💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 256:
بعدما روح من خطبت حمزة خطف رجليه لدار... دخل لقاها راقدةرقبتها عوجة.... عدللها لمخدة وزاد غطاها ون باسها على جبهتها... تحركت فتحت عينيها تشوف معاه
جوجيتا: جيتي قداه الساعة؟
سفيا: راهي 18:00 غير وصلت معاهم جيت طول...(مسح على شعرها ) كليتي شوي؟
جوجيتا: جابتلي سناء ماقدرتش
سفيان: لازم تحتمي على روحك...
جوجيتا: ماعنديش نفس كل حاجة متعبتني...
سفيان: روح شوي ونرجعلك...نشوفلك حاجة تاكليها ونجي
جوجيتا: سوفي عيطلي لماما...
سفيان:علاه تحبي نعاونك في حاجة...
جوجيتا: حابة نرقد في حجرها شوي...
سفيان: وعلاه تشوفي فيا عرسة قدامك هاني معاك ارقدي عندي...
جوجيتا: حبيبي انت نرقد عندك مالا لا... اما حابة نحكي مع ماما شوي ماتنساش الي صرا من قبيل...
سفيان: نعرف يما غلطت وغلطت بزاااف ثاني... راني حكيت مع ماما فطومة وسناء وطلبت سماح...
جوجيتا: بانتلي لازم تحكي مع امك...
سفيان: لا هذيك خليتها ليوسف يدبر راسو...
حطت يديها على فمها: اخاااه قلتي لبابا يوسف...
سفيان: لانو وقت حكيت معاها عملتي شرع... خلي راجلها يتصرف معاها...
جوجيتا: هي سوفي لحق ماتتغشش مني اما ما فهمتش علاه تعمل كما هك... هزيتها في كفوف راحة غير ترضى عليا... كانت كل مرة تمسح بيا الارض ونسكت حتى انها وصل بيها الامر تهيني عايلتي وفي داري ثاني...
سفيان: وش راح نعمل حتى انا محطوط بين نارين تبقى يما في لاخير...
جوجيتا: امك على عيني وراسي اما ماتفوت حدودها... بانتلي درك وقت يروحو دارنا ماكانش الي يقيم بيها راك تشوف في حالتي...
سفيان: وش قصدك؟
جوجيتا: الي فهمتو سوفي... كانيش نتدلل ولا حابة نعمل مشكل اما صح مانقدرش نتلهى بروحي حتى نتلهى بيها...
وقف من بحداها فوت يدو على شعرو: وانا كيفاه نعمل اخر حاجة نعملها اني نسحت امي من داري...
جوجيتا: حاشى ماقتلكش سحتها... اما فهمها انو انا مانقدر نعاون ولا نتلهى بحتى واحد... يارب نتلهى بروحي سوفي... ااا الباب يطبطب
سفيان: نشوف شكون ونرجعلك اوكي روح...
حركتلو راسها متبسمة: اوكي...
خرج حل الباب لقاه باباه سلم عليه ودخلو...
يوسف: ياك نساء ماكاش في صالة...
سفيان: لا غير يما برك... يما فطوم راهي قاعدة في البيت لخرى
دخل لصالة قابلاتو دور في tv...
يوسف: سلام عليكم
شافت معاه ودورت راسها وكانها ماشافتوش...
يوسف: وقيل مانبانوش حتى سلام ماتروديهوش...
سفيان: اقعد بابا علاه واقف نروح نجيبلك حاجة تشربها...
سعيدة: مليح ولدي راجل... عاد هو الي يخدم علينا ومرتو مرڨدة...
سفيان: حرت وش نعمل معاك لمراة مريضة ماراكيش تشوفي فيها...نرمالمون راكي انت الي تعاوني فينا
سعيدة: هذاك الي قعد انا الي نعاون... نقلك حاجة مرتك بيها دلال هذا ماكان... نساء تع بكري تغسل وتطيب وتفرش وماتقولش غلبت...
يوسف: روح ولدي روح خليني نحكي معاها...
شاف معاها شوي... خرج وخلاهم وحدهم
يوسف: انت درك مش حابة تتعدلي برك... وصلتي حتى لنساب ولدك...
سعيدة: هههه شكاولك..
يوسف: والله لا عيب الي راك تعملي فيه فضحتي روحك وفضحتينا...
سعيدة: هذا الي موجود حبيتو ولا كرهتو ماعندي ماراح نعمللكم...
يوسف: ماعندك ماتعمليلنا اممم (حك خشمو ) امالا شوفي في يدك منا الغدوة ترجعي لدار والا قسما بالله غير ماتزيد يوم واحد معايا وحطي روحك مطلقة تحرمي عليا ليوم دين...
ضربت على فخدها: اخلاياااا هبلت اراجل وصلت بيك طلقني على جال العيباد...
وقف نفض سروالو: هذا الي عندي غدوة صباح تكوني في دار تعيشي كيفيك كيف حبيبة... والا تعرفي نهاية ويقلك دارك تستر عارك ناس مش راح تحملك لعمر الكل...(خرج وخلاها تشوف مع خيالو...زادت قوات عليها حاروقة نتع صدرها...حاصرة دمعتها ماتحبش تبكي...)
