لمكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 277:
شاف مع معتز الي خرج وقفل الباب... وقف حل لخزانة يشوف معاها... عقد حواجبو... بعدها جبد حوايج الي راح يلبسهم... يهز ويحط فوق سرير... تلفون بين وجهو وكتفو... يسمع فيها تحكي مع اختها شيماء... جايبة ماعندها بضحك... رجع تكى فوق سريرو... عدل روحو وحكمو بيدو وقت رجعت تحكي معاه...
حمزة: وش راكي تعملي... وش لحكايات هذي الكل...
ياسمين: هذا وين خرجت من دوش نحيت تعب نهار... حكمتني شيماء بحكياتها... تعرف لسانها محلاه وهي تدخل وتخرج في لهدرة... ساعات نبقى حايرة في لسانها... تقول مش اختها انا خلاص...
حمزة: هههه كنت نسمع فيها... اختها لسانها ماكلو لقط... نسرق في لهدرة من عندها بسبدي وسيدك... قلها مزالك صغيرة على زواج.. خليلنا دالة نخطفو ختك ومن بعد ساهل نفكرولها راجل...
ياسمين: صاااار سمعتنا هههه... مابقاش بزااف ونجي نعمل فيك راي حتى تفد مني... وتشوف لسان الي ماكلو لقط وش يعمل فيك
حمزة: ياو ارواحي برك ونشوفو شكون يفدد شكون.... ولسانك مقدور عليه نعرف كيفاه نقص منو...
ياسمين: هههه كل شي منك حلو قابلة... اما حط في بالك راح تحرمني من العرس الي كنت نحلم بيه... راني ستنيت بفارغ صبر كيفاه نفوتو وكيفاه نخططلو...
حمزة: وكيفاه الالة العرس الي تحلمي بيه...
ياسمين: يعني كما اي طفلة تحب تكبر عرسها... نحب عرس تسمع بيه ناس الكل وتحكي عليه... عرس مش كما اي عرس كما كانت تقول جدة الله يرحمها سبعة ايام وسبع ليالي...
حمزة: غير فساد وخسارة دراهم... في حالة راح ديري عرس وتكبريه الناس راح تلقى حاجة ناقصة تحكي فيها... دراهم الي تفسديهم على الي راح تحكي صدقيهم خير لواحد ماعندوش...
ياسمين: مع هك مزالني حابة عرس كبير... وصدقة اكيد هذيك فيها فيها...
حمزة: والله مالقيت وش نقلك نعرف مش راح تقتنعي... والعقود وقتاه نديروه اممم...
ياسمين: مانعرف شوف انت...
حمزة: ساهلة...(طلع راسو للباب الي تحل ودخلت ...) حبي دقيقة...
ياسمين: اوكي...
بعد تلفون من وذنو وشاف معاها هاز حاجبو فيها: ماعلموكش طبطبي الباب قبل...
سولا: هاني سمعت حسك تحكي قلت ندخل علاه نطبطب...
حمزة: هيه من لاخر وش تسحقي...
سولا: سامط تعرف...
حمزة: نعرف هاتي جديد...
عوجت فمها وقربتلو سولا: نحب على رقم سمونتي...
حمزة: سمونتك شوف اسيدي من وقتاه سمونتك الالة...
سولا: هات برك علاه تسمط عليا...
حمزة: مانمدش وروحي بلطي لبحر...
قربت حكامتو من خدود وتقرص: وراس خويا ميزو غير تمدلي نحتاجها...
حمزة: اصبري نفوتهالك تحبي...
سولا: لا تمعشق معاها براحتك هات رقمها خليني نروح...
نفخ عليها وحكم عليها تلفونها كتبلها رقمها وضرب بيه على يديها حتى وجعها...
سولا: ايوووما رهج حرام عليك والله...
حمزة: هيا طيري منا وش مزال تستناي...
شاف معاها حتى خرجت وقفلت الباب... ورجع تلفون يحكي...
حمزة: سلطانتي... وينك هااا طفلة...
مدة ورجعت عليه ياسمين: هاني هنا...
حمزة: وين غبرتي ساعة وانا نحكي وحدي...
ياسمين: رديتها ساعة بعد... كنت غير نغطي في شعري بالمنشفة برد عليا الحال...
حمزة: اوي غير لميي على روحك ما نحبش عمري تمرض...
ياسمين: يعيش روحي انا الي خايف عليا...
حمزة: هههه اكيد نخاف عليك... قوليلي الحب وقتاه محكمة نتع خوك...
ياسمين: سمانة جاية انشاء الله تتحل مشكلة تاعو بأقل اضرار...
حمزة: بربي وش راح يعمل دارها بيدو... ومرتو مزال في قرار طلاق...
ياسمين: ايه مزال راهي افعى وش تتوقع منها...
حمزة: ربي يهديها برك مافهمتش علاه عملت معاه هك... وطفل الي بينهم وش راح يصرا فيه...
ياسمين: حكاية كبيرة خلي برك لا ظهر كاين طفل لا شيء كرشها في رابع لدرك ماكبرتش... وقت سمعت الياس ممكن يبقى اكثر من 5 سنين في الحبس وزيد دار باعها... قريب هبلت وبانت على حقيقتها...خرجتلو فيها طول قاتلو طلقني وماكان لا طفل ولازوج...
حمزة: نساء الي كيفها تليقلهم حرقة بنار جهنم وشوي فيهم... ربي يبعدهم علينا...
ياسمين: ايه خليها لربي برك والله بابا من محامي لمحامي باه ينقص الحكم عليه... وزاد عليه الحال وقت طلبت مرتو طلاق تقدر تقول عايش جث*ة من غير روح...
حمزة: وزدنا كملنا عليهم بحكاية العرس وتوجاد...
ياسمين: ايه وش راح نعملو #مكتوب هو الي حكم هك...
حمزة: اييه هذا هو وانت وقتاه معولة تدي كونجي...
باسمين: قبل لعرس ب15 يوم هكذاك... منو للعرس منو نبقى وراء لعرس شوي مع بعض...
حمزة: احلى حاجة تعمليها والله... ماكرهتش درك راكي عندي... راني كليتك ماكلة...
ياسمين: حمزززة
حمزة: هههه ماتقوليش حشمتي...
ياسمين: حمزة راح نكوبي...
حمزة: جربي اعمليها نشقالك لدار ههه وقولي مايعملهاش...
ياسمين: اواااه ماتعملهاش غير تحكي برك ...
حمزة: جربي وشوفي...
