المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 272:
وصلنا لأوتال هبطت فاليز نتعها وعديت جيهتها عاونتها هبطت... مع انو لغوب الي لابستها بسيطة ماقلقتهاش ماشية بحرية... حكمت في يديها الي ترجف ومشيت للاستقبال هزيت كارت نتع شومبر الي حكمتها وطلعنا في لمصعد... صوت نفس تعها واصل حتى لعندي... تبسم على تنهيدتها الي خرجت مع انو برنوس هابط على عينيها مانيش نشوف فيها... الي انو حركاتها فضحوها... حليت الباب مديتلها يدي باه تدخل دخلت مترددة ودخلت انا من وراها... حطيت فاليز ووقفت وراها مكمش عيني نشوف فيها كفاه راح تتصرف... بقات واقفة مهبطة راسها وتعصر في صوابع يديها... جبدت نفس وقربتلها حطيت يدي على خيط البرنوس راح نفتحو بعدتوخطوة خلاتني نضحك...
ايمن: فراشتي وشبيها خايفة...
جميلة: لا مش خايفة..
ايمن: قربي لعندي علاه راجعة لوراء...
قربت جيهتو تعض على شفافها... فتح البرنوس نحاه حطو على سرير وزاد طلعلها طرحة متبسم...
ايمن: جميلتي واخيرا راكي عندي...
هبطت راسها حاشمة من غير ماتحكي...
ايمن: وين غبر لسانك ياك كنت تقولي غير نجي عندك وساهل الحال... هاك عندي علاه خايفة...
هبطو دموعها من غير ماتتحكم فيهم... هز يدو حاوط وجها مسحهم بابهامو ...
ايمن: فراشتي راكي مع ايمونك مش هك تقوليلي... نحبك تتصرفي عادي من غير ماتخمي في حتى حاجة كل شيء راح يفوت برضايتك تمام
ترمات عليه حضناتو جميلة:مكانش قصدي نقلقك...
ايمن:من غير ماتشرحيلي شويا وقت ونتعود على بعض...الي نحبك تعرفيه انت راك في عينيا حاجة ماراح تضربك (باسها من جبهتها وبعد عليها نحى فاست ورماها على لكرسي وصباطو نفس شيء ) ودرك خودي راحتك بدلي وانا نتوضاء ونصلي اوكي...
جميلة: تعاوني نحي طرحة والمساسك الي في شعري...(قرب جيهتها ودار من وراها بدا ينحيلها في مساسك وهي كل مرة تعيط من يجبد شعرها مع المساك مخليلتو يضحك عليها)
جميلة: ماقريبش يخلاصو طبت ازح...
ايمن: اصبري مزالت وحدة برك وهااه نحيناها... هبط باسها من كتفها وبعد عليها...
بعدت عليه حاشمة تمسد في راسها: ايوما راسي راح يطير... انا ندخل نبدل الداخل ونجي...
ايمن: هيا باهي وانا نبدل حوايجي هنا ومنين تخرجي نتوضاء...
جميلة: اوكي (دخلت نحات روب نتعها لبست فوند روب بلون الازرق فاتح وفوقها كاب نتعها... مسحت مكياجها مشطت شعرها توضات وخرجت...شافمعاها من فوق للتحت وتعدى حتى هو لدوش توضاء وخرج...لقاها لست العباية تعها وفرشت سجادات....وقف قدامها وهي وراه صلاو وختموها بدعاء...وقف حط يدو على راسها يدعي...وهبط هز سجادات طواهم وقعد فوق سرير ...هز صحن نتع الفاكهة حطو على حجرو ...يحاول يدخلها في الجو... )
ايمن: علاه واقفة اقعدي...
قربت قعدت بحداه مدلها طرف من تفاح بعدما قصو... حكمتو عليه متبسمة...
جميلة: مرسي
ايمن: وش تحكيلي فراشتي...
جميلة: هاااا...
بعدلها خصلة من شعرها الي طايح على وجها وبايها على خدها ايمن: حبيبي علاه دايخة مش في حوالك اممم... تحبي ناجلوها الليلة هذي لكان مش واجدة... تهمني راحتك مانحبش نسيف عليك حاجة مش حابتها...
شافت معاه وحركتلو راسها بلا...
ايمن: وش نفهم لا ناجلوها ولا ماناجلوهاش...
تبسمت معاه حاشمة: اليوم ولا غدوة نفس شيء...
ايمن: يعني واجدة...
حركتلو راسها بايه...
قرب باسها على خدها ووقف طفىء ضوء رجعلها (وانتم وش تستنو 😒)
ضوء نتع شمس الي ضرب فيها قلقها هزت يديها غطات بيها عينيها... قفزها صوتو...
ايمن: صباح الخير لاحلى فراشة في لكون...
تبسمت معاه وقت غطالها شمس بجهامتو واقف متكي على زجاج طاقة...
جميلة: صباح الخير...
ايمن: بكاية مش راح تنوضي راح الحال...
جميلة: اممم شكون الي بكاني...
قرب قعد على حرف سرير حط يدو على شعرها يمسح عليه...
ايمن: سامحيني ياروحي مسألة وقت وتتعودي...
عدلت قعدتها بسيف جميلة: نحبك ايمن
حط جبينو على جبينها: وانا نعشق في ### والديك... نحبك جميلتي فرحان بيك بزاااااااف...
جميلة: حاسة روحي نحلم والله وقت قلتهالي لبارح قريب ندوخ...
ايمن: تستاهليها حبيبي... نوض خليني نروحو راه قريب ظهر...
جميلة: اخاااه مكانش منها علاه خليتني رقدت هذا الكل...
ايمن: ماحبيتش نفيقك وانت ليل كامل تبكي كما لولاد صغر نحب نروح لماما هههه...
جميلة: هههه احكمهالي درك انت...
وقف جابلها بانتوفل حط تحت رجليها ايمن: يالا اغسلي وجهك راهم طلعولنا لفطور...
جميلة: اوكي دقيقة برك نكون بحداك...
