المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 299:
رايح جاي في هذاك سبيطار... ثلاث أيام وانا على عصابي... فكرة اني نخسر جميلة راح تهبلني... جميلة لعقل ورزانة ترضاها في روحها ومترضهاش فيا... كل شهر من زوجنا نسمع بكاها تحب تفرحني بصغير... كل مرة نشوف لهفتها على لولاد قلبي يوجعني عليها... كل مرة نشوف ضحكتها الباهتة تقسملي قلبي... عرفتها في وقت نسات فيه شكون انا ونسات في مشاكلي... وقت الي عرفتها خلات قلبي يتربط بيها ليها وحدها... رغم كنت حاط في بالي اني حبيت قبلها... اما كنت غالط كانت مجرد نزوة وغلطت وقت شفت لمراة ماتربطنيش بيها علاقة غير شرعية... خلصت حق غلطتي غالي... اما فكرة خسارتها مستحيل نتقبلها... يتفكر في اخر كلمات قالتهملو...
🔙🔙🔙🔙🔙🔙🔙🔙
جميلة: ايمن تعبت ما عدتش نقدر
ايمن: مزال شوي برك وتفرج اصبري فراشتي...
جميلة: هههه وليت دبة مابقيتش فراشة...
ايمن: تبقاي احلى فراشة في عينيا...
بلعت ريقها وعينيها تملاو بدموع: لطان متت وبنتي عاشت زوج أيمن... لكان طفلة الي حبيتها قبل لا تعرفني مزالت ما زوجتش زوجها تربي بنتي...
ايمن: جميلة يزيك بلا هبال... وحدة ما نزوجها وطفلة هذيك زوجت وربي سهل عليها نشوف فيها كما اختي درك... وانت راح تولدي وتربي بنتك كما حابة...
جميلة: ايمن خود راي ما تعرف وش يصرا...
ايمن: انا خارج راك ماعدتيش تعرفي تحكي... (وقف باسها من جبينها)... نحبك انت وبنتي انت الي تربيها... ايا تهلاي...
🔚🔚🔚🔚🔚🔚🔚🔚
(قعد على الكرسي يديه بين راسو...هزو على مسحت حليمة على شعرو )
حليمة: ولدي خلي املك بربي كبيير...ادعيلها ولدي...
مسح على وجهو لاحمر دم من شيء الي راهو فيه: راني ندعي يما ندعي...
حليمة: ربي كبير قادر على كل شيء... سلمى قالت خلاص طلعوها للبلوك...
أيمن: يعني مابقاش يارب سهل يارب...
تلفتو على وصلت جوجيتا الي سلمت هلى حليمة و سفيان...
جوجيتا: مكانش خبر...
حليمة: مزال ماكان والو...
سفيان ربت على كثف ايمن: بربي مايكون الا الخير...
رجع بظهرو على لكرسي: إن شاءلله يارب...
زادت وصلت ياسمين وحمزة معاهم سولا.. وقفو كلهم مع بعض على عصابهم... ايمن رايح جاي... حليمة تسبح وتدعي... لبنات واقفين كلهم مع بعض يحكو... كلهم قفزو يجرو وقت خرجت سلمى متبسمة....
سلمى: مبرووووك جات تحفونة هيبة الله بعدما عدبتنا...
ايمن: وجميلة؟
سلمى: دايخة اما كل شيء مليح...
مسح على وجهو ودموعو هبطو صحابو دايرين بيه يباركولو... حليمة تزغرط حتى هي فرحة ومش اي فرحة...
فاتت مدة عدلوها في بلاصتها دخلو لبنات طمنو عليها وهو معاهم... راقدة على سرير وجها اصفر تقريبا غايبة على الوعي...
ايمن: جميلة لباس؟ مبروك علينا جات هيبة...
جميلة بصوت خافت: يبارك فيك نحب نشوفها ايمن...
ياسمين: مبروك جميلة... شوي ويجيبوها...
سولا: مبروك جوجو... مبروك خويا ايمن...
جوجيتا: مبروك حبيبتي جوجو خوفتيني عليك...
جميلة: يبارك فيكم فاتت الحمدلله....
باقيين معاها فوق راسها حتى جابولها بنتها شافتها... هزوها كلهم يشوف فيها فرحانين بيها ....وأيمن سماها وأذن في وذنها... قريب يطير من الفرحة كون لقى راه روح بيها لتم بعد وقت تهناو عليها كل واحد روح لدارو واخير شرفت الاميرة صغيرة هيبة..
