عقارب ذوي القربى

البارت الخامس والاربعون

عقيل

طلعنه انا وعلا چان عندي وياها مراجعه لبعض الحسابات اتعمدت اعوف موبايلي ع الميز
ردت ارجع واشوف هاي شنو تحچي لان شفت بوجهها كميه من الكره على علا بت خالي والي انا نفسي
ما اطيقها ولا احب تشاركني شغلي لكن ما انكر الي سوا خالي الي وبيوم من الايام وكف وياي وساعدني ولا خلا
بخاطري شي
صحيح انا الي اشتغلت وتعبت لكن هم ما انسى هو الرجال براس ماله وانا بتعبي
كان يحبني كلش ومتعلق بيه مثل ابنه

الشي الي يزعجني تربيته الابنه علي الي اتزوج اختي والي مع الاسف عاف كل شي وهاجر وما سال عن ابو وامه
اله بعد ان ماتو وطالب بورثه عن طريق السفاره واخذه وبعد ما صار يسال
وعلا الي ابد تربيتها ما عجبتني وادري بخالي كان امنية حياته اتزوجها العلا لكن انا حاولت بشتى الوسائل
اتجنب هذا الزواج وخالي افتهم وجهة نظري وحتى علا هم اتفهمت وضعي بس هيه هسه معتبره نفسها خطيبتي
ودائما تكلي
انا لو اتزوجك انت لو ما اتزوج

راح يصير عمرها اربعين وهواي خطبوها لكن هيه ترفض
المهم رجعت للغرفه بعد ان كلت العلا ::رايح اجيب نقالي نسيته بالمكتب
وانا اعرف وين نسيته وصلت يم باب الغرفه ولان انا اتعمدت ارد الباب ما اسده سمعت كل كلامها وهيه
تسولف ويه امي وماخذها الواهس وتحجي ابتسمت بكلبي وهاي اول مره ابتسم يمكن من سنين
دخلت وانا عاكف حواجبي وگتلها بهدوء :: ناوشيني النقال

شفتها جمدت بمكانها وفتحت عيونها ع الاخر باوعتلها وانا رافع حواجبي اتقربت عليها واخذت الموبايل وحاجيتها
:: مره ثانيه اتاكدي من الباب زين حتى من تحچيين محد يسمع كلامج
درت اريد اطلع سمعت صوتها مخنوك = استاذ
وكفت ما درت عليها هيه اتقربت وهيه مدنكه = اسفه ما اقصد شي
ما جاوبتها هيه ردت = اعتبر نفسي مفصوله
حسيت بيها من حجت هاي الجمله بجت ما حبيت اواسيها طلعت مريت بالمطبخ شفت ام نوزاد جاي اتحضر

اتقربت منها هيه باوعتلي وكالت  //اامرني استاد
:: هاي الي تداري امي
مها
هزيت راسي :...اي
شبيها
عضيت شفتي وكلت :: خلي تسوي عصير رمان حلو وتحاول تشربها الامي
حاضر استاذ هسه ابلغها
اتنفست بعمق :: لا لا ام نوزاد فهميها تنطي الامي العلاج بوكته يمكن انا اليوم اتاخر
تمام

:: ولاتنسى المساج
حاضر
طلعت ورحت للسياره شفت علا كاعده ركبت يمها هيه بادرت // لكيت نقالك
بدون ما اباوع الها :: هو ما ضايع حتى الكا
صرت اسوق وانا احچي ويه نفسي :: هاي انا ليش هالشكل اتصرف ويه مها
::يمكن بسبب عفويتها ولانها ما متصنعه
:: او يمكن كسرت خاطري من بچت

علا ملتهيه اتدندن ويه اغنيه جاي تسمعها بالموبايل خاله الهدفون  ولان تعرف انا ما اشغل اغاني ولا اسمع
وصلنه للشركه دخلت انا وهيه المكتبي علا مكتبها خاص يم غرفتي دخلنه واجه العامل فتح الباب هيه
انطته سويج السياره وگلتله // روح جيبها من البيت

  العامل باوعلي انا هزيت راسي هو راح واجت بنيه لابسه كابوي حصر وبدي مبين كل مفاتنها دخلت وسلمت
  بصوت انثوي // مرحبا استاذ شتامرني
باوعت العلا هي كالت //مرحبا ست
علا // اهلا رفيف شلونج بالشغل
تمام
- - روحي جيبي الاوراق خلي نراجعهن او وصينه على اثنين كهوه
- - اتامريني