💎🥀 المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 248:
واقف مع لولاد يعاون فيهم... كل مرة يركبو بلاصة... دار على دخلت حليمة تزغرط هازة في يديها تحلية ما لعصير...
حليمة: مبروكة سعيدة... ربي يهنيك اوليدي...
أيمن: يعيشك حلومتي ربي يخليك ليا...
حليمة: ويخليك ليا الغالي (دارت للولاد تشوف معاه ) هيا بإسم الله حلو فامكم...
###: يعيشك الحاجة....
وقفت مدة شافت معاهم وهبطت خلاتهم يكملو خدمتهم.... كملو خدمتهم وصلهم للباب بعدما خلصهم... طلع دخل يشوف معاها كما كملت تبسم فرحان... يكذب يقول مش فرحان... هز تلفون دخل ميسنجر عيطلها... كوبات عليه بعتتلو ميساج «دقيقة نطلع ابيتي ونعاودلك » حك شعرو من لوراء... وقرب حل لخزانة يشوف فيها من داخل.. مرة يحل درج نتع لكوافاز... طلع راسو على ميسنجر الي صونا هز عليها...
ايمن: جميلتي...
جملية: حبيبي لباس؟
دورلها الكام تسوف وهو يحكي في نفس الوقت...
ايمن: شوفي شمبرتك عروستي...
جميلة: يااااااااا ايمن روعةةةةة....
ايمن: راح تكون اروع بيك فراشتي...
رمشت عينيها اكثر من مرة جميلة: عاود وش قتلي درك
ضحك عليها: فراشتي وش فيها...
جميلة: هههه انا فراشتك... بانتلي راني نحلم...
ايمن: علاه اسيدي تحبي نبدلوها ولا مابقيتش نقولها...
جميلة: اخااااااه غير قولها وكثر منها...
ايمن: هههه هيا مليح... مالا عجباتك شمبر تاعك؟
جميلة: اكيد تحفة كبيرة واسعة حل نشوف لخزانة من داخل...
قرب فتحهالها ايمن : لا كبيرة ربي يبارك تحطي فيها وش تحبي...
جميلة: ايه ماشاء الله بصح تبان غالية... مش بزاااف عليك...
أيمن: معليه ماخساراش فينا... راح تجيب وقتها مش كل يوم راح نشري وحدة
جميلة: صح عندك الحق تعرف مرانيش مأمنة مابقاش خلاص
ايمن: إن شاءلله تكمل على خير وتكوني عندي ونعمل فيك راي...
جميلة: هههه كفاه تعمل رايك ماتخوفنيش...
ايمن: لا غير خافي ههههه
جميلة: راح نبطل من درك مابقيتش مزوجة...
أيمن: يا حسرة خلاص طاح الفاس في راس ماعندك وين تهربي....
جميلة: ايمن حرام عليك والله خفت...
هزلها كتافو يضحك: ايه لازم راكي درك مرتي رسميا... يعني نعمل فيك وش نحب...
جميلة: راك غير حاب تخوفني هءا ماكان نعرفك قلبك حنين وتحبني ماترضاليش لهلاك...
أيمن: شكون قالك نحبك...
عينيها دمعو ووجها حمار كما طمطومة جميلة: كفاااه
أيمن: وشبيك فيسع تامني وتنوضي تبكي مدي مرأة مش طفلة صغيرة...
جميلة: ايمن جاوبني ماتحبنيش؟
ايمن: يهديك ربي كفاه مانحبكش وراح نزوج بيك...
جميلة: انت قلت درك...
أيمن: يابنتي راني غير نضحك يزيك بلا توسويس خلينا فرحانين...
جميلة: وعدتني ايمن تشفى...
ايمن: وش وعدتك...
جميلة: قتلك وقت ماتحبنيش ولا تشك في روحك مش حابني ماتكملش زواج هذا...
ايمن: جمييييلة هبلتي ولا وش... كنت نتمسخر علاه مانحبكش اااه... كشما شفتي مني صح طبعي صعيب بصح راني نعامل فيك كما بنتي مش مرتي برك.... خليني رايض ماتخربيش فيا...
شهقت وهبطو دموعها جميلة: نحبك ايمن حرام عليك قلبي كان راح يحبس وقت قتلي مانحبكش...
ايمن: وشبيك انت ودموع درك... يزيك بلا توسويس وامسحي علينا دموعك... تعرفي نقطة ضعفي وقت تبكي...
جميلة: خلاص هاه مسحتهم...
أيمن: صحيتي فراشتي زينة... نحبك دايما تضحكي...
جميلة: ربي يخليك ليا ايموني...
ايمن: وش قتلك على ايموني هذي...
جميلة: بصح نحب ندلل راجلي...
ايمن: يابنت دلال مش بايموني... وقت تجي نعتلك دلال كيفاه...
جميلة: هاه ما عدتش نعاودها خلاص... حبيبي ام يعيطولي نكمل نلم حوايجي نتع لفراش مابقاش باه تجي تديهم...
ايمن: هيا روحي ربي يسهل... من بعد ونحكو...
جميلة: ايمن..
ايمن: نعم
جميلة: نحبك(قطعت تلفون )
حرك راسو يضحك عليها... متقلبت الحال مرة تضحك مرة تبكي مرة تتغزل... ماحطهاش مجنونة هك...
