عقارب ذوي القربى

البارت الثالث والثلاثون

هذا البارت بي احداث سنتين واحداث نااااار 🔥🔥🔥
واكثر من 5000 كلمه
اتمنالكم قراءه ممتعه ولا تنسوون التصويت كافئو تعبي واضغطو ع النجمه
شكرا الكم مقدما
تحياتي 😘😘
# انيين الليل #
///////////////////

مها
اجت شروق ورهف من السوك سلمت وگعدت اما رهف فااخذت العلاكه ودخلت للغرفه وراحت وراها روان
اتقربت مني شروق وانطتني علاگه وكالت // هاج مها هاي قطعة قماش وشال من عندي
باوعت الها وابتسمت = شنو هالزحمه
ماكو كل زحمه والزمي هذني الي بقن من شغلات البنات
= ما قصرتي مشكوره

ام غسان وكفت // ياالله انا اروح
=هلا بيج خاله وكلي الحوراء تدلل ولا يهمها اله اخليها تاخذ كله تسعينات وميات بالرياضيات
شروق //شنو شبيها حوراء
ام غسان // ما تفتهم ع المدرسه ومها كالت خلي تجي ادرسها
شروق ابتسمت //يا مها تعرفين
= اي انا اعرف ادرس كل المواد
  - - ما شاء الله

ام غسان // زين انا اروح واخليها تجيج فد يومين
= هلا بيج وبيها ومشكوره مره ثانيه
- - لا تحجين هيج شنو شمسويتلج
طلعت ام غسان شروق كالت //  خلي رهف اتجيب العلاكه وتجي
انا وصلت يم باب الغرفه وكلت = رهف روان تعالن
اجت رهف وبيدها العلاكه شروق  كالت // ها كدرتن الملابس لان شرطت على ابو المحل اذا زغار كبار ابدلهن
رهف //لا على كدنا مشكوره

شروق // مها انا جبت الكل وحده صدريه وقميص وشال وجبت الهن تراك كل وحده صار احسابها 45 الف
واشتريت تلث ازواج جواريب اسود وهذا الباقي سبع تالاف هذا حلالج والله بدالج
اخذت الباقي = تسلمين وما قصرتي
شروق //اكلج ام غسان شجابتلج
= قطعة قماش
زين ويه قطعتي اخيطهن الج
= تعرفين

شروق اتفر بيدها =/ / وين اعرف اوديهن لام هاجر خوش تخيط ورخيصه
= اي حتى ارجع دشداشتج الي لابستها وحتى روان
  لمت حلكها بزعل // مو عيب شنو ترجعيهن
= لا ما يصير دشاديشج
هزت ايدها // شنو عجبه هنه دشاديش وملبوسات خليهن وداوري بيهن
= مشكوره ام ضرغام ان شا الله اردهن بالافراح
باوعتلي وابتسمت //تدللين

وراحت ام ضرغام وبقيت ويه البنات الي كتلهن = روحن حضرن ادروسچن
روان ردت عليه //يعني اله نداوم
هزيت راسي = اي باجر دوام
رحت طبخت تمن وجبت روبه وصحت للبنات ياكلن بالمطبخ وانا رحت بقيت يم ملاك كملت روان واجت وانا
رحت اكلت شويه ع السريع بعدها اتمددت واشوف رهف طلعت كتبها سالتها
= شلون تحضرين دروسج وانتي ما جايبه الجدول

جاوبتني بدون ما تباوع // هوه نفسه كل اسبوع انا راح اخذ جدول باچر  واكيد هنه عدهن علم بوفاة ابوي
= اكلج رهوفه دفتر الرياضيات مال العام عندج
باوعتلي وهزت راسها // اي عندي ليش ؟
= رايدته
- - اي موجود لان المدرسه كالت احتفظو بيهن اكو معادلات ما مفهومه بكتابنا نرجع الهن

= وين مخليته
- - بصندوك بالبيتونه
= اووو يجوز هسه الكاهن منكعات من المطر والرطوبه
- - لا خالتهن بعلاگتين نايلون
= روحي جيبي الي
هزت راسها //شلج بي
= محتاجته