المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 268:
راقد على كرشو فوق مطرح على لارض حاط لمخدة فوق راسو...ماحبش يرقد في بيتهم من غيرها... ليلة كانت طويلة عليه فرحتو مايدمها لحتى واحد... دخلت عليه حليمة حلت طاقة وهو تقول سكران ماتحركش من بلاصتو... حتى قربتلو نحاتلو لمخدة ومسحت على شعرو...
حليمة: بابا عزيز نوض راه قريب نص نهار...
طلع راسو وزاد رجعو يحكي مغمض عينيه: مزال الحال خليني نزيد شوي...
حليمة: لالا نوض بقالك تعب نتع اليوم برك وترتاح...
نفخ وناض تقعد: حاضر يما هاني نضت... إن شاءلله مانلقى حتى مراة لتحت ...
مكان حتى وحدة من خلف خالتك زهرة ومرت سوفي راهي توجد في لحوايج الي راح ندوهم للحنة...
ايمن: والله لخرابيط هذي مانعرفلهاش انا نوضوني وقت نجيب لمرأة وخلاص...
حليمة: ههههه نوض اغسل حالتك دوك نجيبلك فطورك وروح كمل قضياتك بلا تمسخير...
نحا لغطاء من فوق ووقف تكسل كانت هي وصلت للباب تحكي...
حليمة: شويا برك ونجيبلك فطورك...
حركلها راسو لبس قشو وخرج لدوش كزية لفوق عمل روتينو وتوضى راجع لبيتو صلى صبح الي فاتو وهز يدو يدعي والوقت الي دخلت وحطتلو فطورو وخرجت قفلت وراها لباب... ناض من فوق سجادة طواه وحطها فوق المطرح... هز تلفون لقاها ماعيطتلوش دخل للفيس قابلو ستورايات نتع دكورات الحنةوهي ماحطتش روحها جبد نفس تبسم دخل ميسنجر لقى صورها وساعت بسمتو جات قنبلة وخلاص هذوك العينين شعرها المرفوع اكسسوراتها لون الاحمر كيفاه خرج عليها... ثبت معاهم مليح وبعدها حط رقمها مدة وهزت...
أيمن: صباح الخير لعروسة...
جميلة: صباح النور لباس هذا وين نضت...
ايمن: راهي سهرية لصباح...
جميلة: بصحتك حبي... شفت صور الي بعتلك؟
ايمن: ااااه يابنت ناس وش عملتي فيا على صباح منين جايبة هذاك زين الكل...
جميلة: ههه عادي مش لدرجة هذيك...
ايمن: الحشامة تاعي وش تواضع هذا الكل...
جميلة: هههه لازم....(دخلت مريم تحكي معاها بهمس قاتلها تزرب روحها ) حبيبي لازم نغلق نعمل دوش راه قريب تجي لماشطة وانا لدرك ما غسلتش شعري وشيحتو...
ايمن: هما 10 سوايع وتكوني عندي...
جميلة: يارب... ايه قبل لا نغلق مرة هذي ماتقليش لا...
ايمن: على وش لا لكان شعرك من درك لا...
جميلة: لا تدخل تلبسني الخاتم...
ايمن: غير هذي لا انسايها...
جميلة: في خاطري حبي نحب نعمل معاك صور يبقاو ذكرى...
ايمن: قتلك لا مادخلتش وقت كانو زوج نساء ندخل وقت يكونو الف... من تحت نديك وفي لوتال نصور مع بعض كما تحبي...
دبلتلو صوتها جميلة: حرام عليك والله
ايمن: وغلاوت جميلة عندي مش حرام بدع هذي مانحبهاش تمام خودي بخاطري وكملي عرسك من غير ماتتغشي على حاجة تافهة...
جميلة: على الاقل اطلع لفوق نصورو وحدنا واحد لايكون معانا غير فوتوغراف...
ايمن: باهي في خاطرك اوكي نطلع...
جميلة: يعيشلي حبيبي... نخليك حبي باي...
حط تلفون في جيبو وشرب قهوتو بلواقفة... وخرج حمحم باه يعلمهم انو خارج... هبط جاب bouquet de fleurs وتلقى بسفيان الي اكد عليه طموبيلات الكل على 15:00 يكونو قدام دار...
اما حليمة كانت تجري من حاجة لحاجة...
قعدت على فوتاي شافت مع جوجيتا الي جات جابتلها فنجان زهر فيه سكر كشما تروحلها دوخة الي حاسة بيها... شربتلو على مرة ترد في نفس...
حليمة: مايكمل نهار حتى نطيح...
جوجيتا: بعيد شر عليك طاطا من تعب برك مابقاش بزااف ويخلاص...
حليمة: والله يا جمانة بنتي جاب ربي كنت معايا يد بيد مع انو مريضة وماقعدتيش خلاص تعبتك معايا...
جوجيتا: راني مسايسة روحي مهم نعاون بشي الي نقدر...
حليمة: إن شاءلله تجيك وقفة ساهلة يارب... ويجازيك ربي على قد قلبك...
جوجيتا: امين يارب... خالتي شوفي طبق الحنة خلاص واجد تاكدت منو مابقى عليك غير تحطي حاجة ذهب فيها وزوج لويزات التحطيهم فوق الحنة وهك نكونو كل شيء واجد...
حليمة: ايه هذوك مع الخرجة نجبدهم... نزيد نتعبك معايا بنتي بما انك عروسة جديدة انت الي تخرجيها مع بنت خالها... تعرفي معنديش شكون...
جوجيتا: كونك هانية ماتخمي في حتى حاجة... راح نعمل الي نقدر كل...
وقفت حليمة: ربي يفضلك بنتي لعزيزة...
