المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 296:
#المكتــــــــــــــوب.... وااااه من المكتوب كلمة ممكن تكون تتقال وتتسمع اكثر من مرة في اليوم... كلمة ممكن تخليك ترتاح كما ممكن تخليك تخاف... حبيت نقول انو حياتنا عبارة على محطات تدينا وتجيبنا وياسعدك الي حجزت بلصتك في هذاك القطار... ياتقطع وتوصل وين تحب ياتبقى تتفرج عليه من بعيد وهو رايح وجاي.... من نهار عرس حمزة وياسمين فاتت إيام وجات إيام اخرى وتعدات سنين... عدات أيام حلوة ضحكو فيهم وايام تمرمدو وبكاو فيهم...
🖇واقفة في طاقة بيتها تنفخ عليها حتى تضبب وترجع تكتب عليها «أميري » تتبسم على روحها وعلى هبالها... رجعت براسها لوراء وقت يديه حاوطتها... حطت يديها على يديه تتبسم مغمضة عينيها...
أمير: أميرتي وش راهي تعمل...
سولا: اممم نشوف في الجو لبرا...
أمير: زعمة برك؟
دارت مقابلاتو تفوت في صابع يديها على قفل لقمجة تاعو مكمشة عينيها تتبسم...
سولا: وش ممكن نكون نعمل مثلا...
أمير: نشوف في اسمي مكتوب على طاقة زعمة تحفضي فيه؟
سولا: هههه لا كنت نلعب في لعبتي الي نحبها من كنت صغيرة... ودرك كبرت ومزالني نعملها ولاني توحشتك كتبت اسمك... نظن مش عيب
أمير: شكون قال عيب الي يجي من عند أميرتي كل نحبو....
طلعت تعنكشت في رقبتو وباستو على خدو تحكي: نعرف ومتاكدة أميري...
أمير: اوووه... سولا حبيبي خلي مسافة الامان مش هذي هدرتك اممم...
سولا: هههه وانت اقعد كل مرة فكرني بيها...
امير: هههه تستاهلي الي يشوفك نهار العرس يكدب لا تكون هذي جريئة الي قدامي....
جبدت روحها حلت لخزانة تشوف معاها...
سولا: لانو خطفتني هههه...
أمير: قولي خطفت قلبك باوحيدة... راكي تعبتيني بجري وراك رحمة لا يابنت بوجمعة...
سولا: ههههه تستاهل تحساب روح واقنعني اممم...
امير: مهم راكي معايا وفي داري و(حط يدو على كرشها ) وام بنتي...
سولا: حمدالله يارب...
امير: عروستي انا خارج حمزة يحتاجني كشما تحبي نجيبلك معايا...
سولا: اهءه سلملي عليه...
شافت معاه وقت خرجت لحق هي ثاني خرجت لصالة فتحت pc... وسرحت لبعيد...
🔙🔙🔙🔙🔙🔙🔙🔙
وردة: اقعدي بنتي حداية علاه راك رايحة وجاية....
قعدت بحداها رجليها ترعش سولا: ماما راه بهدل بيا في جامعة... ياك قتلو مكانش مكتوب علاه لاصق في جدي...
وردة: علاه بهدل بيك اااه... مش لقاك واقفة مع عزري تضحكي كما بهلولة...
سولا: ياااربي راه يقرا معايا علاه ماتفهموش مديتلو لكور هذا مكان...
وردة: وهو فهمك الف مرة مابقتيش توقفي مع حتى راجل ولا ماتفهميش...
سولا: بأنو حق ماما بانو حق... راني رجعتلو لخاتم حاولت نحبو ما قدرتش...
وردة: طفل هابل عليك علاه ماتحبوش الي يحبكم وتجرو وراء الي مش سامع بيكم...
سولا: كل مرة تجبديلي نفس لحكاية ايمن نسيتو وقلبي رميتو علاه ماتفهموش...
وردة: باينة على هذي عام كامل وراجل وين نحطك ياطبق الورد وانت عاملة فيها حبك عزيز... بيني وبينك مايعجبكش مايعجبوكش تصرفاتو غيرتو عليك دلالو راه حاطك كما بنتو...
سولا: كلو تمثيل يحب يحطني في شبكة....
وردة: خمي مع روحك بنتي ... هاه شوفي راه يعيط اسمعيه وش يقول في خاطر امك...
غمضت عينيها عاضة على شفتها: هاني راح نهز عليه لكان ماتفاهمناش ارحموني...
وردة: روحي بنتي يرضى عليك...
خرجت من عندها جبدت نفس وهزت اول ماعودلها بقات ساكتة...
أمير: أميرتي...
سولا: امير الله يخليك تعبت يكفي الي صاري لحد الان...
امير: نحبك يا حمارة نحبك راح تهبليني نغير عليك من خيالك مش غير من راجل اخر واقفة تحكي معاه...
سولا: كان لازم تتحكم في اعصابك انا مانيش من البنات الي عشاقة بدالة... راني غلبت من سيطرتك عليا خواتي ماعملوش الي عملتو...
أمير: نعرف ساعات نتخلط اما انت ثاني حطي روحك في بلاصتي كون تلقايني مع وحدة برا ونضيحك وش يكون موقفك...
سولا: لارد
امير: هاااا شفتي ماردتيش ارحميني يابنت ناس...
تنهدت جبدت نفس سولا: خايفة...
أمير: من شكون مني؟
سولا: من كلشي مش حابة نتعلق بيك من بعد تظهر حلمة ونفيق منها...
أمير: وعدتك الف مرة نحطك في عينيا...
سولا: مخوفني اهتمامك زايد هذا مش مريحني...
ضحك حتى كره أمير: ههههه لدرجة هذي...
سولا: إمممم لدرجة هذي...
أمير: ممكن تجربي تتعودي عليا...
سكتت شوي ومن بعد نطقت سولا: ممكن اما راح نخلي مسافة الامان....
أمير: هههههههه عجبتني مسافة الامان... اما حطي في بالك انا راجل شرقي بإمتياز ماتستفزيش رجولتي...
سولا: نخمم..
أمير: سولااااا...
🔚🔚🔚🔚🔚🔚🔚🔚
تبسمت وحبست كتابة وقت شافت ياسمين تطلب فيها... عدلت قعدتها وبعدت pc عليها
سولا: اهلا سمونة ....
