عقارب ذوي القربى

البارت السابع والخمسون

بارت طويل تعويض لعيونكم
////...............///////..................///////
اتنفست وانا اهز براسي وعاكفه حواجبي = مستحييل عقيل يعرف
رهف // مو تكولين يعرف اسم ابوي
= اي ايعرفه نسيتي من راح ويانه للديوانيه لمن رحتي تمتحنين وسالتني المديره عن اسمج هو انطى اسمج
الثلاثي يعني ما معقوله عقيل يعرف وما يحجي وياي او حتى يفصلني

روان//  انتي شلي مخليج متاكده
= عقيل من يعرف شي مستحييل يسكت بنته الي هيه بنته من عرف بيها اتجاوزت عليه خلاها تعتذر مني گدام
الناس الي چانو موجودين (هزيت راسي ) لا مستحييل يعرف بروان صدكي اذا عرف دقيقه ما يبقيني
رهف // اوكفي مها گلتي بنته اتجاوزت يمته وليش
اتحسرت = هيه ما اتجاوزت بالمعنى الصريح بس كالت مادام بيبيتها اتوفت ماكو داعي الوجودي
رهف // اشو ما گلتيلي

= ماكو داعي اكلج اصلا بالبدايه ردت ابطل وادور على شغل لكن هو دز عليه ورجعني وزيد راتبي
رهف // يعني تتصورين ما يدري
  = صدگيني ما يدري وان شاالله يبقى ما يدري ما شفتي جاسم من اجه شكال مو گلي ابتعدي عن سيف
حتى تبقيين تشتغلين بكرامتج لان لو يعرف عقيل ما راح يسامحج ابد
- الحقيره اروينه الساقطه
  = ياالله كلش تعبانه وباجر وراي دوام

رهف //اوكفي خلي نفتح الهدايا ونشوف
= انتي شكد بطرانه
خلي نفتحها
اتثاوب واكلها = افتحيهن
فتحت العلاكه طلعت تلث تراكات رهف كالت // مها شوفيهن يخبلن
وعلاكه بيها شالات وعلاكه بيها جنطه نسائيه بس تخبل

وطلعت علاكه بيها ترواكه نسائيه بيها كبوس بي فرو ونهاية الردان فرو هم صفنت وانا اگول
= معقوله سمعني من كلت الام نوزاد بردانه
وجايب دهينه وترب للصلاة وسبحه
رهف مبهوره وهيه تكول //مها هذا استاذ عقيل شكد عنده ذووق
  جاوبتها = گولي عنده فلوس

هزت راسها //اي بس اكو ناس عدها فلوس ونايمه عليهن حتى تستنكف اتطلع ربع دينار
= لا هو الصدك استاذ عقيل كريم  وكريم كلش
رهف // وعنده ذووق
=هسه رهف اخذي الج تراك وشال والملوكه تراك والباقي الي
والدهينه
=النه كلنه
ابتسمت // خوش لعد خلي انحلي
= اووي هاي منو الي تحجي لعد
——- والله مهاوي عبالهم اني بغداديه
= وشنو يعني انتي شقاصرج والبغداديات بيش غالباتج ياالله لمي الغراض اريد انام
  ——- تمام

اشوف ملاك تجر برهف سالتها= شبيها شتريد
—-0– مللتني تريد دفتر وقلم
=ها شتسوي بي
ما اعرف تشخبط
=وليش ما تنطينها
—— منيلي مها دفاتري اريدهن ايكفني
كمت لبست كابي ولفيت شالي رهف سالتني // وين رايحه
=اجيبلها من الدكان دفتر وقلم
——-  هسه رايح الوكت
=لا همه يتاخرون ياالله يعزلون وهم اجيب شي للريوك

رحت للمحل واشتريت دفتر رسم وقلم رصاص والوان واشتريت كلاص جبن واجيت انطيت
الاقلام والرسم الملاك وانا ابتسم = هاج حبيبتي ارسمي بنيه مثلج حلوه وارسمي تفاحه وموزه
رهف // تتصورين تعرف شنو نحجي
اتحسرت = علمي علمج بس نكول احسن من غيرها تمشي وتشوف وما تعبث
رهف /. لا مهاوي الفضل الج لو ما انتي جان الله العالم شيصير بيها
  =راح انام قفلت كلش لاتنسين اتطفيين الهيتر والتلفزيون