي تحس في روحها راح تخرج...
حليمة: لعروسة نعرفها من قبل الله يبارك عليها حمزة عرف يختار...
ياسمين: يعيشك طاطا كل مرة نقول نجي نطل عليك ونلهى...
حليمة: درك راح تسكني مقابلتني ماكانش هربة...
ياسمين: هههه إن شاءلله...
هزو راسهم على صوت كريم الي عيط لكنزة... وقفت شافت وش يحتاج ورجعتلهم...
كنزة: رجال تفاهمو وقراو الفاتحة زغرتو البنات....
ولحمت بزغاريط سلمو عليها كامل ووردة دمعة حاصلة في عينيها...
سولا: نظن وقت يدخل يلبسها الخاتم...
سلمى: ايه هذاك هو...
دخل حمزة مهبط راسو حاشم سلم عليها ووقف بحداها ضحكتو مالية وجهو... جبد الخاتم ركبهولها وهي ثاني لبساتو الخاتم تاعو... باسها من جبينها يحكي بصوت واطي...
حمزة: واخيرا وليتي حلالي...
عضت على شفتها حاشمة وهما يضحكو عليهم...
حمزة: خالتي كنزة معليها نخطف مرتي نحكو شوي...
عمة: جيل زارب مابقاش يحشم هههه...
كنزة: هههه ياسمين طلعيه لبيتك... احكو شويا ماطولوش...
حركتلها راسها وطلعت وهو لا حقها...
