عقارب ذوي القربى

البارت الحادي والستون

مرحبا
يعني شكد ما اكتب تكتبولي البارت قصير وما بي احداث
طيب اقل بارت اكتبه اكثر من 3500 وكسور كلمه
الاحداث اكدر اجمعهن ابارت واحد لكن ما راح تكلولي ظلمتي القصه وبسرعه نهيتيها

حبيباتي

تدرون بيه اكتب ابسط الاشياء واي شخص بالقصه مهم جدا بالنسبه للحدث
اصبرو عليه صدگوني
هاي القصه متلونه
اشخاص نكرههم بعدين نحبهم
اشخاص نعتقد بخيانتهم لكن الوقت ايبين النه معدنهم الحقيقي
شويه صبر
ربي يحفظكم

//////////............///////////............///////////////
مها
بقيت كاعده يم ملاك الي چانت نايمه واباوع الرهف الي بقت واكفه اجت وحده ممرضه
گالت بنتر // ما يصير تبقون اثنين يم المريضه لازم وحده
اتقربت منها وكتلها = حبيبتي مضطرين لان ما عدنا احد نبقى عنده
سالتني //شلون يعني ؟

=يعني احنه تلاثه يتيمات واذا انا ابقى يم ملاك هاي (اشرت على رهف ) اخاف اخليها ابحدها
الممرضه // اوووف ما عدكم احد
= لا بس الله احسن من اي احد
- والنعم باالله ابقن دادا اني راح احچي ويه المدير الاداري

= تسلمين بس ممكن اسالج
- اي اتفضلي
= اشو احنه بالغرفه هاي ابحدنا شعجب
-مو الرجال الي سبب الحادث دخلها على حسابه للجناح الخاص
= الله ينطيهم
- الله ينطيهم شنو غصبن عليهم مو چان ماتت البنيه
= ما متقصديها

- حتى لو لازم همه يشيلون كل مصاريفكم مو ياخذوج وتتنازلين بدون شي
= شلون يعني ؟
- يعني اكيد باجر حيجوون ويگلولج اتنازلي لان انتي الچبيره مو تمام
باوعت الرهف = اي انا الچبيره
هزت راسها //اي من ترحين وتتنازلين اخذي وياج رجال حتى يصير الكلام مواجه يعني يشرط عليهم
= هاا

- اي طبعا اذا تتنازلين يضيع حقها ما تدرين شنو يصير والناس ما تنحزر يجوز هسه ايگلولج
احنه مستعدين الكل شي بس اتنازلي وبعدين يتملصون فااحسن شي لاترحين ابحدج
= فدواتج همزين فهمتيني
ضربتها ابره بالمغذي وگلتلي // انتبهي بس يكمل سدي منا وانا اجي اشيل الكانوله

راحت وانا بقيت كاعده يم ملاك ع الجربايه ورهف ع الكرسي وهيه ساكته ما حاجيتها اندك الباب
عدلت شالي وطلعت شفته واحد من الولد الي اجه وره السايق كلي // السلام عليكم
= عليكم السلام
-اني ابن حجي مفيد ابويه دز هذا العشا وهاي الغراض

باوعت الهن شفتهن يطق يعني فراش اخذتهن وانا اگله شكرا
دخلت العلاليك   وياها سيت ماي  ورجعت على الفراشات
الولد كلي // ابويه يكول شنو تحتاجون تتصلون بينه هذا رقمه
طلع ورقه وانطاها الي اخذتها وبعدين كال // اختي وهذا المبلغ دزا ابويه

هزيت راسي = لا بالنسبه للمبلغ ما اكدر اخذه
-   ليش ما تاخذي يجوز تحتاجون شي
= ان شاالله ما نحتاج اي شي
  - تمام بعد الرقم يمج ولا تترددين بشي تردي راسا خابري واحنه بالخدمه
= شكرا
- في مان الله