المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 287:
🎗على كف القدر نمشي ولاندري عن المكتوب.... عبارة كنت أرددها صدق من صاغ معناها... مشينا دون لا ندري وشربـنا من بـلاهـا كـوب
وهـذي حال الـدنـيـا رمـتـنـا مـا رمـيـنـاهـا... تضحكنا تبكـيـنـا تـمـشـيـنـا على المـطـلوب....
حمزة يحكي...
هذا شهرين منين عملت ماما العملية... صح مزالها تاعبة اما فرحتنا بنجاح العملية نسانا في تعبها... الايام الي فاتت كلها ماتتحسبش وكانا مش عايشين... حياتنا تمشي وحنا نمشو وهو فايت الحال... سولا فوتت الباك الحمد فرحتنا مع انو مداتش معدل الي حابة عليه مهم فرحتنا رغم تعبها مع ماما كانت تبات قاعدة من جيه لحفيضة ومن جيها تعس في ماما حسيتها كبرت اكثر من عمرها ولا خلي نقول ظروف كبرتها...ياسمين الي عامل كامل جهدها وقفتها معايا عمري ننساها...كانت معايا مرأة بعشرة رجال تحملتني في حلاتي الكل وقت نكون تاعب مغشش فرحان زعفان...كانت دايما في جنبي...بابا مسكين عاد شاد دار نهار كامل مونسها حتى متقلقش... كنت نشوف دمعتو لمحصورة وقت تتوجع ولا تقول خلاص نحب نموت....معتز الي لا رحم روحو ولا رحمنا ولا خدمة لا محوس على دنيا وين رايحة كل مالو في لاسوء... رميت دخان عفست عليه وقت شفتها خارجة من باب حاكمة في يدين سولا.... اليوم عندها حصة كيمياوي... جريت حكمتها من يديها طلعتها لطموبيل وركبتلها سبتة... رجعت لبلاصتي ركبت وقلعنا دورت راسي ليها وقت حكات...
وردة: حمزة
حمزة: نعم يما...
وردة: ماما مش هذاك هو تجيب مرتك... انا تشوف فيا تحسنت الحمد الله...
حمزة: كيفاه نقدر نفرح وانت بالحالة هذي...
وردة: انا لباس انتم الي مكبرين لحكاية... نحب نشوف حفادي... طفلة تعبت معانا وساكتة ماحكات حتى كلمة... من كنت راح تاجل شهر رانا في 5 شهر.... هذاك هو وليدي
حمزة: من بعد نشوف لحكاية هذي خلينا نطمنو عليك اليوم وساهل الحال...(سكتو على صوت تلفون سولا الي صونا كانت اميمة )
سولا: اهلا اميمة لباس؟
اميمة: لباس الحمد لله... عيطت نقلك اني جاية لدار نقعد معاكم شوي ساع مالقيتكمش...
سولا: ايه رحنا مع ماما لسبيطار...
اميمة: ااا صاار دوك نلحقكم...
سولا: اوكي نستناك...
وردة: شبيها اميمة
سولا: جات تقعد معانا مالقاتناش...
وردة: مليح على الاقل تتوانسو شوي...
حمزة: يماطفلة هذي مانحبهاش تجي لدار مانيش ناقص مشاكل...
وردة: انا نفهم مابقاتش تدور جيهتك...
حمزة: إن شاءلله تفهم قدرها برك...
كمل يسوق مازادوش هدرو حتى حبس قدام سبيطار... طلع امو قدام قسم سرطان خلها مع سولا وطلع لياسمين...
سولا تحكي....
طلع حمزة وانا بقيت مع ماما نشوف مع المرضى كل واحد حكايتو اعضم من خوه... طلعت راسي على وقفت طبيب الي متابع حالتها تبسمتلو ووقفتها...
امير: سلام عليكم...
وردة: وعليكم سلام ولدي...
هبطت عيني ماقدرتش نشوف معاه كل مرة نجي لهنا نحس عينيه راح تخرج فيا....
اميرة: وش حوالها سلسبيل...
هزيت عيني باهتة سولا: هااا.. احم لباس الحمدلله وانت؟
امير: لباس يعيشك ندخل لمريضة وانت تحبي تستناي في المكتب نتاعي؟ خير ماتبقاي لهنا...
سولا: لا خلي نستنى حمزة يجي هنا خير... كانحبش يضل يحوس علينا...
امير: وقت يجي حمزة قولو نحتاجو ضروري...
سولا: ايه نقلو (هبطت عيني لتلفون الي صونا في يدي...شفت معاه عقد حواجبو فتت من قدامو وهزيت على اميمة...دقات قلبي زادو دورت نشوف لكان مزال واقف ولا دخل ماما تعمل حصة نتعها...اول درت عيني جات مع عينو اما فيسع ما بدلها )
اميمة: هاااا حمارة وينك...
سولا: اني لفوق اطلعي تلقابني قدام دروج...
وقف نستنى فيها بكلي نرجف مافهمتش وشبيا ياك غير طبيب نتع ماما وخلاص علاه خايفة يفهمني بلغالط وش دخلو اصلا فيا... عدلت وقفتي وقت شفت اميمة سلمت عليها وقعدنا على لكراسة... نستنى في ماما على احر من جمر...
اميمة: طولت مسكينة راهي تتوجع...
سولا: تعدبت صح ظهرت دنيا مكان والو...
اميمة: ايه هذيك هيا وحمزة وين راه ماشفتوش...
سولا: طلع لمرتو ومن غير مشاكل... تعرفيه راه يمسح بيك دنيا كون تغلطي مرة هذي...
عوجت فمها ودورت وجها تمتم ماسمعتش وش قالت اما باينة ناويتها كحلة...
مرة نوقف مرة نقعد حتى خرجت حاكمة في يدين فرملية... وقفت نجري حكمتها عليها بستها من جبينها... هزت فيا عينيها تاعبة زادت على مابيا... تنهدت ماشيا بيها وحبست وقت حكى...
امير: مدام ماتنساش دواك مابقاش قد الي فات... إن شاءلله ترجع ماما كما قبل ولا احسن...
وردة: يعيش ولدي دايما يرفعلي لمورال...
أمير: واجبي هذا... وكما وصيتك اوكي ماتنساينيش ولدك عاد انا...
وردة: اعز ولد بربي ماننساكش...
بقيت نشوف بينهم زميت شفافي وشبيه كل مرة يقرب من ماما اكثر... علاه يحكي بلالغاز... نفخت وحكمت في يديها مرة اخرى وبدينا نهبطو حتى قابلنا حمزة واقف مع ياسمين يحكو... شفت معاه ودورت نشوف مع اميمة الي عوجت فمها وشافت معاهم شوفة ربي تستر...
