المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 292:
خيوط شمس الي ضاربة في وجهي... صوت لولاد برا... حس نساء عندنا في دار...راسي راح يتكسر من سهرية البارح...فتحت عينيا شفت مع الحنة في صبعي ضحكت مابقاش وتكون عندي... هزيت تلفون نشوف مع ساعة تبسمت وقت شفت ميساجها... رجعت حطيتو فوق طاولة ولبست في رجلي خرجت نغسل وجهي باه نفيق... تفكرت حكاية سولا... طليت من دروج عيطلها... ورجعت لبيتي حليت لخزانة جبت وش نلبس... حتى نلقاها ورايا تمسح في يديها...
سولا: صباح الخير لعريس...
حمزة: صباح النور...
سولا: كشما حتجتي...
حمزة: اموركم مريقلة مكانش حاجة ناقصة...
سولا: بقاو حوايح صغار بعتت ماما معتز يجيبهم ريح روحك انت...
حمزة: خلي على الاقل يعمل حاجة تنفع...
سولا: وشبيك انت وخوك من مدة مش متفاهمين...
حمزة: خليك مني ومنو... اقعدي نحتاجك...
سولا: ماعنديش الوقت حمزة من بعد ونحكو...
حمزة: 10 دقايق وربي يسهل...
قعدت قابلاتو سولا: هاني نسمع...
حمزة: تعرفي بالي نحب اختي... حاطك بنتي مش اختي...
سولا: نعرف حمزة علاه تحكي هك خوفتني...
حكم يديها بين يديه حمزة: من مدة جاو خطبوني فيك... ماحبيتش نمدك لانو مزالك صغيرة... اما بقى مصر الحق هو انسان الله يبارك عليه... البارح اصر عليا اكثر من مرة عرفتو شاريك... اما لقرار في يدك...
جبدت يديها من يدو سولا: شكون هذا؟
حمزة: تعرفيه أمير...
مسحت رقبتها من توتر: مانقدرش مزلت نقرا ويما مريضة مكانش كيفاه...
حمزة: قال براحتها وقت تتحل الامور تعملو عرس يعني مش لعام هذا ولا العام الي بعدو...
سولا: وهو وش لزم عليه يشوف وحدة خلاف...
حمزة: وش راح نقلك... انت خمي مع روحك ومن بعد نردلو لخبر...
سولا: بابا وش رايو...
حمزة: هو الي قالي احكي مع اختك قبلت ربي يسهل ماقبلتش يشوف مكتوبو في جهة خلاف...
سولا: خويا وانت تشوف فيها لحكاية خارجة؟
حمزة: مانحبش نقرر في بلاصتك رفضتو مرة الاولى... اما وقت جاء البارح للعرس قتلو خلي نشوف مع تع دار... القرار بيدك قبلتي ولا ما قبلتيش خوك دايما معاك...
سولا: وهو شكون عرضو علاه جاي عرس نتع عباد مايعرفهمش،....
حمزة: قبل مايعرفناش اما درك يعرفنا ماتنسيش بالي راه طبيب نتع امك... وهي الي قاتلو ارواح تحضر...
سولا: ربي يهديها ماما برك... مافهمتش علاه عملت هك...
حمزة: اصلا اول وحدة حكالها امير هي...
هزت حاجبها سولا: ماما علبالها اممم... نخليها للوقت درك لاهيا بعرسك وقت يفرغ راسي نشوف مع لحكاية ...( وقفت ) انا نهبط عندي مانعمل كشما تحتاج اخر ...
حمزة: ابعتيلي فطوري مع معتصم...
سولا: او يلعب برا وين نلقاه انا درك...
حمزة: شوفي كيفاه تعملي مانقدرش نهبط انا مع نساوين هذيك الكل...
حركتلو راسها وخرجت تبسمت مع عمتها الي عدات عليها هبطت للكوزينة حطت لحليب يسخن... سرحت بتفكير عرفت علاه عمل هك لبارح...
🔙🔙🔙🔙🔙
حمزة: سولا دوش فارغ...
سولا: دوك نشوفو ونقلك...
(رحت طليت عليه لقيتو فارغ مسحت الماء الي لقيتو سايح وطليت عليه...) حمزة... ااا حمزة يقدر يفوت...
حمزة: يعطيك صحة ياك مكان جتى واحد يدور من نساء...
سولا: لا روحو كل خلاف عماتي راهم في صالة الفوق... وانا راني في لكوزينة نطيب في تاي...
حمزة: اوكي...
دخلت للكوزينة كملت هزيت بريق تاي طالعة حتى قابلني واقف حدى باب نتع دوش تبسمت معاه وجيت فايتة... حبست وقت هدر...
امير: علاه خارجة قدام رجال كما هك...
هزيت حاجبي فيه: خرجت قدام العايلة كلهم يعرفوني... هههه ديجا انت وش دخلك...
حك لحيتو وقربلي: وش دخلني علبالك شافعلك اني في وسط داركم والا والله هذا الفم نكسرو... وش دخلني اممم راح يجي وقت تعرفي وش دخلني... وهك نزيد نولهك مزال نشوفك دوري وين رجال رجلك نكسرها...
سولا: شوف اسيدي تهدد فيا وسط داري...نفكرك برك لاراك بابا ولا حتى خويا حتى تحكي هك.. ماعندك حتى حق تتدخل فيا... عاش من عرف مقام نفسو...وزيد وش جابك للعرس من اصلو...
رفع اجبو شاف معايا: لسانك طويل راح يتعبني بزاااف... معليه الالة اعملي رايك...
شفت معاه حابة نتفلو شعراتو... الي يتباها بيهم... من بعد طلعت وخليتو ورايا راح نغزل وحدي...
🔚🔚🔚🔚🔚🔚
فقت على لحيب الي فاض... لعنة دقيقة الي شفتو فيها... هزيتو من نار ومسحت كوزينيار نتمتم كما المهبولة وحدي...
