المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 281:
وصلهم لدار هبطها مسايس عليها... وجهو احمر من شيء الي راهم يفوتو فيه... حل بوجمعة دار بعدلها على لباب فاتت... لقات سولا في وجها شافت مع وجوهم ودمعة هبطت...
سولا: ماما...
حمزة: يالا سولا عاوني ماما تطلع لبيتها...
حىكتلو راسها حكمت في يدين ماماها مطلعتها... وكانها جث*ة هايمة في عالم اخر...
وقف مسح على وجهو يستغفر... شاف مع بابه الي سقساه...
بوجمعة: ولدي عرسك بقالو غير سمانة... وش راح تعمل...
حمزة: اخر همي لعرس بابا... وقت نشوف يما في لحالة هذي مابقات حتى بنة....
بوجمعة: وطفلة وش ذنبها في شيء هذا الكل... راهي موجدة كل شيء وامك مريضة ماماتتش
حمزة: ربي ورحمتو بابا... اصلا مانقدرش نعمل عرس دراهم يارب نداوي بيهم ماما...
بوجمعة: وقت نموت داوي امك روح ازوج على روحك ولدي امك كاين الي يتلهى بيها...
حمزة: ربي ورحمتو انا نطلع نرتاح شوي... من بعد نشوف سيد نتع دار...
ربثلو على كتفو يحكي بوجمعة: بربي كل شيء يفوت... وامك راح ترجعلنا بخير... ونرجعو نتلمو كل على خير...
هز عينيها لسماء متنهد حمزة: هذاك الي متمنيه من ربي سبحانو...
طلع يلوح في خطواتو طلع في دروج دخل لبيتو... يقابلو معتز راقد على كرشو كل رجل في بلاصة...( الليل كامل مارقدوش عندو سمانة على لحالة هذي... من وقت سمع بخبر يماه عينيه ماشافتش نوم يغفل غفلات... بكاء دموع لحصرة نهار الي خبروه بمرضها نهار الي كان راح يحرق فيه...ولا دراهم خوه الي هزهم من غير مايخمم في لعواقب...) وقف عند راسو ينوض فيه... اول مانطق اسمو فاق مخلوع متقعد...
معتز: وش قلكم طبيب...
دموع محصورين في عينيه يشوف معاه بعينين حمر جمر حمزة: عندها اخويا عندها الامل الي كان عندنا راح...
معتز: يعني ماما راح تم*وت...
حمزة: الله لا يقدر قالو راح يعملو عملية نسبة نجاحها ٪90 مزالها في مرحلة الاولى...
حط راسو وسط يديه معتز: ربي يستر يارب من غيرها نضيعو راهي لغالية....
حمزة: هذا ابتلاء من عند ربي سبحانو... لازمنا نصبرو ونتخطوه بربي يمانا راح ترجع خير من قبل... انا نروح نتوضى لعلى ربي يستجيبلي...
شاف مع خوه الي خرج يتوضا... مسح على وجهو ورقبتو... هز تلفونو حط رقمها يحب يطلب منها سماح... يكذب على روحو يقول انو قدر ينساها... من ايام يطلب فيها ويعاود ماهزتش عليه... بعدما يأس انها تهز هبط تلفون راح يغلق... حتى سمع صوتها ذابل...
ملاك: الو...
معتز: ملاكي سامحيني...
ملاك:(لارد!)
معتز: نعرف غلطت معاك خليتك وحدك... ماوقفتش معاك وقفت رجال... خليتك في نص وغدرت بيك اما ندمان وحاب نطلب سماح... برتقالتي سامحيني ياروحي... اعطيني فرصة وحدة برك نوعدك نخطفك من دنيا لكل ونكتب اسمك قدام اسمي...
(تنهد وقت سمع شهقاتها حس بحاجة غامة على قلبو... غلط وقاعد يخلص وبزيادة ثاني...)
معتز: ملاك تاعب من غيرك اوعديني تكوني ليا ومانحب حتى حاجة اخرى...
ملاك: معتز يزيني من لكذب قلت لحكاية هذي قبل الف مرة وفي لاخير خليتني ورحت... مش بعتلي ميساج راح تحرڨ علاه قعدت باه تحرڨني معاك... علاه مارحتش على الاقل تبرد نار الي في قلبي... ممكن وقتها ننساك مع كل موجة تطلع وتهبط انت مشيت فيها...
معتز: وراس ميمتي الي بين لحياة والموت غير نحبك... ونحب تسامحيني طلبت منك حاجة وحدة برك استنايني اصبري عليا راح نوقف على رجلي ونجي نطلبك من باباك... الي يهمني تعطيني وعد انك تستنيني... مش راح نقلك شهر ولا زوج ممكن حتى عام... اما راح نديك نهار الي نحكم خدمة نقول لبابا يحط لكلمة عليك... هك تكوني ليا وواحد مايقدر يحكي لا عليك ولا عليا... غير اصبري معايا...
تنهدت تنهيدة كبيييرة ملاك: مانغرف ماعدتش قادرة نامنك ماعدش عندي جهد نصدقك من بعد نعاود نفس غلطة مرة خلاف...
معتز: حلفلتلك براس لغالية الي بين الموت والحياة... مرة هذي راح نعمل جهدي ملاكي...
ملاك: شبيها ماماك؟
معتز: سرطان ثدي...
ملاك: لا اله الا الله... ربي يجيبلها شفاء ماكنتش حاطة مرضها حاجة كبيرة...
معتز: راني نتحرق كل يوم شوي وانا نشوف فيها بسطر...
ملاك: ماعرفتش وش نحكي...
معتز: لكان انا ومش عارف... يكفي انك تصبري عليا...
ملاك: راح نقطع بابا روح لدار...
معتز: نحبك ملاكي...
