مرحبا باحلى قراء ان شاء الله الكل بخير وصحه وعافيه
مشتاقه الكم هوااااااايه
بديت اكتب القصه لان كثير راسلوني وسالوني
اشو هالايام غايبه ما الج حضور ع الواتباد
بالحقيقه صارت عندي مشاغل وايدي توجعني اذا اكتب واحركها اكثر من اللازم
وبديت بقصه جديده لكن الي صار خلاني اتوقف وابدي اكتب هاي القصه وما اخفيكم لحد الان متردده
اكملها او لا
حتى متردده من عنوانها يعني صراحه بيها احداث ما تتصدك لكن ماكو شي صار عجبه ولا مستحييل
واحنه عايشين وكل العالم عايش بهاي الدوامه الي ما نعرف وين راح توصل بينه
حروب
قتل
مجاعه
فساد
فقر
باطل يلبس ملابس الحق وناس تدعوله
وحق مغبون ومظلوم وناس تقتله وتجرمه
دوامه ما نعرف شنو نهايتها
الي اتمنا منكم تتحملوني وتصبرون عليه
احداثها حقيقيه ما جايبه شي من الخيال
البعض ايشكك ويگول بكل قصه يقروها هناك فارس نبيل يقدم المساعده ويكون متميز في شكله واخلاقه
وامواله وكلامه
والتشكيك مو فقط على القصص الي اكتبها لا بصوره عامه
احب اجاوب انو عنصر المفاجأه موجود في كل زمان ومكان الصدفه تتواجد وتعيش ويانه ياما مرينه بااحداث وكانت
الصدفه وحدها هيه الي يكون الها مكان بحياتنا قد تنقذنا من خطر محدق بينه او قد اتعرفنا على اشياء كانت خافيه علينه
او حتى تعرفنا على معدن الناس الي يمكن مخلين كل ثقتنا بيهم
الكثير يعرف انو القصص الي اكتبها هي من الواقع حقيقيات وممكن تحصل في اي وقت وبوقتنا الحاضر الي
انعدمت بي مع الاسف الكثير من الامور الي اتربينه عليها ونوجدت مجموعات اجت باشياء غريبه بعيده عن
مجتمعنا وعن تربيتنا وعن عاداتنا وتريد تفرضها علينه لكن بصوره عامه (لو خليت قلبت )
لازال هناك الكثير من الطيبين الي يحملون اخلاقيات وتربية اهلنه
راح ابلش كتابه ونشر واتمنى تتفاعلون
القصه مختلفه واكثر مجريات الاحداث على لسان البطله
هي قصه اجتماعيه تتكلم عن الاسره والتفكك العائلي
اكو بيها كلمات املاءها خطأ بس حتى اوازن بالكلمات مثل
هي انا اكتبها (هيه )
هو /اكتبها (هوه )
هذا / هاذا
وغيرها من الكلمات وكل هذا الشي حتى نقرب كلمات القصه منكم
رغم الوجع الي اعاني منه لكن كل بارت اكتبه اكثر من 3000 واحيانا يصل الى 5000كلمه بدون اخطاء ومن
طبيعتي لمن اكتب
اخلي القارئ يعيش احداث القصه وكأنما يعرف الابطال واذكر ابسط الاشياء وما اغبن وجود احد اعامل الكل
على انهم ابطال
والهم دوور جدا مهم والا ليش اذكرهم
الي اريده منكم تتفاعلون ويه القصه وتصوتون عليها تره انا قصصي مظلومات بالتصويت امثال (ناديه ) الي ولا
وحده من الكاتبات مع احترامي الشديد متطرقه لهكذا قصه لكن ما عندي حظ ويه قرائي يبخلون عليه بالتصويت
اتمنولي الصحه والنجاح ولكم المثل
تحياتي 😘😘
آنيين الليل 🥰🥰
احبكم ❣️❣️❣️
أنت تقرأ
عقارب ذوي القربى
ChickLitقصه تتحدث عن قساوة الحياة وعدم تسامح المجتمع عن اخطاء قد نكون مجبرين عليها هي الظروف وعدم التربيه وغياب الاهل وظلم الاقارب هي من جعلتنا نكون سلعه رخيصه من الممكن اي احد ان يحصل عليها
