المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 257:
قاعدة وسط لحوايج طبق فيهم... لبنات دايرة بيها وحدة تغلف وحدة طبق معاها وتحط فاليز... وهي دايخة بضحك من هدرت سهى...
جميلة: هاتي بحداك قندورة هذيك...
سهى: وينها فيهم صفراء؟
جميلة: ايه هذيك والي بحداها ثاني...
مريم: يابنت رتحي روحك رانا كامل هنا نكملو عليك...
جميلة: يابنت هاك تشوفي حاجة ما كملت وغدوة يهزو لفراش...
سهى: يكمل بربي يكمل...
جميلة: ايه خلينا يد يد يكمل...
سهى: يابنت بقاولك غير 4 ايام وتخرجي عروسة روحي الهاي بروحك...
مريم: تتمسخر على روحها تحساب مانلحقوش...
جميلة: لا ماقصديش اما تعرفي نحب نشيك على لحوايج بيدي حتى نشفى عليهم وقت نعدلهم في داري...
سهى: ربي يسهل عليك تموتي على تعب...
مريم:جوجو هذو les Cadeaux وينا فاليز نحطهم...
جميلة: حطيهم في لكحلة...(وصلها ميساج من عندو...هزت شفاتو تبسمت «فراشتي وش تعمل »)
سهى: قلوب تتناتر في لجو... سي ايمونك تفكر بانتلي...
جميلة: ههههه اكيد هلا راح ينساني...
غمزت لمريم سهى: انا شفتو نهار كامل مكانش ماعيطش قلت كره بعد...
جميلة: اوخدي مسكين اليوم لاتي مع صاحبو خطب اليوم...
سهى ماتقوليهاش اكيد ركبت معاه وحدة بوڨوصة نساتو فيك...
مريم حابسة ضحكتها: ايه كاينااا...
حكت شعرهاجميلة: زعمة!!! هاه هاو عيط نوض نحكي معاه ونجي...
وقفت راحت لبيت مريم شعلت ضوء وهزت عليه...
جميلة: حبي...
ايمن: اهلا فراشتي وين غرقت اليوم...
جميلة: ههههه راني نغلف في جهاز... مابقاش على غدوة تهزوه...
ايمن: و4 ايام ونهزك انت... بيك تزيان دار مش بجهاز...
حشمت تلعب بشعرها تدور فيه: امممم
ايمن: وش امممم هذي...
جميلة: لا والو قولي كيفاه فاتت الخطبة؟
ايمن: عادي كما نتع ناس الكل...
جميلة: تعنى خير ولا تعهم خير....
ايمن: ههههه حكايات نساء...
جميلة: قولي برك...
ايمن: تعنا خير اسيدي...
جميلة: زعما ولا تجامل فيا...
ايمن: وانت كما عدت شاكة نجامل فيك علاه تسقسي فيا...
جميلة: ههههه غلبتني... ايمن حبيبي غدوة صباح نروح للحجامة...
ايمن: علاه وش تدير عندها...
جميلة: ههههه امورات نتع نساء...
ايمن: ربي يسهل اسيدي...
جميلة: مزال غير نعمل نهار لطبيبة مانعرف بعد غدوة ولا الي بعدو ...
ايمن: ونا طبيبة خير وشبيك مريضة؟
جميلة: لا مانيش مريضة...
ايمن: هااا مالا...
سكتت ماقدرتش تقلو...
ايمن: جميلة وشبيك انطقي...
جميلة: بااه.. احم باه نعمل شهادة عذرية...
ضحك عليها بصوت حتى خلاها تحشم
ايمن: وهذي تحشمك اجميلة... هههه هيه روحي اعمليها هك تكوني مهنية اكثر...
جميلة: حطيتك راح تقولي لا ماتعمليهاش...
ايمن: علاه نقلك لا هذا شيء لازم جميلتي...
جميلة: اوكي
ايمن: جميلتي ماتحطيش في بالك شاك فيك... اما بشهادة راح تتطمني اكثر فراشتي اوكي...
جميلة: اكيد حبيبي... انا نخليك خليت لبنات وحدهم...
ايمن: اهربي هكاك في لاخير جاية جاية...
جميلة: هههههه مهم درك نهرب...وقت نجي ساهل نشوف كيفاه نعمل....
ايمن: تبانلك ايا صحا جاو لولاد...
جميلة: باي...
