عقارب ذوي القربى

البارت الثالث والعشرون

مها
ابوي من سمع كلامي خزرني  والبنات اتفاجان رد عليه بعد ان اتقرب
- - شنو شگلتي ما سمعت
رغم خايفه من ردة فعله وارجف جاوبته = بابا راح ابطل من المدرسه واشتغل
حچى بعصبيه // شتشتغلين وبكيفج انتي اتقررين انتي شنو اشايفه نفسج
= بابا احنه كبرنا والحياة صعبه واحنا بنات كل شي نحتاج
- - ماكو شغل افتهمتي لو لا

جريت نفس = بابا هو انا شراح اشتغل
- - شنو ما تشتغلين ما اقبل
= ليش ما تقبل
- - ما اقبل وهذا هوكافي لا تحچيين

قررت ما اسكت = بابا هواي نحتاج شغلات وانت ما جاي تلحك
رد بنفس عصبيته //شتحتاجن ها شتحتاجن الي اكدر علي اجيبه ما مقصر
= بابا كل شي نحتاج ملابس واكل وعلاج كل شي نحتاج ورانا مدارس شكد يراد النه انت ما مقصر بس الي جاي تنطي ما يكفي

خله اصبعه على حلگه //هيه كلمه ما تشتغلين تردين اتبطلين بطلي بس شغل لا
جاوبته وانا اباوعله وابلع بريگي = زين بابا بس لاتنسى اتمر على ابو عباس ابو المحل تره الرجال هواي ايطلبك

هوه اتفاجأ من ردي //شنو يا ابو عباس هذا
= ابو عباس ابو الاسواق من رجعت جبت منه بيض سالني گلي عمو تدفعين لو اسجلهن على حساب ابوج
وانا اعرف بيك بابا انت غير باكيت الجگاير ما تشتري لان بالاساس ما تجيب النه بس العلاگه وهاي تجيبها
من البساطي الي بطريقك فسالته عمو يادين هو راواني الدفتر واتفاجأت من شفت جكاير وروبه وكرزات وحب

روان شهكت ورهف صارت تباوع ابوي نتر عليه //وانتي جاي اتحاسبيني على شوية حب لو كرزات اخذهن منه
هزيت راسي = لا بابا مو شويه شفته المبلغ الي عليك وما احاسبك بس جاي افهمك احنه مو بس نحتاج اكل خبزات
وطماطيات وبتيته واجار بيت لا يا بابا
احنه بنات كل شي نحتاج وانت تعرف البنيه بعمرنا شكد تحتاج ملابس داخليه وحفاضات نساىيه تدري شكد نحتاج
اقلام ودفاتر وبالشتا جواريب وقماصل

تدري يابابا من نروح للمدرسه ونشوف البنات يشترن وياكلن واحنه نباوع الهن ونبلع بريكنا
اقلها اشيل عنك شويه ما تحتار بمصرفنا
هوه جر نفس وسالني // وين تردين تشتغلين
= بعياده سكرتيره عد طبيب
- - وهو الطبيب شگد راح ينطيج
= شما ينطيني نعمه
- - وشلون ترحين وترجعين

= الكيات موجوده تذبني يم العياده وبالرجعه تنزلني براس الفرع
روان حچت // بابا ليش مها تشتغل انا اشتغل اصلا انا ما احب الدراسه
ابوي لملم حلكه وگلي // جربي بس هالشهر واذا تشوفين الشغل يتعبج لو انتي ما تگدرين بطلي

هوه طلع وروان باوعتلي // هاي يمته اتفقتي ويه الطبيب وشلون قنعتي
رديت عليها وانا افر اب ايدي = شنو اتفقت شنو قنعته اصلا انا ما راح اشتغل ويه دكتور ثائر
  = ها چا وين تشتغلين
= انا طلبت من دكتور ثائر يشوفلي شغله وشافلي يم صديقه دكتوررمضر
- - اها وكل هذا سويتي وانا ما ادري
  = ولج شسويت شنو هالحجي هذا