المكتـــوب 💎🥀
⭐على عشقـــــك لامـــــــوني ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 260:
نهار اخر جديد... واقف مع صحابو لبرا يوصي فيهم... حتى تعيطلو حليمة...
حليمة: ايمن ارواحلي دقيقة...
شاف معاها ودخل ايمن: انعم يما...
حليمة: وليدي بالاك ينساو مايهبطوش لقضيان بكل...
ايمن: يما تهناي حمزة وسفيان تعرفيهم يقومو بيها...
حليمة: تعرفني مانحب حتى وحدة تقول عليا نقصت حاجة على كنتي...
ايمن: ربي يهديك يما واحد ماراح يحكي عليك راك قريب تجيبي سوق كامل...
حليمة: تستاهل كنتي كل خير نمدلها عينيا وشويا...
ايمن: هاني بديت نغير...
سفيان: ايمن رانا رايحين شوكون راح يجي من نساء...
حليمة: انا نقعد مع جمانة رايحة غير خالتو زهرة وجارتنا فاطيمة...
ايمن: هيا فيها الف براكة...
حليمة: سوفي من غير مانوصي نكب تتوله على كلش ايمن راهو خوكم...
سفيان: خسارة عليك خالتي حليمة... من غير ماتوصي كامل...
حليمة: والله حبيت سعيدة تجي معاكم...
سفيان: اليوم وين روحت من عندي وزيد تاعبة شوي إن شاءلله في لعرس تحضر...
حليمة: إن شاءلله... حتى مرتك ربي يبارك عليها راهي مولهتني لكل شيء...
سفيان: غير ماتعبش روحها راك تعرفي حالتها...
حليمة: اواااه من بلاصتها ماتحركتش...
ايمن: هيا راح تبات لهنا ولا...
سفيان: سامحنا اسيدي هانا رحنا...
ركبو الكل بعدما خزو دفوع (عشاء لعروسة ) وراحو كلاكصون عمل حالة...هز معاهم فرقة نتع عيساوة الي بدات تغني من قلعو هولو لحالة...... وقف حط جيبو متبسم وخرج تلفونو عيطلها... مدة باه هزت...
ايمن: كما عدتي ماتهزيش علاه عاملتو تلفون...
جميلة: اني كنت نعدل في جهاز ونصور فيه على هذي ماسمعتوش...
ايمن: كملتي خلاص؟
جميلة: ايه حطيتهم الكل انا والبنات وسط دار...
ايمن: هيا مليح مالا راهم في طريق...
جميلة: اخاااه خلاص جايين...
ابمن: ايه جايين خلاص...
جميلة: هيا نخليك حبيبي نخبرهم... من بعد نحكو...
ايمن: واييه كما يدخلو رجالة... شعرة مانحبوش تبان منك... ماتخرجيش من بيتك...
جميلة: اكيد حبيبي كون متهني...
ايمن: هيا صحيتي الفحلة تاعي نخليك...
طلت عليهم من الباب...
جميلة: مريم.. يا مريم قلهم راهم جايين...
مريم: اخاااه مزال مالبستش كيفاه نقابلهم...
جميلة: هيا افرزي روحك فيسع واهبطي...
بدات حركة طالعين وهابطين... عماتهاوخالاتها ونساء خوالها في صالة... قاعدين يحكو ويضحو... سهى ومريم كل مرة يروحو يعدلو حاجة في لفراش حاطين لغناء... حتى بداء صوت كلاكصون يقرب... والبيبان نتع طموبيلات حبست... صوة فرقة عيساوة عاملة حالة... هولوها بشطيح ورشقية ... نساء الي جاو دخلو مع دفوع على صوت زغاريت... سلمو على الي كانو قاعدينوقعدو ضيفوهم ... لبنات يطلو من طيق على رجال كفاه عاملبن جو... هذي تقول لخرا شوفي هذا بوقوص ولخرى تقولها لاخر يدوخ... بداو رجالة يخرجة في جهاز بلحاجة... ايمن ومعتز وحمزة وسط فورقون يعدل فيهم... كملو هزو كل شيء... ورجعو بيهم لدار هبطوهم طلعوهم لفوق لبيت ايمن على صوت زغاريت... الي وقف يشوف مع كل حاجة... بعدها حرك راسو متبسم وقفل اباب بلمفتاح وهبطو لحليمة لتحت... وهز على تلفون وقت صونا...
ايمن: فراشتي...
جميلة: حبيبي هههه مابقاش خلاص لكبير جاء لعندك...
ايمن: اما صح مزال...
جميلة: ههههه قريب إن شاءلله...
ايمن: إن شاءلله يارب...
