المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 273:
يشوف معاها مكمش عينيه... حط القلم على لحيتو يحرك فيه... بعد الكرسي رجعو لوراء وقف تمشى للباب قفلو... هزت راسها على المفتاح الي دار...
ملاك: خير علاه تقفل في لباب...
قرب جيهتها قعد على بيرو تعها هز خصلة من شعرها يلعب بيها معتز: توحشتك...
جبدت روحها لوراء ملاك: معتز نوض حل الباب بابا قادر يدخل في اي وقت...
معتز: مايجيش ماتخافيش قالي راح يخرج بكري اليوم...
ملاك: حتى وإذا عيب نقفلو الباب قادر يدخلو ولا يطبطبو في اي وقت...
معتز: وشبيك اليوم ### وين نروحلك تهربي... ياك موالفين نقفلو الباب
ملاك: معتز رانا نلعبو بنار...
وقفت من بلاصتها راح تحل الباب... سبقها عرضلها تكى على الباب
معتز: ملاك متوحشك شوفي من وقتاه ماتلقيناش...
ملاك: الله يخليك لا لمكان ولا زمان مناسب انو نوقفو الوقفة هذي والباب مقفول حلو الله يحفظك راهم الخدامة عادو يحكو علينا...
معتز: يجرب واحد يحل فمو نكسرهولو...
ملاك: حكاو وخلصو معتز...
قربت جيهتو دورت المفتاح وجات راجعة جبدها ليه حضنها حاط وجهو في رقبتها يحكي...
معتز: نحبك برتقالتي...
ملاك: حتى انا نحبك... حطت يديها على يدو تحب تنحيهالو وتحل الباب دارت مفجوعة...
ملاك: بابا!!!!
جرى ليها جبدها من شعر يحكي ويرص على سنيه... خلى دموعها تهبط تشوف مع معتز الي مسح على وجهو...
يوسف: يابنت### هك ربيت يا ###... هز يدو ضربها بكف لا يقرا ولا يحسب ورماها على لارض... ودار شاف معاه عينيه حمر جمر قربلو وجبد معاه بكف خلى رقبتو تدور حاكم وجهو...
معتز: عمي اا
يوسف: لعمى يعميك هذي هي الامانة الي خليتهالك ااااه...(مسح على وجهو يحس في سخانة طلعت معاه ) تحب اختك يتعمللها كما انت عامل مع بنات رجال يا ### انا الي غالط الي خليتكم في بيرو واحد كان لازم نعمل حسابي حطيت زيت مع نار...
معتز: عمي بنتك نويتها للحلال...
يوسف: وينا حلال يهديك ربي وانت غاطس في لحرام لرقبتك...
(دار على صوت بكاها هبط لمستواها حكمها من شعرها وهزها خلاها تعيط...) نوضي يابنت ### اليوم مو*تك على يدي واحد لايرحمك...
قرب معتز يفك فيها من يدومعتز:خليها حرام عليك مش هيا الغالطة انا...
شاف معاه شوفة قريب ينقز عليه: طير من قدامي ومن اليوم انسى تخدم لهنا تسمع فيااااا برااااا عليا خماج انت واياه براااا...
معتز: دوك نخرج اما خليها طفلة قريب دوخ...
يوسف: اخرج لا نمسح بيك سبيطار برااااا... ونزيد نشوفك مرة اخرى تخلصها غالية...
نفضها قدامو هز حوايجاها ودزها باه تمشي... وخرج وخلاه يشوف معاه رايح جاي في بيرو قريب يقطع شعرو مسح على وجهو ينفخ...
معتز: ياخي حالة ياخي كفاه راح نعمل انا درك... منين خرجلي الهم هذا... هز تلفونو وهبط يجري لعند ياسمين لقاها في لكلوار واقفة تحكي مع طبيب... شافتو تبسمت معاه ودعت طبيب وقربتلو...
ياسمين: اهلا معتز كيفاه حتى طليتي عليا...
معتز: مرت خويا لباس؟
ياسمين: لباس الحمدلله وشبيك تبان مش في حوالك...
مسح على رقبتو معتز: فارغة نحكي معاك...
ياسمين: ارواح ندخلو للبيرو...
مشات قبلو وهو وراها دخلت قعدت على كرسيها وشاورتلو يقعد...
ياسمين: هااا نسمع فيك...
معتز: عملتها قد راسي ماعرفتش كيفاه نحلها...
ياسمين: غير الخير وش عملت...
معتز: شافنا بابات ملاك في لبيرو في وضعية(مسح على رقبتو ) مهم انا بعتني نروح اما هي نهارها اكحل اليوم... باين مش ناوي على الخير خلاص
رجعت لوراء تحكي...
ياسمين: والله غير ربي يهديك وهدي يعملوها رجال مش عيب عليك تعمل في بنت ناس هك...
معتز: والله يامرت خويا ماتزيديش عليا نعرف روحي غالط... شوفيلي حل كيفاه نعمل انا درك...
ياسمين: اوووف يا معتز علاه هك علاه... بقالك حل انك تخطبها...
معتز: وين نخطبها ربي يهديك انا خدمة كما ناس ماعنديش...
ياسمين: وقت عملت عملتك علاه ماخممتش فيها لحكاية هذي علاه تعشم في طفلة مش حرام عليك...
معتز: وانا وين علبالي راح يجي باباها يشوفني...
شبكت يديها زوج: بكل صراحة وين حاط علاقتكم توصل...
معتز: نكذب عليك ماعلباليش...
ياسمين: تسمى لعبت ببنت الناس... حرام عليك ماطلعتش كما خوك...
معتز: مرت خويا ماتكمليش عليا شوفي لطفلة حل باباها يعمل فيها اليوم...
ياسمين: ااااه منك اااه وش راح نعمل انا درك... مد عليها حتى كلمة هك باباها يسكت من بعد ربي ورحمتو...
معتز: ياوو مانيش نتع مسؤولية...
ياسمين: هاك قاعد دمرتي طفلة واقعد تفرج معاها...
معتز: الله غالب ماعندي مانعمل...
ياسمين: كون نلقالك خدمة تخمم فيها بجدية؟...
وقف من بلاصتو: مانعرف والله مانعرف...
ياسمين: تحبها؟
معتز: اكيد اما الحب مش كل شيء...
ياسمين: ثعلوب...
