عقارب ذوي القربى

البارت الحادي والسبعون

بارت طويل لعيونكم
#عقارب ذوي القربى #
# آنيين الليل #
هذا البارت كلش طويل
رغم المرض والتعب لكن كتبته اتمنى يعجبكم
ولا تنسوون التصويت ع البارت
وتعليقاتكم ابين الفقرات😜😜😜
///////////////////////////

مها
عقيل خلى راسه ابين اديناته حسيت شكد مخذوول وتعبان
جاوبته =عقيل عوف كل شي امشي خلي نطلع للحديقه
ماجاوبني  كمت زحت البرده اتفاجأت الدنيا ليل يعني شگد صار گاعدين ونسولف
رجعت كتله = ياالله عقيل گوم اتوضى وصلي صار دنيا ليل واحنه ما منتبهيين

طلعت ورحت اتوضييت وصليت من كملت رحت اشوف ملاك لكيتها بالغرفه
متمدده تباوع للتلفزيون وسيلينه يمها  اشرت السيلينه يعتي اكلتو
هيه هزت راسها سديت الباب وطلعت لان اذا اتقرب من ملاك واحضنها ما راح اتهدني
وانا الفضول يقرا عندي مليون

رجعت للمطبخ سويت جاي وحميت فطاىر وخليتهن بماعون وصبيت كوبين واخذتهن
شفته كاعد ع القنفه خليتهن كباله وكعدت بصفه
= عقيل هاك اكل شويه واشرب جاي

اخذت فطيره وخليتها اب ايده حاولت اكون طبيعيه لكن الموقف صدگوني
حتى المعده يگلبها بس اتماسكت وحجيت = انا جوعانه ما حااكل اذا انت ما تاكل

ما جاوبني قربها من حلگه ثلمها ادري بي جاي يلوچ مراره انطيته كوب الچاي انتبهلي
ما جاي اكل گلي
:: اشو ما تاكلين
ابتسمت = خلي اشوفك تكمل هاي الي بيدك وانا اكل

اتحسر :: لا تخافيين عليه هياتني بعد خمس سنوات عايش واكل واشرب واخذ مناقصات
وكبرت شغلي واشتريت املاك
ما جاوبته اخذت فطيره وصرت اكل واشرب جاي انطيته ثانيه هز راسه يعني ما اريد
انا جاوبته وانا ابتسم = عفيه اكل انا جوعانه واذا ابقى بس انا اكل اصير عبالك بليده

هو ضحك وادري ضحكته ايداري بيها حزن سنين انطيته وحده ثانيه
= ياالله اكل بس هاي وانا اوعدك راح اكل ذني كلهن
اخذها وصار ياكل وبمجرد ما كملها انا اخذت الصينيه لان بصراحه اثنيناتنا نجبر
نفسنا ع الاكل سويت كهوه وطلعت صحن فواكه واخذتهن هو اخذ فنجان الكهوه
وانا اخذت تفاحه صرت اكل بيها باوعلي وكلي

:: روحي نامي انتي تعبتي
هزيت راسي = ما انام
::ليش
= كملي
:: ما اكمل خلص كل شي عرفتي ياالله روحي

وكفت واخذت الصحن وحجيت عبالك وحده تتعارك ويه صاحبتها
= اسمعني عقيل انا راح اسمع كلامك واروح انام
بس يكون بمعلومك اذا ما اعرف كل شي راح اطلع منا

لم حلگه :: يمكن جاي اتهددين
هزيت راسي = اي اعتبره تهديد
:: تمام اطلعي هسه
رديت بتوعد = ماشي الصبح اطلع لان ملاك نايمه تصبح على خير

اخذت الصحن للمطبخ وانا احجي = طبعا اطلع شنو باقيه اهنا
= ويكلي عرفت كل شي هو شعرفت انا
= اي اطلع وما ارجع